આર્યાસપ્તશતી · શ્લોક 644-663

સર્વંસહાં મહીમ્ ઇવ વિધાય તાં બાષ્પ-વારિભિઃ પૂર્ણામ્ ।
ભવનાન્તર-મયમ્ અધુના સઙ્ક્રાન્તસ્ તે ગુરુઃ પ્રેમા

સમ્ભવતિ ન ખલુ રક્ષા સરસાનાં પ્રકૃતિ-ચપલ-ચરિતાનામ્ ।
અનુભવતિ હર-શિરસ્ય્ અપિ ભુજઙ્ગ-પરિશીલનં ગઙ્ગા

સુલભેષુ કમલ-કેસર-કેતક-માકન્દ-કુન્દ-કુસુમેષુ ।
વાઞ્છતિ મનોરથાન્ધા મધુપી સ્મર-ધનુષિ ગુણી-ભાવમ્

સા લજ્જિતા સપત્ની કુપિતા ભીતઃ પ્રિયઃ સખી સુખિતા ।
બાલાયાઃ પીડાયાં નિદાનિતે જાગરે વૈદ્યૈઃ

સુચિરાગતસ્ય સંવાહન-ચ્છલેનાઙ્ગમ્ અઙ્ગમ્ આલિઙ્ગ્ય ।
પુષ્યતિ ચ માન-ચર્ચાં ગૃહિણી સફલયૈત્ ચોત્કલિકામ્

સા સર્વથૈવ રક્તા રાગં ગુઞ્જેવ ન તુ મુખે વહતિ ।
વચન-પટોસ્ તવ રાગઃ કેવલમ્ આસ્યે શુકસ્યેવ

સાયં કાન્ત-ભુજાન્તર-પતિતા રતિ-નીત-સકલ-રજનીકા ।
ઉષસિ દદતી પ્રદીપં સખીભિર્ ઉપહસ્યતે બાલા

સા તીક્ષ્ણ-માન-દહના મહતઃ સ્નેહસ્ય દુર્લભઃ પાકઃ ।
ત્વાં દર્વીમ્ ઇવ દૂતિ પ્રયાસયન્ન્ અસ્મિ વિશ્વસ્તઃ

સ્નેહ-ક્ષતિર્ જિગીષા સમરઃ પ્રાણ-વ્યયાવધિઃ કરિણામ્ ।
ન વિતનુતે કમ્ અનર્થં દન્તિનિ તવ યૌવનોદ્ભટઃ

સદનાદ્ અપૈતિ દયિતો હસતિ સખી વિશતિ ઘરણિમ્ ઇવ બાલા ।
જ્વલતિ સપત્ની કીરે જલ્પતિ મુગ્ધે પ્રસીદતિ

સઙ્કુચિતાઙ્ગીં દ્વિગુણાંશુકાં મનો-માત્ર-વિસ્ફુરન્-મદનામ્ ।
દયિતાં ભજામિ મુગ્ધામ્ ઇવ તુહિન તવ પ્રસાદેન

સખિ લગ્નૈવ વસન્તી સદાશયે મહતિ રસ-મયે તસ્ય ।
બાડવ-શિખેવ સિન્ધોર્ ન મનાગ્ અપ્ય્ આર્દ્રતાં ભજસિ

સખિ મિહિરોદ્ગમનાદિ-પ્રમોદમ્ અપિધાય સો ઽયમ્ અવસાને ।
બન્ધ્યો ઽવધિ-વાસર ઇવ તુષાર-દિવસઃ કદર્થયતિ

સુર-ભવને તરુણાભ્યાં પરસ્પરાકૃષ્ટ-દૃષ્ટિ-હૃદયાભ્યામ્ ।
દેવાર્ચનાર્થમ્ ઉદ્યતમ્ અન્યોન્યસ્યાર્પિતં કુસુમમ્

સાયં કુશેશયાન્તર્-મધુપાનાં નિર્યતાં નાદઃ ।
મિત્ર-વ્યસન-વિષણ્ણૈઃ કમલૈર્ આક્રન્દ ઇવ મુક્તઃ

સુમહતિ મન્યુ-નિમિત્તે મયૈવ વિહિતેઽપિ વેપમાનોરુઃ ।
ન સખીનામ્ અપિ રુદતી મમૈવ વક્ષઃ-સ્થલે પતિતા

સુભગ વ્યજન-વિચાલન-શિથિલ-ભુજાભૂદ્ ઇયં વયસ્યાપિ ।
ઉદ્વર્તનં ન સખ્યાઃ સમાપ્યતે કિઞ્ચિદ્ અપગચ્છ

સ-વ્રીડા નખ-રદનાર્પણેષુ કુપિતા પ્રગાઢમ્ અચિરોઢા ।
બહુ-યાચ્ઞા-ચરણ-ગ્રહ-સાધ્યા રોષેણ જાતેયમ્

સુગૃહીત-મલિન-પક્ષા લઘવઃ પર-ભેદિનઃ પરં તીક્ષ્ણાઃ ।
પુરુષા અપિ વિશિખા અપિ ગુણ-ચ્યુતાઃ કસ્ય ન ભયાય

સ્વ-કપોલેન પ્રકટીકૃતં પ્રમત્તત્વ-કારણં કિમ્ અપિ ।
દ્વિરદસ્ય દુર્જનસ્ય ચ મદં ચકારૈવ દાનમ્ અપિ