ભગવદ્ગીતા · અધ્યાય 51

બલદેવઃ :
ષષ્ઠે યોગ-વિધિઃ કર્મ-શુદ્ધસ્ય વિજિતાત્મનઃ ।
સ્થૈર્યોપાયશ્ ચ મનસો ઽસ્થિરસ્યાપીતિ કીર્ત્યતે ॥
પ્રોક્તં કર્મ-યોગમ્ અષ્ટાઙ્ગ-યોગ-શિરસ્કમ્ ઉપદેક્ષ્યન્ન્ આદૌ તૌ તદ્-ઉપાયત્વાત્ તં કર્મ-યોગમ્ સ્તૌતિ ભગવાન્ અનાશ્રિત ઇતિ દ્વાભ્યામ્ । કર્મ-ફલમ્ પશ્વ્-અન્ન-પુત્ર-સ્વર્ગાદિ-કામનાશ્રિતો ઽનિચ્છન્ કાર્યમ્ અવશ્ય-કર્તવ્યતયા વિહિતં કર્મ યઃ કરોતિ, સ સંન્યાસી જ્ઞાન-યોગ-નિષ્ઠઃ, યોગી ચાષ્ટાઙ્ગ-યોગ-નિષ્ઠઃ સ એવ । કર્મ-યોગેનૈવ તયોઃ સિદ્ધિર્ ઇતિ ભાવઃ । ન નિરગ્નિર્ અગ્નિહોત્રાદિ-કર્મ-ત્યાગી યતિ-વેશઃ સન્ન્યાસી ન ચાક્રિયઃ શરીર-કર્મ-ત્યાગી અર્ધ-મુદ્રિત-નેત્રો યોગી । અત્ર યોગમ્ અષ્ટાઙ્ગં ચિકીર્ષૂણાં સહસા કર્મ ન ત્યાજ્યમ્ ઇતિ મતમ્

ભ્ગ્ 6.2
યં સંન્યાસમ્ ઇતિ પ્રાહુર્ યોગં તં વિદ્ધિ પાણ્ડવ ।
ન હ્ય્ અસંન્યસ્ત-સંકલ્પો યોગી ભવતિ કશ્ચન