અહોરત્રવ્રતકથા · શ્લોક 21-40

સર્વરસસમાયુક્તં લલિતાસનસંસ્થિતમ્ ।
દિવ્યાભરણભૂષાઙ્ગં પઞ્ચબુદ્ધમુકૂટિનમ્

વાગીશ્વરં મહાશુક્લં સર્વધર્મપ્રતિષ્ઠિતમ્ ।
એવં સ્વહૃદિ સંભાવ્ય પુરઃ સ્થાપ્ય પ્રપૂજયેત્

પાદ્યાચમનમ્ અર્ઘં ચ દત્ત્વા ભક્તિસમન્વિતઃ ।
જલજૈઃ સ્થલજૈઃ પુષ્પૈઃ સુગન્ધૈઃ પઞ્ચગન્ધકૈઃ

સાંયોજિકૈઃ સુગન્ધૈશ્ ચ સુધૂપૈર્ ધૂપનૈસ્ તથા ।
ઘૃતપ્રયુક્તદીપૈશ્ ચ નૈવેદ્યૈર્ દિવ્યભોજનૈઃ

છત્ત્રધ્વજપતાકાભિર્ નૃત્યગીતસુવાદનૈઃ ।
ફલમૂલાદિભિઃ પત્ત્રૈઃ પૂગતામ્બૂલકૈસ્ તથા

નાનૌષધિસમાયુક્તૈર્ દિવ્યૈર્ માનુષ્યકૈસ્ તથા ।
કુન્દપુષ્પાક્ષતૈર્ દૂર્વૈર્ લાજયા પઞ્ચરત્નકૈઃ

ક્ષીરૈઃ શંખસુપુષ્પાર્ઘં પ્રદદ્યાચ્ ચૈત્યપુંગવે ।
ધારણીં ચૈવ સ્તોત્રં ચ પઠેદ્ ગીતં ચ ગાયયેત્

પ્રદક્ષિણાસહસ્રં ચ યાવત્ કુર્યાત્ પ્રમોદિતઃ ।
રાત્રિં દિવા સુસંપૂર્ણં પ્રચરેચ્ ચ પ્રદક્ષિણામ્

યત્ર દેવાલયે તીર્થે સર્વાન્ દેવાન્ પ્રપૂજયેત્ ।
હીનજાતિપ્રસઙ્ગં ચ સ્પર્શનં નૈવ કારયેત્

સ્પર્શિતે સંચરેત્ સ્નાત્વા પઞ્ચગવ્યેન શોધયેત્ ।
અસ્પર્શે ઽપિ ચરેત્ સ્નાનં ત્રિસંધ્યં સંચરેદ્ વ્રતી

{ચ્દ્ અદ્દ્ થે fઓલ્લોwઇન્ગ્ અfતેર્ ઽશોધયેત્ઽ :
શુચિક્રમ તથા ધર્મમ્ ઉત્તમમ્ અહોરાત્રવ્રતં ॥
વારવૃદ્ધૌ ન કર્તવ્યં સમર્થેનાપિ કારયેત્ ॥
નિદ્રાસેવિતં નિદ્રાં કૃત્વા વિશ્રામસેવિતં વિશ્રામં કૃત્વા રાજન્
તથા વ્રતં કારયેદ્ દોષકમ્ ઽસ્તિ તસ્માન્ ન કારયેત્ ॥ અવ્ક્_30* ॥}
અહોરાત્રં સુસંપૂર્ણં ન નિદ્રાં કારયેદ્ વ્રતી ।
ચૈત્યધ્યાનસમાયુક્તઃ જપન્ સ્તોત્રં પઠંશ્ ચરેત્

નાનાગીતમહોત્સાહૈર્ નૃત્યૈર્ વાદ્યૈઃ સુઘોષકૈઃ ।
હાહાકારૈઃ સમુલ્લાસૈઃ કારયેત્ સંપ્રદક્ષિણામ્

વિશ્રામં વા ન કુર્યાચ્ ચ ખેદં વા વ્રતમાનસઃ ।
અહોરાત્રે સુસંપૂર્ણે પ્રાતઃ સ્નાત્વા વ્રતં ચરેત્

ચૈત્યપૂજાં યથા કૃત્વા ગુરુપૂજાં સમાચરેત્ ।
અન્નં વસ્ત્રં સુવર્ણં ચ વ્રીહિરત્નાનિ ભૂષિતાન્

આચાર્યાય પ્રદાતવ્યા યથાશક્તિ સુભક્તિતઃ ।
યજ્ઞં કુર્યાત્ તતો વજ્રી વ્રતં પૂર્ણં પ્રપૂરયેત્

અભિષેકં તતો દત્ત્વા પઞ્ચસૂત્રં ઘટં તથા ।
પ્રત્યેકં વ્રતિનાં દત્ત્વા આશીર્વાદ્યં પ્રદાપયેત્

કૌમારીપૂજનં કૃત્વા શેષાન્નં ચ પ્રભુઞ્જયેત્ ।
દધિશર્કરસંયુક્તં પઞ્ચામૃતં સુભોજનમ્

ગણચક્રં તતઃ કુર્યાદ્ વિધિજ્ઞસ્ તદ્વિધિં યથા ।
ઇત્ય્ એવં વ્રતરાજં તદ્ યઃ કુર્યાચ્ છુદ્ધમાનસઃ

વિપુલં ભોગમ્ આભુજ્ય સર્વસુખસમન્વિતઃ ।
પરત્ર સુખમ્ આપ્નોતિ ધર્મલોકે મહીપતે

ઇન્દ્રપૃષ્ટ ઉવાચ ।
ભગવન્ સર્વવિન્ નાથ પુનર્ વક્તું ત્વમ્ અર્હસિ ।
સંસારે બહુધા જાતિસ્ તેષાં પ્રચારણં કથમ્