અહોરત્રવ્રતકથા · શ્લોક 101-121

યે જાતમાત્રાઃ પ્રભુતાં પ્રયાન્તિ શ્રેષ્ઠીકુલે જન્મ સદૈવ યેષામ્ ।
હસ્ત્યશ્વયાનૈશ્ ચ પરિભ્રમન્તિ કૃત્વાત્ર તે ચૈત્યવરપ્રણામમ્

અકાર-મ્-આદ્યક્ષરમન્ત્રરાજૈર્ બલ્યૂપહારં ખલુ યો હિ દદ્યાત્ ।
તસ્મૈ સુદેવાઃ સગણાઃ સુતૃપ્તા દાસ્યન્તિ સત્કર્મફલાભિલાષમ્

યસ્મિન્ સુધાલેપમ્ ઉદાચરન્તિ તે રોગશોકાદિવિમુક્તદેહાઃ ।
ધનેશ્વરા દીર્ઘતરાયુષસ્ તે નરામરાણાં સુભગા ભવન્તિ

યે બુદ્ધમ્ ઉદ્દિશ્ય મહાન્તિ નિત્યં કુર્વન્તિ મૃદ્ગોમયલેપનાનિ ।
ભક્ત્યા સુશુદ્ધા જલમણ્ડલં વા લભન્તિ તે રાજબલં સુભાગ્યાઃ

સ્તૂપાઙ્ગણં ધાતુવરં વિહારં યે શોધયન્તીહ નરાઃ પ્રયત્નૈઃ ।
નિર્માલ્યમ્ એભ્યશ્ ચ સમુદ્ધરન્તિ તે હેમવર્ણાઃ સુદૃશો ભવન્તિ

પ્રદક્ષિણાં યે વિતરન્તિ તસ્મિન્ ભવન્તિ જાતિસ્મરલાભિનસ્ તે ।
સુવર્ણવર્ણા બહુપુત્રપૌત્રાઃ પૂજ્યા મનુષ્યામરનાથસંગ્ઃઐઃ ॥ અવ્ક્_106
આલસ્યેનાપિ યઃ કુર્યાજ્ જિનાલયપ્રદક્ષિણામ્ ।
પદે પદે સુવર્ણૈકકર્ષદાનફલં લભેત્

બ્રહ્મક્ષત્રિયવૈશ્યાનાં સચ્છૂદ્રાણાં પ્રપૂજનમ્ ।
તેભ્યો વિહીનજાતીનામ્ અધિકારો ન પૂજને

ગન્ધપુષ્પદ્વિજાતીનાં ... ચ પૂજયેત્ ।
ગન્ધપુષ્પદ્વિજાતીનાં વિશેષેણ પ્રકથ્યતે

છત્ત્રાવરોહણં રાજ્ઞાં વૈશ્યાનાં ત્વ્ અન્નઢૌકને ।
ધ્વજપાતાકવસ્ત્રેષુ શુદ્રાણાં ચ પ્રચક્ષ્યતે

સ્વર્ણકારા લોહકારાઃ કાંસ્યકૃત્કૃષિકાદયઃ ।
એતેષાં ચેહ હસ્તેન ચૈત્યપુંગવપૂજનમ્

તણ્ડુલી વ્યઞ્જની ચાપિ ક્રયવિક્રયકારિણઃ ।
એતૈઃ સ્વવૃત્તિવસ્તૂનિ ઢૌકનીયાનિ ભક્તિતઃ

શૌલિની ધ્વનનવર્તી માંસવર્તી તથા સુરી ।
એતૈર્ દીપઃ પ્રદાતવ્યઃ કુલધર્મપ્રમાણતઃ

ચર્મકારશ્ ચ માતઙ્ગો નિયોગી રજકો ધ્વજી ।
એતૈશ્ ચ દૂરતઃ સ્થિત્વા વન્દનીયો જિનાલયઃ

ષટ્ત્રિંશજ્જાતિભિર્ એવં સ્વકુલવૃત્તિચારણૈઃ ।
અન્યૈશ્ ચ વિવિધૈર્ નિત્યં પૂજ્યો માન્યો જિનાલયઃ

યેષાં વ્રતવિકારો ન પૂજને જિનપુંગવે ।
એતૈઃ પ્રદક્ષિણાં કૃત્વા વન્દનીયઃ સ્વભક્તિતઃ

એવં ભૂયશ્ ચરેદ્ ધર્મી વ્રતરાજમ્ અહર્નિશમ્ ।
તસ્ય પુણ્યં યથા પ્રોક્તં કુષ્ઠવ્યાધિક્ષયં વ્રજેત્

પઞ્ચાનન્તર્યપાપાનિ યાસ્યન્ત્ય્ અપિ ન સંશયઃ ।
કિં પુનશ્ ચાન્યપાપાનિ જન્માન્તરકૃતાન્ય્ અપિ

ન હી સ વિદ્યતે રાજન્ સર્વત્ર ભુવનેષ્વ્ અપિ ।
અહોરાત્રવ્રતં પુણ્યં યો ઽન્યથાત્વં કરિષ્યતિ

શ્રવાદ્ અપિ હરેત્ પાપં દર્શનાત્ પુણ્યમ્ આપ્નુયાત્ ।
અનુમોદાત્ તથા ચૈવં વ્રતિનાં તુ કિમ્ ઉચ્યતે

વ્રતિનાં સપ્તભાગાનિ કૃત્વા પુણ્યં વિશારદઃ ।
એકભાગં લભેદ્ રાજા ચૈકં તુ સારથીજનઃ ।
સર્વસત્ત્વસ્ય ચૈકં હિ તચ્ છેષં લભતે વ્રતી