અવદાનકલ્પલતા · અધ્યાય 39

ઇતિ ક્ષેમેન્દ્રવિરચિતાયાં બોધિસત્ત્વાવદાનકલ્પલતાયાં ક્ષાન્ત્યવદાનમષ્ટત્રિંશઃ પલ્લવઃ ॥
39. કપિલાવદાનમ્ ।
અત્યન્તમુન્નતિમતાં મહતાં વિનાશદોષસ્ય દુર્જનસમાગમ એવ હેતુઃ ।
કૂલદ્રુમાઃ કિલ ફલપ્રસવૈઃ સહૈવ સદ્યઃ પતન્તિ જલસંગતિભિન્નમૂલાઃ

રુચિરાગારશાલિન્યામ્ વૈશાલ્યાં ભગવાન્ પુરા ।
વલ્ગુમત્યાસ્તટે નદ્યા વિચચાર તથાગતઃ

તસ્યાઃ કૈવર્તસર્થેન ગમ્ભીરે ઽમ્ભસિ દુસ્તરે ।
કદાચિદ્ ઘોરમકરઃ ક્ષિપ્ત્વા જાલં સમુદ્ધૃતઃ

અષ્ટાદશશિરાઃ સિઃસદ્વિરપ્રખરાનનઃ ।
નૃણાં સહસ્રૈરાકૃષ્ટઃ પર્વતાકારવિગ્રહઃ

તં દૃષ્ટ્વા તત્ર વિત્રસ્તાહ્ સ્રસ્તાકર્ષણરજ્જવઃ ।
આશ્ચર્યનિશ્ચલદૃશો ન તસ્થુર્ન યયુઃ ક્ષણમ્

ગણનાં ગહનાશ્ચર્યવિશેષશતશાલિનામ્ ।
સંસારે કર્મવૈચિત્ર્યે વિકારાણાં કરોતિ કઃ

અત્રાન્તરે તમુદ્દેશં ભગવાન્ ભૂતભાવનઃ ।
જિનહ્ સમાયયૌ સર્વજનત્રાણકૃતક્ષણહ્

સવૃદ્ધબાલલલનં જનં કૌતુકસંગતમ્ ।
દૃષ્ટ્વા તત્રાકરોત્તીરે ભગવાનાસનગ્રહમ્

ભિક્ષુસંઘૈઃ પરિવૃતં દૃષ્ટ્વા તત્ર તથાગતમ્ ।
જનો ઽભૂદુન્મુખઃ સર્વઃ પ્રત્યાવૃત્તઃ ઇવોદધિઃ

તં વિલોક્યૈવ વિનતાઃ કૈવર્તાઃ પ્રાણિબન્ધનમ્ ।
વિશાલજાલં સહસા સંસારમિવ તત્યજુઃ

મત્સ્યકુમ્ભીનક્રાદિસંસારં તદ્ગિરામ્ભસિ ।
ત્યક્ત્વા તે વિરતાટોપા બભૂવુઃ કિલ્બિષદ્વિષઃ

તૈર્ન્યસ્તં ભગવાન્ દૃષ્ટ્વા મહાકમરમગ્રતઃ ।
તં જગાદ સૃજન્ દન્તકાન્ત્યૈવ કરુણાનદીમ્

અપિ ત્વં કપિલઃ પુત્ર કિં ન્ અસ્મરસિ દુષ્કૃતમ્ ।
વચોદુશ્ચરિતસ્યાયં પરિપાકો ઽનુભૂયતે

સાપ્યકલ્યાણમિત્રં તે જનની ક્કાદ્ય વર્તતે ।
સર્વજ્ઞેનેત્યભિહિતઃ સ્મૃત્વા જાતિમુવાચ સઃ

વિભો ભવામિ કપિલઃ સ્મરામિ નિજદુષ્કૃતમ્ ।
વચોદુશ્ચરિતસ્યાયં પરિપાકો ઽનુભૂયતે

યાતા મે નરકં માતા નરકાદેશિની પુરા ।
ઇત્યુક્ત્વા મકરસ્તત્ર રુરોદ પરુષસ્વરમ્

તં શોકસાગરે મગ્નં બભાષે ભગવાન્ પુનઃ ।
અકાલે કિં કરોમ્યદ્ય તિર્યગ્યોનિગતસ્ય તે

અપુણ્યપ્રારમ્ભે રભસહસિતોલ્લાસવિહિતે
પ્રમત્તાનાં યાતે નરકપરિપાકપ્રણયિતામ્ ।
અશાન્તેઃ સંતાપં રુદિતશરણાનિ પ્રતિનિશં
ભૃશં ક્લેશાવેશૈર્દિશતિ વિષતુલ્યૈરનુશયઃ

ક્ષણં દુઃખક્ષયાયૈવ મયિ ચિત્તં પ્રસાદય ।
પ્રસન્નમાનસઃ કાલે યાસ્યસિ ત્રિદશાલયમ્

શૃણુ વત્સ હિતં ચેદં વિચાર્ય કુરુ ચેતસિ ।
અનિત્યાઃ સર્વસંસ્કારાઃ શાન્તિનિર્વાણમક્ષયમ્

ઇત્યાજ્ઞયાઃ ભગવતસ્તસ્મિન્ યાતે પ્રસન્નતામ્ ।
જનસંઘઃ સ સુચિરં બભૂવાશ્ચર્યનિશ્ચલઃ

આર્યાનન્દઃ પ્રણયિના જનેનાભ્યર્થિતસ્તતઃ ।
તત્પૂર્વવૃત્તં પપ્રચ્છ ભગવન્તં કૃતાઞ્જલિઃ

સ તેન પૃષ્ટઃ પ્રોવાચ વિમપજ્ઞાનલોચનઃ ।
અસ્યાકુશલશીલસ્ય વૃત્તાન્તઃ શ્રૂયતામયમ્

ભદ્રકાખ્યે પુરા કલ્પે વર્ષાયુતયુગાયુષિ ।
જને બભૂવ ભગવાન્ કાશ્યપાખ્યસ્તથાગતઃ

કૃકિર્નામ મહીપાલઃ કલ્પશાલ ઇવાર્થિનામ્ ।
અભવત્ સમયે તસ્મિન્ વારાણસ્યાં બહુપ્રદઃ

કદાચિદ્વિબુધાસ્થાને સહસ્રાક્ષમિવાપરમ્ ।
આસીનં વાદિસિંહાખ્યસ્તં વિદ્વાનાયયૌ દ્વિજઃ

અવિલમ્બિતસંપ્રાપ્તદર્શનાસનસત્કૃતિઃ ।
સ દત્તાશીર્નરપતિં શિષ્યશ્રેણિવૃતો ઽભ્યધાત્

સ્વસ્તિ સ્વસ્તિમતે બુધાધિપસભાસીનાય તુભ્યં વિભો
લુબ્ધાઃ સચ્ચરિતામૃતે તવ પરં સંદર્શને રાગિણઃ ।
સદ્વેષાઃ પરભૂપનામ્નિ મુખરાસ્તે સુદ્ગુણોદીરણે
કસ્માત્સર્વગુણાશ્રયેણ ભવતા દુષૈર્વયં યોજિતાઃ

યદ્યાચકા અપિ નિરન્તરરત્નવર્ષે નાનાર્થિસાર્થપરિપૂરકતામ્ પ્રયાન્તિ ।
સર્વં ભવાનુપમપુણ્યનિધે વદાન્ય નિર્દૈન્યદાનવિભવસ્ય વિજૃમ્ભિતં તે

રાજન્ કિંચિત્પરિચિતગુણૈઃ સેવયા સદ્ગુરુભ્યઃ
પ્રાપ્તો ઽસ્માભિર્વિબુધવિજયી કો ઽપિ વિદ્યાંશલેશઃ ।
અસ્યાં વિદ્વત્કમલભરસૌમ્યપ્રભાયાં સભાયાં
તસ્યોત્કર્ષં કતિપયપદં પ્રત્યયં દર્શયામઃ

નિજગુણગણને ધીર્લજ્જતે સજ્જનાનાં મુખરયતિ તથાપિ પ્રૌઢવાદાભિલાષઃ ।
ઇયતિ જગતિ રાજન્ ક્ષિપ્રમાન્વિષ્યતામ્ મે પ્રતિવચનરુચિશેદસ્તિ કશ્ચિદ્વિપશ્ચિત્

સંદર્ભગર્ભગમ્ભીરમિતિ તસ્યોત્કટં વચઃ ।
શ્રુત્વા ક્ષિતિપતિઃ ક્ષિપ્રં વિલક્ષઃ સમચિન્તયત્

અપ્રાપ્તપ્રતિમલ્લો ઽયં યદિ યાયાન્મદોદ્ધતઃ ।
તદેષ મમ્ અદેશસ્ય યશઃખણ્ડનદિણ્ડિમઃ

ગુણાપમાનકૃદ્ યત્ર મૂર્ખો ભવતિ ભૂપતિઃ ।
ન કરોતિ જનસ્તત્ર વિદ્યાર્જનપરિશ્રમમ્

વિવેકવિમલાલોકે ધર્મારામે મહીપતૌ ।
લોકે વિદ્યાઃ પ્રવર્તન્તે સદાચારક્રિયા ઇવ

તસ્માદસ્ય પ્રયત્નેન કર્તવ્યો મદનિગ્રહ ।
વિદ્યાદરિદ્રતા દેશે દોષ એવ વિશાંપતેઃ

ઇતિ સંચિન્ત્ય નૃપતિર્વિપ્રં કર્વટવાસિનમ્ ।
આનિનાય મહામત્યૈરન્વિષય વિદુષાં ગુરુમ્

અભૂભૃત્સભામુપાધ્યાય પ્રેત્ય તં તર્કકર્કશમ્ ।
ચકાર વાદિસિંહસ્ય દર્પકેસરકર્તનમ્

તસ્ય તેન જિતસ્યાશુ વિજિતાશેષવાદિનઃ ।
મૌનસૂત્રં સમાપેદે લજ્જિતેવ સરસ્વતી

આરૂઢાઃ શુભ્રમહસં નક્ષત્રાણામિવોદયાઃ ।
ઉપર્યુપરિ દૃશ્યન્તે ગુણોત્કર્ષા મનીષિણામ્

વાદિસિંહં વિસૃજ્યાથ દત્વા ભૂરિ ધનં નૃપઃ ।
દદૌ દ્વિજાય જયિને કર્વટં નગરોપમમ્

લબ્ધરાજગજાશ્વો ઽથ ચરુકેયૂરકઙ્કણઃ ।
ઉપાધ્યાયઃ સ્વભવનં પ્રવિવેશ સહ શ્રિયા

ભુજૈર્જિતા ભૂમિભુજાં વણિજાં સાગરાર્જિતાઃ ।
વિદ્યાવતાં વિરાજન્તે ગુણોત્કર્ષર્જિતાઃ શ્રિયઃ

કાલેન શ્રીમતસ્તસ્ય પુત્રજન્મોત્સવો ઽભવત્ ।
સુખે ઽપિ સુખસંપત્તિર્લક્ષણં પુણ્યકર્મણામ્

કપિલો નામ સ શિશુસ્તેજઃપિઙ્ગશિરોરુહઃ ।
વર્ધમાનમતિર્વિદ્વાન્ પિતુરભ્યધિકો ઽભવત્

કુલે મહતિ વૈદુષ્યં વિભવોદ્ભવઃ ।
વિભવે સત્સુતોત્કર્ષઃ ફલં સુકૃતશાખિનઃ

કદાચિદ્વ્યાધિસંયોગાત્પ્રત્યાસન્નતનુક્ષયઃ ।
વિજને પુત્રમાહૂય સો ઽવદત્ પુત્રવત્સલઃ

બાલ્યે ગુણાર્જનં પુત્ર પરલોકસુખાર્જનમ્

ઉત્તમર્ણ ઇવ પ્રાપ્તે કાલે સુગણિતાવધૌ ।
અધુના વિવશઃ ક્કાહં ક્ક સા વિદ્યા ક્ક તદ્ધનમ્

ગુણપુષ્પે સુખફલે બદ્ધમૂલે ધનૈર્જને ।
વને વજ્ર ઇવાકાલકાલઃ પતતિઃ દુઃસહઃ

ક્ષપયતિ સકલાભિર્જન્મ વિદ્યાકલાભિઃ ક્ષણિકસુખનિમિત્તં સંનિધત્તે ચ વિત્તમ્ ।
પશુશિશુષુ મનુષ્યઃ પ્રીયતે મોહશિષ્યઃ તનુવિરહમૂર્હૂર્તે સર્વમન્યત્ સ ચાન્યઃ

ઇદં તુ તે હિતં વચ્મિ સ્નેહમોહવશીકૃતઃ ।
સંસારસારશરણં વત્સ વેત્સિ બહુશ્રુતઃ

સન્તઃ પ્રણમ્યાઃ પરુષણ્ ન વાચ્યં કાર્યઃ પ્રયત્નેન પરોપકારઃ ।
પાપાવપાતે સતતં હિ પુંસામેતાનિ પુણ્યાન્યવલમ્બનાનિ

અલોભશોભાભરણા વિભૂતિરદ્વેષસક્તિઃ સ્વસુખેષ્વમોહઃ ।
મૂલત્રયે ઽસ્મિન્ કુશલદ્રુમસ્ય વસત્યશેષાખિલસત્ફતશ્રીઃ

યાવત્તપતિ તીક્ષ્ણાંશુરસ્મિન્ ભુવનમણ્ડલે ।
તાવત્ત્વત્સદૃશઃ પુત્ર વિદ્વાન્ વાદી ન વિદ્યતે

ભિક્ષુભિસ્તુ ન કર્તવ્યસ્ત્વયા વાદઃ કદાચનહ્ ।
ગમ્ભીરજ્ઞાનદુર્બોધપ્રબુદ્ધા બૌદ્ધબુદ્ધયઃ

પુરા ભિક્ષુર્મયા પૃષ્ટઃ પદસ્યાર્થં જહાસ મામ્ ।
પ્રશ્નં કર્તું ન જાનીષે વિદ્વાનિતિ જગાદ ચ

તસ્માદ્ ભિક્ષુવિવાદસ્તે પરં પાણ્ડિત્યપીડનમ્ ।
બલપ્રભાવકામો હિ ગિરિં મૂર્ધ્નાં ન તાડયેત્

ઇત્યુક્ત્વા તનયં વિપ્રઃ પરલોકભુવં યયૌ ।
કાયાવસથપાન્થાનાં દેહિનામ્ ન ચિરસ્થિતિઃ

વાગ્મી કાલેન કપિલઃ ખણ્ડિતાખિલપણ્ડિતઃ ।
નૃપાદ્બહુગ્ર્ણં પ્રાપ ધનમાનમહોદયમ્

તતઃ કદાચિદેકાન્તે કપિલં કાચરાભિધા ।
સંપ્રાપ્તં વાદિસામ્રાજ્યં જગાદ જનની શનૈઃ

વાદિદર્પચ્છિદા પુત્ર દિગ્દ્વીપજયિના ત્વયા ।
દુર્જનાઃ શ્રમણાઃ કસ્માદ્દર્પાન્ધાઃ પરિવર્જિતાઃ

પરોત્કર્ષાધિરૂઢસ્ય પ્રતિપક્ષે ક્ષમારતેઃ ।
અક્ષમો ઽયમિતિ વ્યક્તં ક્ષણેન ક્ષીયતે યશઃ

ઇતિ માતુર્વચઃ શ્રુત્વા સો ઽવદદ્ બિદુષો વચઃ ।
ન વાદઃ શ્રમણૈઃ કાર્યઃ પિત્રાહમિતિ વારિતઃ

ઇયં દુર્જીવિકાસ્માકમ્ પત્રાલમ્બનવાદિનામ્ ।
ક્રિયતે ગુણમાન્યાનાં માનમ્લાનિર્મુખે યયા

ધિગેતચ્ચણ્ડપાણ્ડિત્યં ગુરુવિદ્વેષદુઃસહમ્ ।
મહતાં સુખભઙ્ગાય સદા તસ્મિન્ સમુદ્યમઃ

યસ્યાં ન મયા સા બુદ્ધિઃ સા શ્રીર્લોભં નિહન્તિ યા ।
દર્પો ન યસ્ય વિદ્યા સા શક્તિર્યા ચ ક્ષમાવતી

એવમેવ ન કર્તવ્યઃ પરૈર્વિદ્વેષવિગ્રહઃ ।
કિં માતર્જગતામ્ પૂજ્યભિક્ષુભિઃ ખ્યાતલક્ષ્મભિઃ

વિજેતું ન ચ તે શક્યાઃ પ્રંઆનપરિનિષ્ઠિતાઃ ।
પ્રતિપક્ષૈરવિક્ષિપ્તં યેષાં નૈરાત્મ્યશાસનમ્

ઇતિ પુત્રવચઃ શ્રુત્વા કુપિતા તમુવાચ સા ।
અભૂત્તવ પિતા નૂનં પાપશ્રમણચેતકઃ

મહતિ બ્રાહ્મણકુલે જાતઃ પ્રાજ્ઞો બહુશ્રુતઃ ।
ભિક્ષપક્ષે નિપતિતઃ કથં ત્વમપિ તાદૃશઃ

પૃથુપ્રમાણખઙ્ગેન કુરુ શ્રમણનિગ્રહમ્ ।
અવિદાર્યાભ્રસંઘાતં તીર્ક્ષ્ણાંશુર્ન વિરાજતે

ઇત્ સ પ્રેરિતો માતુર્ગિરા તદ્ભક્તિયન્ત્રિતઃ ।
ભિક્ષૂણામાશ્રમપદં શનૈર્ગન્તું સમુદ્યયૌ

વ્રજન્ સ સંમુખાયાતં ભિક્ષું જિજ્ઞાસયા પથિ ।
ગ્રન્થસારં પ્રમાણં ચ પપ્રચ્છ સમયોચિતમ્

સ તેન પૃષ્ટઃ પ્રોવાચ ગાઢશબ્દાર્થનિર્ણયમ્ ।
લક્ષત્રયપ્રમાણં ન શસ્ત્રં તીર્થિકદુર્લભમ્

કુતઃ પારે ઽતિવર્તન્તે ક્ક ચ વર્ત્માતિવર્તતે ।
સુખદુઃખે ચ લોકસ્ય ક્કચિત્ સમભિબન્ધતઃ

ઇતિ ગમ્ભીરશબ્દાર્થં શાસ્તુર્ભગવતો વચઃ ।
અનુપાસિતસર્વજ્ઞૈર્જ્ઞાયતે ન યથા તથા

એતદાકર્ણ્ય કપિલઃ શ્લોકગામ્ભીર્યવિસ્મિતઃ ।
યયૌ ભગવતઃ પુણ્યં કાશ્યપસ્ય તપોવનમ્

તથા ભિક્ષુગણં દૃષ્ટ્વા પ્રસન્નહૃદયાનનઃ ।
અચિન્તયત્ તદશ્રદ્ધાં વિહાય ગતમત્સરઃ

એતેષાં દ્વેષકાલુષ્યાત્ ક્રૌર્યં કઃ કર્તુમર્હતિ ।
યેષાં સંદર્શનેનૈવ વૈમલ્યં લભતે મનઃ

ઇતિ સંચિન્ત્ય સ ચિરં તદ્વિવાદપરાઙ્મુખઃ ।
દૂરાધ્વખિન્નઃ સ્વગૃહં ગત્વા પ્રોવાચ માતરમ્

મિથ્યૈવાહં ત્વયા માતઃ પ્રેરિતઃ કલિકર્મણિ ।
અજયાઃ શ્રમણા લોકે ગૂઢાર્થગ્રન્થવાદિનઃ

શ્લોકમાત્રં મયા શ્રુત્વા ભિક્ષોરેકસ્ય વર્ત્મનિ ।
અજ્ઞાતાર્થેન વૈલક્ષ્યાત્ સુચિરં વીક્ષિતાં ક્ષિતિઃ

તદ્ગ્રન્થેષ્વકૄતાભ્યાસસ્તાન્ વક્તું કહ્ પ્રગલ્ભતે ।
કથયન્તિ સ્વશસ્ત્રં તે ન હિ પ્રવ્રજિતાદૃતે

ઇતિ તેનોદિતં શ્રુત્વા જનની તમભાષત ।
આયાસિતાહં ભવતા ગર્ભભારેણ કેવલમ્

સંઘર્ષમર્ષશૂન્યેન દૈન્યાત્ સર્વપ્રણામિના ।
ધર્ષણાનિર્વિમર્ષેણ ક્રિયતે પુરુષેણ કિમ્

લોકે સકલરત્નાનાં તેજસૈવ મહાર્ઘતા ।
કો હ્યર્થઃ પુરુષપ્રાણૈસ્તેજોજીવનવર્જિતૈઃ

મિથ્યા તદ્ગ્રન્થલાબ્ઃઆય પ્રવ્રજ્યા ગૃહ્યતે ન કિમ્ ।
મૂર્ધ્નિ કૃત્તેષુ જાયન્તે કિં કેશેષુ કુશઃ પુનઃ

ઇતિ માતુર્ગિરા તસ્ય મનઃ કલુષતાં યયૌ ।
સહસા કાલવાતાલીરજોરુદ્ધમિવામ્બરમ્

તતઃ સ કૂટપ્રશમપ્રણયી ભિક્ષુકાનનમ્ ।
ગત્વા ગૃહીત્વા પ્રવ્રજ્યાં શાસ્ત્રં સૌગતમાપ્તવાન્

કાલેન ધર્મકથકઃ સ વિદ્વાન્ ગુણગૌરવાત્ ।
સિંહાસનં સમારુહ્ય વિદધે ધર્મદેશનામ્

જનન્યા પ્રેરિતસ્તસ્યાં દેશનાયાં ક્રમેણ સઃ ।
ભિક્ષુધર્મવિરુદ્ધાર્થં અવ્ક્તું સમુપચક્રમે

ધર્મપ્રહારવ્યથિતૈર્ભિક્ષુભિઃ સ પદે પદે ।
નિવાર્યમાણસ્તાનૂચે કૃત્વા વિકૃતમાનનમ્

અજ્ઞાત્વા દર્પમુખરૈરયથા બહુવાદિભિઃ ।
ભવદ્ભિઃ સ્થૂલદન્તોષ્ઠૈર્વ્યાખ્યા મમ વિસૂદિતા

યૂયં ગર્દભમર્કટોષ્ટ્રવદના દ્વીપ્યાસ્યપશ્વાનના
માર્જારૈણવરાહકુક્કુરમુખા દુર્દર્શવક્ર્ક્રઃ પરમ્ ।
સહ્યા મૌનજુષો ઽપિ નૈવ વિકટાટોપં રટન્તઃ કિમુ
ભ્રૂભઙ્ગૈરિતિ ભિક્ષુસંઘમસકૃન્નિર્ભર્ત્સયન્ સો ઽભ્યધાત્

તસ્ય વાક્યશરૈસ્તીક્ષ્ણૈર્વિકૃત્તા ઇવ ભિક્ષવઃ ।
અનુક્ત્વૈવ પ્રતિવચસ્ત્યક્ત્વા તં યયુરન્યતઃ

તેન વાક્પાતકેનાથ પશ્ચાત્તાપમુપાગતઃ ।
તત્યાજ જનનીમેવ પ્રવ્રજ્યામ્ ન તુ તાં દ્વિજઃ

શ્રમણૈર્મે હૃતઃ પુત્ર ઇતિ સા વિપ્રલાપિની ।
ઉન્માદિની તનું ત્યક્ત્વા પ્રપેદે નરકસ્થિતિમ્

તતઃ કાલેન કપિલઃ સ્વયં કલિતકિલ્બિષઃ ।
દેહાન્તે વાક્યપારુષ્યાદિમાં મકરતાં ગતઃ

તાન્યેતાનિ મુખાન્યસ્ય યાન્યૂચે ભિક્ષુભર્ત્સને ।
ફલં સદૃશરૂપં હિ કર્મબીજાત્ પ્રજાયતે

ઇત્યુક્ત્વા તત્ર ભગવાન્ ધર્મમાદિશ્ય શાશ્વતમ્ ।
જનસ્યાનુગ્રહં ચક્રે નાનાબોધિવિધાયકમ્

તતઃ પ્રયાતે સ્વપદં જિને તન્મયમાનસઃ ।
કમરઃ પ્રોજ્ઝિતાહારસ્ત્યક્ત્વા દેહં દિવં યયૌ

ચાતુર્મહારાજિકેષુ દેવેષુ વિશદદ્યુતિઃ ।
શ્રીમાન્ સ જાતઃ સુગતે ક્ષણં ચિત્તપ્રસાદનાત્

તતઃ પૂર્ણેન્દુવદનઃ સ્રગ્વી રુચિરકુણ્ડલહ્ ।
સ સાકાર ઇવાનન્દઃ સુગતં દ્રષ્ટુમાયયૌ

પ્રકીર્ણદિવ્યકુસુમઃ કિરીટસ્પૃષ્ટભૂતલઃ ।
પ્રભાપૂરિતદિક્ચક્રસ્તં ભક્ત્યા પ્રણનામ સઃ

ચક્રે તસ્યોપવિષ્ટસ્ય ભગવાન્ ધર્મદેશનામ્ ।
યયા સ્રોતઃફલં પ્રાપ્ય સત્યદર્શી જગામ સઃ

તૃણમિવ ગુરુકાયો ઽપ્યુદ્ધૃતઃ પાપપઙ્કાદ્
ઇતિ સ જનનિકાયઃ સો ઽપિ દુઃખાજ્જિનેન ।
વ્યસનનિપતિતાનાં લીલયા પુણ્યશીલા
નિખિલમતુલમૂલં ક્લેશમુન્મૂલયન્તિ