આર્યાસપ્તશતી · શ્લોક 624-643

સ્પર્શાદ્ એવ સ્વેદં જનયતિ ન ચ મે દદાતિ નિદ્રાતુમ્ ।
પિર્ય ઇવ જઘનાંશુકમ્ અપિ ન નિદાઘઃ ક્ષણમ્ અપિ ક્ષમતે

સા ભવતો ભાવનયા સમય-વિરુદ્ધં મનોભવં બાલા ।
નૂતન-લતેવ સુન્દર દોહદ-શક્ત્યા ફલં વહતિ

સ્પૃશતિ નખૈર્ ન ચ વિલિખતિ સિચયં ગૃહ્ણાતિ ન ચ વિમોચયતિ ।
ન ચ મુઞ્ચતિ ન ચ મદયતિ નયતિ નિશાં સા ન નિદ્રાતિ

સ્તન-જઘન-દ્વયમ્ અસ્યા લઙ્ઘિત-મધ્યઃ સખે મમ કટાક્ષઃ ।
નોજ્ઝતિ રોધસ્વત્યાસ્ તટ-દ્વયં તીર્થ-કાક ઇવ

સ-વ્રીડ-સ્મિત-મન્દ-શ્વસિતં માં મા સ્પૃશેતિ શંસન્ત્યા ।
આકોપમ્ એત્ય વાતાયનં પિધાય સ્થિતં પ્રિયયા

સ-કર-ગ્રહં સ-રુદિતં સાક્ષેપં સ-નખ-મુષ્ટિ સ-જિગીષમ્ ।
તસ્યાઃ સુરતં સુરતં પ્રાજાપત્ય-ક્રતુર્ અતો ઽન્યઃ

સખિ ન ખલુ નિમલાનાં વિદધત્ય્ અભિધાનમ્ અપિ મુખે મલિનાઃ ।
કેનાશ્રાવિ પિકાનાં કુહૂં વિહાયેતરઃ શબ્દઃ

સ્વલ્પા ઇતિ રામ-બલૈર્ યે ન્યસ્તા નાશયે પયો-રાશેઃ ।
તે શૈલાઃ સ્થિતિમન્તો હન્ત લઘિમ્નૈવ બહુ-માનઃ

સા શ્યામા તન્વઙ્ગી દહતા શીતોપચાર-તીવ્રેણ ।
વિરહેણ પાણ્ડિમાનં નીતા તુહિનેન દૂર્વૈવ

સુનિરીક્ષિત-નિશ્ચલ-કર-વલ્લભ-ધારા-જલોક્ષિતા ન તથા ।
સોત્કમ્પેન મયા સખિ દૃષ્ટા સા માદ્યતિ સ્મ યથા

સખિ મોઘીકૃત-મદને પતિવ્રતે કસ્ તવાદરં કુરુતે ।
નાશ્રૌષીર્ ભગવાન્ અપિ સ કામ-વિદ્ધો હરઃ પૂજ્યઃ

સા મયિ ન દાસ-બુદ્ધિર્ ન રતિર્ નાપિ ત્રપા ન વિશ્વાસઃ ।
હન્ત નિરીક્ષ્ય નવોઢાં મન્યે વયમ્ અપિર્યા જાતાઃ

સુચિરાયાતે ગૃહિણી નિશિ ભુક્તા દિન-મુખે વિદગ્ધેયમ્ ।
ધવલ-નખાઙ્કં નિજ-વપુર્ અકુઙ્કુમાર્દ્રં ન દર્શયતિ

સ્તન-જઘનોરુ-પ્રણયી ગાઢં લગ્નો નિવેશિત-સ્નેહઃ ।
પ્રિય કાલ-પરિણતિર્ ઇયં વિરજ્યસે યન્ નખાઙ્ક ઇવ

સા વિચ્છાયા નિશિ નિશિ સુતનુર્ બહુ-તુહિન-શીતલે તલ્પે ।
જ્વલતિ ત્વદીય-વિરહાદ્ ઓષધિર્ ઇવ હિમવતઃ પૃષ્ઠે

સા નીરસે તવ હૃદિ પ્રવિશતિ નિર્યાતિ ન લભતે સ્થૈર્યમ્ ।
સુન્દર સખી દિવસકર-બિમ્બે તુહિનાંશુ-રેખેવ

સુકુમારત્વં કાન્તિર્ નિતાન્ત-સરઅત્વમ્ આન્તરાશ્ ચ ગુણાઃ ।
કિં નામ નેન્દુલેખે શશ-ગ્રહેણૈવ તવ કથિતમ્

સૌરભ્ય-માત્ર-મનસામ્ આસ્તાં મલય-દ્રુમસ્ય ન વિશેષઃ ।
ધર્માર્થિનાં તથાપિ સ મૃગ્યઃ પૂજાર્થમ્ અશ્વત્થઃ

સંવાહયતિ શયાનં યથોપવીજયતિ ગૃહપતિં ગૃહિણી ।
ગૃહ-વૃતિ-વિવર-નિવેશિત-દૃશસ્ તથાશ્વાસનં યૂનઃ

સત્યં સ્વલ્પ-ગુણેષુ સ્તબ્ધા સદૃશે પુનર્ ભુજઙ્ગે સા ।
અર્પિત-કોટિઃ પ્રણમતિ સુન્દર હર-ચાપ-યષ્ટિર્ ઇવ