અહોરત્રવ્રતકથા · શ્લોક 41-60

વ્રતપૂજાફલં સર્વં કાલં ચ સમયં દિનમ્ ।
કુત્ર સ્થાને વ્રતં કાર્યં તત્ સર્વં વદ સાંપ્રતમ્

વસુબન્ધુર્ ઉવાચ ।
શૃણુ રાજન્ મહાભાગ સંક્ષેપાદ્ ગદિતં મયા ।
સ્વયંભુવો વિશેષેણ સ્થાને પુણ્યં મહોત્તમમ્

તદભાવે સ્વદેશેષુ સ્થાવરે ચૈત્યપુંગવે ।
તદભાવે સ્વયં કૃત્વા કારયિત્વાપરૈસ્ તથા

સુવર્ણેન કૃતે વાપિ રત્નૈશ્ ચાન્યૈશ્ ચ ધાતુભિઃ ।
પાષાણેન તથા કાષ્ઠૈર્ ઇષ્ટિકામૃન્મયૈસ્ તથા

વાલુકૌદનપિણ્ડેન કૃતે પટ્ટે ચ ચિત્રિતે ।
દેવાલયે નદીતીરે તીર્થે પુણ્યે મહીતલે

ધર્મશાલાં વિશોધ્યાદૌ યથાવિધિ વ્રતં ચરેત્ ।
પુષ્પાક્ષતસુગન્ધૈશ્ ચ વારિણા ચૈત્યપુંગવે

અર્ઘં દદ્યાદ્ રવેઃ પૂર્વં પુષ્પં ક્ષિપેત્ સલાજકમ્ ।
મણ્ડલં પઞ્ચદેવાનાં લિખેદ્ ગોમયવારિણા

અવન્ધ્યાક્ષરયુક્તેન અદ્ભિર્ વ્રતીન્ સુસિઞ્ચયેત્ ।
હવર્ગાન્તાક્ષરૈર્ મન્ત્રૈર્ વ્રતિમૂર્ધ્નિ પ્રતિષ્ઠિતમ્

ઓં આઃ હૂમ્ ઇતિ મન્ત્રેણ દિશોબન્ધં સતર્જિતમ્ ।
અઙ્ગન્યાસં કરન્યાસં કૃત્વા ગુરું ચ વન્દયેત્

પુષ્પાક્ષતં કરે ધૃત્વા ક્ષિપેત્ પુષ્પાઞ્જલિત્રયમ્ ।
પઞ્ચભૂતસમુત્પન્નં પદ્મકર્ણિકસંસ્થિતમ્

આવાહયેદ્ ધર્મધાતું વાગીશ્વરં સમુજ્જ્વલમ્ ।
જ્ઞાનરૂપં સમાકૃષ્ય સંસ્થાપ્ય સમયે ઽર્ચયેત્

આવાહયામિ ત્વં નાથ તિષ્ઠ તત્ર મનોહરે ।
સ્થિરો ભવ સદા મા ગાઃ સાંનિધ્યં કુરુ સ્થાવરે

દુગ્ધાક્ષતામ્બુસંયુક્તં નવરત્નાનિ હાટકૈઃ ।
શઙ્ખસ્થં પ્રતિગૃહ્ણાતુ અર્ઘં દત્તં મયા મુદા

પટ્ટવસ્ત્રાણિ દિવ્યાનિ ચીવરાણિ મહાપ્રભો ।
નાનારઙ્ગવિચિત્રાણિ પ્રતિગૃહ્ણાતુ મોદતામ્

ચન્દનં મલયોદ્ભૂતં કસ્તૂરિકુઙ્કુમાદિકમ્ ।
શૈલેયં ઘનસારં ચ ગૃહ્યતામ્ અનુમોદતામ્

જલજાન્ સ્થલજાન્ દિવ્યાન્ પઞ્ચવર્ણેન ગ્રન્થિતાન્ ।
સુમોદવાસનાયુક્તાન્ પુષ્પાન્ ગૃહ્ય પ્રમોદતામ્

ધૂપો ઽયં ઘ્રાણસંતર્પો દિવ્યગન્ધસુયોજિતઃ ।
પ્રદત્તસ્ તવ તોષાર્થં ગૃહ્યતાં ભક્તવત્સલ

દીપો ઽયં હરતિ ધ્વાન્તં સર્વતિમિરનાશકઃ ।
ઘૃતતૈલસમુજ્જ્વાલો મયા દત્તઃ પ્રગૃહ્યતામ્

અન્નં ચતુર્વિધં નાથ રસાનાં ષડ્વિધં તથા ।
ઘૃતાદ્યાન્ શર્કરાહારાન્ ભુઞ્જતાં ચ સુખં મમ

નાનાફલસુમોદ્યં ચ કોષકારણ્ડવાદિકમ્ ।
સ્કન્ધમૂલાદિકં પત્ત્રં ગૃહાણ પ્રતિમોદતામ્