અવદાનકલ્પલતા · અધ્યાય 4

ઇતિ ક્ષેમેન્દ્રવિરચિતાયાં બોધિસત્ત્વાવદાનકલ્પલતાયાં મણિચૂડાવદાનં નામ તૃતીયઃ પલ્લવઃ ॥
4. માન્ધાત્રવદાનમ્ ।
શોભન્તે ભુવનેષુ ભવ્યમનસાં યન્નાકકાન્તાકર- પ્રૌઢોદઞ્ચિતચારુચામરસિતચ્છત્રસ્મિતાઃ સંપદઃ ।
યચ્ચોત્સર્પતિ તર્પિતશ્રુતિ યશઃ કર્પૂરપૂરોજ્જ્વલં
સ્વલ્પં દાનકણસ્ય તત્ ફલમહો દાનં નિદાનં શ્રિયઃ

અભૂદુપોષધો નામ ભૂભૃધ્યસ્ય વિભાવતઃ ।
વિબુધાભિમતા કીર્તિઃ સુધા દુગ્ધોદધેરિવ

વસુધામવતો યસ્ય વસુધામવતઃ પુરઃ ।
નનામ પ્રણતૌ કસ્ય ન નામ નૃપતેઃ શિરઃ

શુદ્ધા ધીરિવ ધર્મેણ દાનેનેવ દયાલુતા ।
વિભૂતિર્વિનયેનેવ ભૂષિતા યેન ભૂરભૂત્

ગુણિનઃ પ્રાંશુવંશસ્ય બભૂવેન્દુદ્યુતેઃ સ્થિતિઃ ।
યસ્ય સર્વાતપત્રસ્ય મૂર્ધ્નિ સર્વમહીભૃતામ્

યસ્યેશ્વરશિરઃસ્થાયિ શુભં ગઙ્ગાજલોજ્જ્વલમ્ ।
ભ્રમત્યદભ્રં લોકેષુ ભુવનાભરણં યશઃ

કર્તુ ક્રતુસહસ્રાણાં સહસ્રાક્ષાધિકશ્રિયઃ ।
યસ્ય ષષ્ટિસહસ્રાણિ કલત્રં સુદૃશામભૂત્

કદાચિન્મુનિરક્ષાયૈ રક્ષઃક્ષયકૃતક્ષણઃ ।
વિચચારાશ્વમારુહ્ય સ તપોનનભૂમિષુ

તત્ર રાજર્ષિભિઃ કૈશ્ચિત્પુત્રેષ્ટિકલશં ધૃતમ્ ।
દૂરાધ્વશ્રમસંતપ્તઃ સ પયઃપૂર્ણમાપપૌ

વિજનાસાદિતં પીત્વા સ મન્ત્રકલશાત્ પયઃ ।
રાજધાનીં સમાસાદ્ય ગર્ભં લેભે વિભુર્ભુવઃ

સ્વપ્નમાયેન્દ્રજાલાદિ યસ્યાઃ કૌતુકવિપ્રષુઃ ।
જયત્યદ્ભુતસંભારભૂમિઃ સા ભવિતવ્યતા

વિધેર્વિવિધવૈચિત્ર્યચિત્રકર્મવિધાયિનઃ ।
આશ્ચર્યરેખાવિન્યાસં કઃ પરિચ્છેત્તુમીશ્વરઃ

કાલેન તસ્ય મૂર્ધાનં ભિત્ત્વા બાલોં ઽશુમાનિવ ।
રૂઢવ્રણસ્ય સહસા દિવ્યદ્યુતિરજાયત

તં રાજજાયા જગૃહુર્જગત્સામ્રાજ્યલક્ષણમ્ ।
વાત્સલ્યપ્રસ્રુતક્ષીરાઃ પુણ્યંમૂર્તિમિવાશ્રિતમ્

માં ધારયિષ્યતિ શિશુઃ શ્લાઘ્યો ઽયં જનનીપદે ।
ઇતિ તાસાં મિથો વાક્યૈર્માન્ધાતાભૂન્નૃપાત્મજઃ

તસ્ય પ્રવર્ધમાનસ્ય બાલક્રીડાવિલાસિનઃ ।
ષડિન્દ્રઃ પ્રયયૌ કાલઃ પુણ્યક્રીડક્ષયાયુષઃ

નવયૌવનમારૂઢઃ સર્વવિદ્યાસુ પારગઃ ।
સ યાતે પિતરિ સ્વર્ગં ભેજે રાજ્યં ક્રમાગતમ્

યક્ષો દિવૌકસો નામ સુકૃતેર્દાસતામ્ ગતઃ ।
અભિષેકોપકરણં દિવ્યં તસ્યોપનીતવાન્

સ સ્વર્ણૈર્બદ્ધમુકુટઃ કલ્પિતોષ્ણીષશેખરઃ ।
શ્રદભ્રાવતંસસ્ય મેરોઃ શોભામવાપ્તવાન્

સપ્ત રત્નાનિ તસ્યાથ પ્રાદુર્ભૂતાનિ તક્ષણે ।
ચક્રાશ્વમણિહસ્તિશ્રીગૃહસેનાગ્રગાણ્યપિ

બભુવ ચાસ્ય પુત્રાણાં તુલ્યરૂપબલૌજસામ્ ।
સહસ્રં વિજિતારાતેર્ભુજાનામિવ ભૂભુજઃ

વસુંધરાં સમસ્તાબ્ધુઇવેલાકલિતમેખલામ્ ।
નિખિલાં વિદધે દોષ્ણિ શેષવિશ્રાન્તિર્નિર્વૃતામ્

ભુવનત્રાણસંસદ્ધહ્ પ્રત્યગ્રકમલાશ્રયઃ ।
ચક્રવર્તી સ સુકૃતેર્વિષ્ણોઃ કર ઇવાબભૌ

ત્રિજગજ્જાહ્નવી કીર્તિઃ પ્રભાવાભરણાઃ શ્રિયઃ ।
સો ઽયં સુકૄતવલ્લીનાં પ્રથમં કુસુમોદ્ગમઃ

સ કદાચિદ્દ્વનાન્તેષુ વિકાશિકુસુમશ્રિયઃ ।
રુચિરં સચિવૈઃ સાર્ધં વિચચાર વિલોકયન્

દદર્શ તત્ર નિષ્પક્ષાન્ વિહગાન્ પાદચારિણઃ ।
વ્યોમમાર્ગગતિં સ્મૃત્વા પ્રયાતાન્ કૃશતામિવ

પક્ષહીનાનગતિકાન્ વૃત્તિક્ષીણાન્નિરમ્બરાન્ ।
દરિદ્રાનિવ તાન્ વીક્ષ્ય પ્રોવાચ કૃપયા નૃપઃ

અહો વરાકૌર્વિહગૈઃ કિમેતૈઃ કુકૃતં કૃતમ્ ।
યદેતે પક્ષવિકલાઃ કૃચ્છ્રચરણચારિણઃ

ઇત્યુક્તે ભૂમિપતિના કરુણાકુલિતાત્મના ।
પુરઃસ્થિતો મહામાત્યઃ સત્યસેનસ્તમબ્રવીત્

શ્રુતમેતન્મયા દેવ કથ્યમાનં વનેચરૈઃ ।
કારણં પક્ષપતને યદભૂત્ પક્ષિણામિહ

સન્તિ પઞ્ચ શતાન્યત્ર પુણ્યધામ્નિ તપોવને ।
તપઃસ્વાધ્યાયસક્તાનાં મુનીનાં દીપ્તતેજસામ્

તેષામદ્યયનધ્યાનજપવિઘ્નવિધાયિનઃ ।
એતે લોકાહલં ચક્રુઃ ખગાસ્તરૂવને સદા

તસ્મૈ વિહગસંઘાય કર્ણાપાયકૃતે પરમ્ ।
અતિસંવર્ધમાનાય ચુકોપ મુનિમણ્ડલમ્

તદુર્ભૂતમહાશાપતાપલ્પોષેણ સર્વતઃ ।
ક્ષણેન પક્ષિણાં પક્ષા વ્યશીર્યન્ત કૃતાગસામ્

ત એતે વિહગાઃ પક્ષરહિતાઃ કૃચ્છ્રવર્તિનઃ ।
ત્વદ્વિપક્ષા ઇવ વને શ્રાન્તાશ્રચરણચારિણઃ

મહામાત્યેન કથિતં નિશ્મૈતન્મહીપતિઃ ।
ઉવાચ કરુણાક્રાન્તસ્તપ્તઃ શાપેન પક્ષિણામ્

અહો તેજઃ પરિણતં શાન્તાનામપિ કાનને ।
અઙ્ગારાણાં મુનીનાં ચ દહત્યેવાનિવારિતમ્

મિથ્યાતપસ્વિભિઃ કિં તૈઃ સ્વસુખાય ન યૈઃ કૃતઃ ।
મનસઃ કોપતપ્તસ્ય પરિષેકઃ ક્ષમામ્બુભિઃ

પ્રસન્ના ધીર્મણો મૈત્રં દયા દાનં દમહ્ ક્ષમા ।
યેષાં તેષાં તપઃ શ્લાધ્યં શેષાણાં કાયશોષણમ્

કિં તપોભિઃ સકોપાનાં વિલ્પુતાનાં વનેન કિમ્ ।
વિભવૈઃ કિં સલોભાનાં દુર્વૃત્તાનાં શ્રુતેન કિમ્

એવં કલુષચિત્તાસ્તે તીબ્રમન્યુપરાયણાઃ ।
દુઃસહા એવ મુનયઃ પ્રયાન્તુ વિષયાન્મમ

ઇત્યુક્ત્વા પ્રાઃઇણોત્તેભ્યઃ સંદેશં પુરુષૈર્નૃપઃ ।
યાવતી મદ્વશા ભૂમિસ્તાવતી ત્યજ્યતામિતિ

વિહંગપક્ષપાતેન કુપિતસ્ય મહીપતેઃ ।
સંદેશં મુનયઃ શ્રુત્વા વિલક્ષાઃ સમચિન્તયન્

ચતુઃસમુદ્રપરિખામેખલાયાઃ ક્ષિતેઃ પતિઃ ।
નરેન્દ્રો ઽયં ક્ક્વ ગચ્છામઃ કો દેશો ઽસ્ય વશે ન યઃ

ઇતિ સંચિન્ત્યં મુનયઃ પાર્શ્વં કનકભૂભૃતઃ ।
સુરસિદ્ધસમાકીર્ણં જમ્બૂખણ્ડાન્તિકં યયુઃ

અથ તસ્ય મહીભર્તુઃ પ્રબ્ઃઆવેણ મહીયસા ।
અભૂદદૃષ્ટશસ્યા ભૂદ્યાશ્ચ રત્નામ્બરપ્રસૂઃ

પાકશાસનવૈલક્ષ્યકરણાસ્તસ્ય શાસનાત્ ।
સપ્તાહં હેમ વવૃષુર્મેઘાઃ સંગ્ઃઆતવર્ષિણઃ

સ પ્રભાવેણ મહતા સહ સૈન્યૈર્નભોગતિઃ ।
ચક્રે પૂર્વવિદેહાખ્યં દ્વીપં દિવ્યજનં વશે

બભૂવુરગ્રે સૌન્યાનિ સ્ફીટશૌર્યબલૌજસાં ।
ભટાનાં વ્યોમગમને તસ્યાષ્ટાદશકોટયઃ

ગોદાનીયં તતો દ્વીપમથોત્તરકુરૂનપિ ।
પાર્શ્વાનિ સ સુમેરોશ્ચ શશાસાસતશાસનઃ

સુખં વિહરતસ્તસ્ય મેરોઃ કનકસાનુષુ ।
બહુશક્રો યયૌ કાલશ્ચતુર્દ્વીપમહીપતેઃ

સ કદાચિત્ સુરાન્ દ્રષ્ટું વ્યામ્ના ગચ્ચન્ સુરોપમઃ ।
ચકાર નીલજલદૈર્વ્યાપ્તા ઇવ ગજૈર્દિશઃ

અથ તેષાં નિરસ્તાનાં મેરુપાર્શ્વે તપસ્યતામ્ ।
મુનીનામપતન્ મૂર્ધ્નિ તદ્ગજાશ્વશકૃદ્દિવઃ

તતસ્તે ક્રોધસંતપ્તદૃશા વ્યોમાવલોકિનઃ ।
ચક્રુઃ પિઙ્ગપર્ભાવલ્લિકલાપકપિલા દિશઃ

કોપાત્કિમેતદિત્યુક્ત્વા શાપાગ્નિવિસિસૃક્ષતા ।
અભ્યેત્ય દેવદૂતસ્તાન્ પ્રહર્ષાકુલિતો ઽવદત્

એષા નિઃશેષભૂપાલમૌલિવિશ્રાન્તશાસનઃ ।
પાકશાસનતુલ્યશ્રીર્માન્ધાતા પૃથિવીપતિઃ

નભસા નરદેવિ ઽયં સહ સૈન્યૈઃ પ્રસર્પતિ ।
યસ્ય કીર્તનધન્યેયં વાણી પુણ્યાભિમાનિની

ન દૃષ્ટો યસ્ય નિર્દિષ્ટસર્વલોકસુખશ્રિયઃ ।
મોહઃ સંબિન્મયસ્યેવ વિભવપ્રભવો મદઃ

કૌબેરં ધનદવ્યક્ત્યા કૌમારં શક્તિમત્તયા ।
ઐશ્વરં વૃષસંયોગાદ્વૈષ્ણવં શ્રીસમાગમાત્

પ્રતાપપ્રસરાત્ સૌરમૈન્દવં જનનન્દનાત્ ।
ઐન્દ્રં દૃપ્તબલચ્છદાદ્દિવ્યં રૂપં બિભર્ત્યયમ્

બલિઃ પ્રયાતઃ પાતાલં દધીચો ઽપ્યસ્થિશેષતામ્ ।
અસ્ય ત્યાગેન જલધિઃ ક્ષોભમદ્યાપિ નોજ્ઝતિ

શ્રુત્વેતિ દેવદૂતસ્ય વચનં મુનિમધ્યગઃ ।
સસર્જ દુર્મુખો નામ મુનિઃ શાપજલં દિવિ

પ્રહસન્નથ તં પ્રાહ સેનાનાં પરિણાયકઃ ।
મહર્ષે સંહર રૂષં મા કૃથાસ્તપસઃ ક્ષયમ્

વૈફલ્યલજ્જાં શાપો ઽથં યાસ્યત્યગ્રે મહીપતેઃ ।
નૈતે બત ખગા યેષાં યૂયં પક્ષક્ષયક્ષમાઃ

ઇત્યુક્તે સૌન્ત્યપતિના શાપસ્તબ્ધામનીકિનીમ્ ।
દૃષ્ટ્વાગ્રે વિસ્મયાદૂચે કિમેતદિતિ ભૂપતિઃ

સંરબ્ધો ઽથ સમભ્યેત્ય સેનાપતિરુવાચ તમ્ ।
તેષાં દેવ મહર્ષીણાં શાપાત્ સૈમ્યં ન સર્પતિ

ઇદં ચ ચક્રરત્નં તે વ્યોમ્નિ શાપવિઘૂર્ણિતમ્ ।
ધત્તે જલદસંરુદ્ધતિગ્મદીધિતિતુલ્યતામ્

એતદાકર્ણ્ય નૃપતિર્દૃષ્ટા ચાગ્રે તથૈવ તત્ ।
દૃશૈવ દિવધે શાપં વિફલોચ્ચણ્ડવિલ્પવમ્

દેહક્ષયં મહર્ષીણાં પરિરક્ષન્ કૃપાકુલઃ ।
જટા ન્યપાતયદ્ ભૂમૌ સ લીલાલસશાસનઃ

અજિતક્રોધમોહાનાં ભારભૂતા વૃથા વયમ્ ।
ઇતીવ લજ્જયા તેષાં લીનાઃ ક્ષિતિતલે જટાહ્

અથ મેરુશિરઃ પ્રાપ્ય નૃપઃ સુરનિકેતનમ્ ।
પુરં સુદર્શનં નામ દર્દર્શ પ્રિયદર્શનમ્

નાગાસ્તત્ર કૃતારક્ષાઃ પ્રખ્યાતોદકનિઃસૃતાઃ ।
કરોટપાણયો યક્ષાઃ સુરા માલાધરાભિધાઃ

સદામત્તાસ્તથા દેવાઃ ક્રોધોત્તમ્ભિતસૈનિકાઃ ।
મહારાજકાયિકાખ્યાસ્ત્રિદશા બલવત્તરાઃ

મહારાજાશ્ચ ચત્વારઃ સંનદ્ધકવચાયુધાઃ ।
જિત્વા રાજ્ઞા પ્રભાવેણ નિજસેનાગ્રગાહ્ કૃતાઃ

તતઃ કલ્પદ્રુમોદારકોચિદારમનોહરમ્ ।
દદર્શ પારિજાતાખ્યં સંશ્રયં ત્રિદિવૌકસામ્

મેરોર્મૂર્ધ્નિ તતઃ શુભ્રપ્રભાં માલામિવામલામ્ ।
સુધર્માખ્યાં સભાં પ્રાપ સ્વભાસોદ્ભાસિતામ્બરામ્

હેમવિદ્રમવૈદૂર્યસ્તમ્ભસંબ્ઃઆરભાસ્વરઃ ।
પ્રાસાદો વૈજયાન્તાખ્યઃ પ્રખ્યાતો યત્ર રાજતે

યત્રાબ્જેર્વદનૈર્ભૃઙ્ગૈરલકૈસ્તુલ્યતાં ગતાઃ ।
પદ્મિન્યઃ સુરનારીણાં પદ્મિનીનાં સુરાઙ્ગનાઃ

બિમ્બતૈસ્ત્રિદશૈર્યત્ર મણિભૂસ્તમ્ભભિત્તિષુ ।
સુરલોકો બિભર્ત્યેકો ઽપ્યનેકસુરલોકતામ્

રત્નતોરણહર્મ્યાંનિવહૈર્યત્ર ચિત્રિતાઃ ।
વ્યાપ્તા વિભાન્તિ કકુભઃ શક્રાયુધશતૈરિવ

યત્ર બાલાનિલાલોલકલ્પપાદપપલ્લવૈઃ ।
નૃત્યદ્ધસ્તા ઇવાભાન્તિ નન્દિન્યો નન્દનશ્રિયઃ

યત્ર ચૈત્રરથં નામ દેવોદ્યાનં મનોરમમ્ ।
ધત્તે નિત્યોત્સવં પ્રેમિકામં કામવસન્તયોઃ

સર્વકામં સર્વસુખં સર્વર્તુકુસુમોજ્જ્વલમ્ ।
સર્વાતિશયિતં દૃષ્ટ્વા દેવાનામ્ સદનં નૃપઃ

મુહૂર્તવિસમ્યાસ્પન્દસાનન્દસ્નિગ્ધલોચનઃ ।
અચ્નિતયત્ સુકૃતિનામિમાસ્તાહ્ ફલભૂમયઃ

ઐરાવણં સુરપતેર્લોલાલિઓવલયાકુલમ્ ।
દદર્શ તત્ર સામોદં સાકારમિવ નન્દનમ્

પુરંદરસ્તતો જ્ઞાત્વા પ્રાપ્તં ભૂમિપુરંદરમ્ ।
પ્રત્યુદ્યયૌ પ્રમુદિતઃ સહ સર્વૈર્મરુદ્ગણૈઃ

પૂજિતઃ સુરરાજેન રત્નરાજિવિરાજિતાં ।
રાજરાજહ્ સભાભૂમિં ભેજે વિરજસાં વરહ્

ત્રિદશેષૂપવિષ્ટેષુ રત્નપર્યઙ્કપઙ્ક્તિષુ ।
ઉપાવિશન્નૃપઃ શ્રીમાનાસનાર્ધે શતક્રતોઃ

એકાસનજુષોસ્તત્ર સુરેન્દ્રમનુજેન્દ્રયોઃ ।
રૂપં ગુણગણોદારમ્ નિર્વિશેષમદૃશ્યત

તતહ્ સર્વસુરોત્સૃષ્ટસ્પષ્ટલોચનષટ્પદૈઃ ।
પીયમાનમુખામ્ભોજં વ્યાજહાર હરિર્નૃપમ્

અહો ઉદયઃ શ્લાધ્યસ્તે તેજસા તેજસાં નિધે ।
ભવતા ભૂષિતા ભૂમિર્દ્યૌશ્ચ દેવેન ભાસ્વતા

અભ્યુન્નતપ્રભાવો ઽયં લસત્સિતયશોંશુકઃ ।
ભ્રાજતે તે ત્રિભુવને સામ્રાજ્યવિજયધ્વજઃ

ત્વત્કથામૃતપાનસ્ય ત્વદ્દર્શનરસસ્ય ચ ।
પ્રેર્યતે શ્રોત્રનેત્રેણ સુખાખ્યાને સરસ્વતી

સ્થિરીકૃતસ્ત્વયૈવાયં સુકૃતાપ્તવિભૂતિના ।
કર્મણાં ફલવાદસ્ય નિશ્ચરશ્છિન્નસંશયઃ

અત એવેન્દ્રિયગ્રામે ચક્ષુરેવ સ્પૃહાસ્પદમ્ ।
પુણ્યૈઃ પુણ્યોચિતાચારા દૃશ્યન્તે યદ્ભવદ્વિધાઃ

ઇત્યુક્તે ત્રિદશેન્દ્રેણ માન્ધાતા યશસાં નિધિઃ ।
ત્વત્પ્રસાદપ્રભાવો ઽયમિત્યુવાચ નતાનનઃ

ઇત્યેવં પૂજ્યમાનસ્ય તસ્ય નિત્યાદરૈઃ સુરૈઃ ।
ષડિન્દ્રઃ પ્રણયૌ કાલસ્ત્રિદિવે વસતઃ સતઃ

તત્પરાક્રમવિધ્વસ્તસમસ્તાસુરમણ્ડલઃ ।
બભૂવ સુરરાજસ્ય નિરપાયોદયો જયઃ

દીપ્તદાનવસંગ્રામે તસ્ય શૌર્યમહાતરોઃ ।
વિશ્રાન્તિં ભેજિરે દેવા ભુજચ્છાયોપજીવિનઃ

તસ્ય પુણ્યપણક્રીતં ભિઞ્જાનસ્યાક્ષયં સુખમ્ ।
કાલપ્રવાહે મહતિ પ્રયયુઃ ષટ્ પુરંદરાઃ

સત્કર્મફલભોગસ્ય લાઞ્છનં વિમલં મનઃ ।
કાલુષ્યાજ્જાયતે તસ્ય પ્રત્યાસન્નઃ પરિક્ષયઃ

અથ કાલેન કાલુષ્યકલિતસ્ય મનોરથઃ ।
અભૂલ્લોભાભિભૂતસ્ય ભૂતપેરભિમાનિનઃ

ત્રિદશાનામિયં લક્ષ્મીર્મદ્બાહુબલપાલિતા ।
તદિમાં ન સહે તાવદર્ધાસનવિડમ્બનામ્

અહમેકઃ સુરપતિઃ પ્રભાવાન્ન ભવામિ કિમ્ ।
અયં મમ ભુજઃ સર્વજગદ્ભારભરક્ષમઃ

ચ્યાવયિત્વા સુરાશીશં સ્વર્ગસામ્રાજ્યસંપદમ્ ।
એકાતપત્રતિલકાં સ્વયંગ્રાહોચિતાં બહ્જે

ઇતિ ચિન્તયતસ્તસ્ય શક્રદ્રોહાભિલાષિણઃ ।
શુભ્રપ્રભા પ્રભાવશ્રીર્માલેવ મ્લાનતામ્ યયૌ

ઘનોદયસમુત્સિક્તા સૌજન્યતટપાતિની ।
લોલં કલુષયત્યેવ માનસં શ્રીતરઙ્ગિણી

પ્રમાદો વિપદાં દૂતો દુઃસહો મહતામપિ ।
કુશલોન્મૂલનાયૈવ કિલ્બિષાકુલિતા મતિઃ

પાપસંકલ્પમાત્રેણ ક્ષિતૌ ક્ષિતિપતિઃ ક્ષણાત્ ।
પપાત વિસ્રસ્તફલશ્છિન્નમૂલ ઇવ દ્રુમઃ

હન્તિ વિદ્યામનભ્યાસઃ શ્રિયં હન્તિ મદોદયઃ ।
વિદ્વેષઃ સાધુતામ્ હન્તિ લોભઃ સમુન્નતિમ્

અહો બત મહોત્કર્ષશૃઙ્ગારોહો મહોદયઃ ।
વિભવોદ્ભવમત્તાનાં સહસૈવ પતત્યધઃ

તેન સર્વવિભુર્નામ પૂજિતઃ પૂર્વજન્મનિ ।
તત્ફલાદાપ્તવાન્ રાજ્યં સ્પૃહણીયં મરૂત્પતેઃ

સુરાધિપાધિકઃ કો ઽપિ પ્રભાવો વિસ્મયાવહઃ ।
અનલ્પપિણ્ડસ્તસ્યાભુત્ પાત્રદાનાંશસંભવહ્

દ્બન્ધુમત્યભિધાનાયાં નગર્યામુષિતઃ શુચિઃ ।
વણિગુત્કરિકો નામ સો ઽભવત્ પૂર્વજન્મનિ

વિપશ્યી નામ ભિક્ષાયૈ સમ્યક્સંબુદ્ધાં ગતઃ ।
વિવેશ ત દ્ગૃહં સર્વસત્ત્વસંતારણોદ્યતઃ

પાત્રે તસ્ય ચ ચિક્ષેપ મુદ્ગમુષ્ટિં પ્રસન્નધીઃ ।
ફલાનિ તત્ર ચત્વારિ પેતુઃ શેષાણી ભૂતલે

તેન દાનપ્રભાવેણ માન્ધાતા પૃથિવીપતિઃ ।
સર્વદ્વીપપતિર્ભૂત્વા શક્રાર્ધાસનમાપ્તવાન્

મુદ્ગશેષશ્ચ્યુતો યસ્માદ્ ભૂતૌ તસ્યાન્યચેતસઃ ।
તદસૌ ફલપર્યન્તે પતિતસ્ત્રિદશાલયાત્

લુઠતિ વિકલકલ્પા યત્ર સંકલ્પમાલા
સ્ફુરન્તિ ન ચ કદાચિત્ સ્વપ્નમાયાન્તરે યા ।
ભવતિ વિભવભોગાભોગિની ભાગ્યભાજા-
મતુલફલતતિઃ સા દાનકલ્પદ્રુમાણામ્

ઇત્યાહ ભગવાન્ બુદ્ધઃ પ્રીત્યા દાનફલશ્રિયમ્ ।
નિજજન્માન્તરાખ્યાને ભિક્ષૂણામનુશાસને