અહોરત્રવ્રતકથા · શ્લોક 122-140

ઇતિ શ્રુત્વા ગુરોર્ વાક્યમ્ ઇન્દ્રપૃષ્ટો મહાપ્રભુઃ ॥
તતઃ સત્ત્વહિતાર્થાય વ્રતં કર્તું સમુદ્યતઃ

વારાણસીપુરં ગત્વા વસુબન્ધુવચો યથા ।
વિહારં ચ પ્રતિષ્ઠાપ્ય ચૈત્યરાજં જિનાલયમ્ ।
સંઘભોજ્યં તતઃ કૃત્વા યયૌ સ્વર્ગં જનૈઃ સુધીઃ

તતો ભિક્ષવો ભગવન્તમ્ એતદ્ ઊચુઃ ।
ભગવન્ મુનિશાર્દૂલ પુનર્ વક્તું ત્વમ્ અર્હસિ ।
કેન કેન પુરા નાથ વ્રતરાજમ્ ઇદં કૃતમ્

ભગવાન્ આહ ।
પુરા સ્વર્ગેષુ શક્રેણ અહોરાત્રવ્રતં કૃતમ્ ।
સ ષટ્પારમિતાં ધાર્ય ચૈત્યરાજમ્ અપૂજયત્ ।
પ્રદક્ષિણાં સદા કૃત્વા યથાવિધિ મહોત્સવૈઃ

પાતાલે ચ પુરા વીરો દૈત્યેન્દ્રો બલવાન્ અભૂત્ ।
નિર્ઘોષદમનો નામ દેવાસુરપ્રમર્દકઃ

ઇન્દ્રં સ્વર્ગે નિરાકૃત્ય પૃથિવીમ્ અવધારિતમ્ ।
તેનાસુરસહાયેન ત્રૈલોક્યં સ્વવશે કૃતમ્

પૃથિવીમણ્ડલં ગત્વા ગતો ઽસૌ મઘવત્પુરિમ્ ।
ઇન્દ્રપૃષ્ટમહાસ્થાને દેવતાપ્રતિમાં સ્થિતામ્ ।
પઞ્ચપ્રદક્ષિણાં કૃત્વા પ્રજ્ઞાપારસ્થિતો ઽભવત્

પાતાલેષુ પુનર્ ગત્વા સો ઽચરત્ તદ્ વ્રતોત્તમમ્ ।
નાગિન્યો નાગરાજાશ્ ચ પાતાલેષ્વ્ અચરંસ્ તથા

નાગૈઃ ફણવિભૂષાભિર્ દેવનાગેન્દ્રકલ્પિતમ્ ।
પૂજિતં સતતં ભક્ત્યા ચૈત્યરાજં વિધાનતઃ

ઋષયશ્ ચ પુરા સપ્ત જલાશ્રયપ્રતિષ્ઠિતમ્ ।
પુપૂજુઃ જિનધાતુસ્થં વિધિભિશ્ ચ વિશારદાઃ

નાગિન્યો વિષદર્પાન્ધાઃ પૂજ્યમાનાઞ્ જિનાલયમ્ ।
તાપિતાન્ કારયામ્ આસુર્ વિષાઙ્ગારૈઃ પ્રદાહનૈઃ

તતસ્ તૈઃ શાપિતા એવં નાગિન્યઃ શમ્બુકાઃ ખલુ ।
ભવધ્વં સપ્તજન્માનિ પુનશ્ ચૈત્યસ્ય સેવકાઃ

તતશ્ ચાન્તે પુનઃ પ્રાપ્ય માનુષ્યં પુણ્યભાવતઃ ।
એષા સા નાયકા યા તુ ધર્મદક્ષં પતિં લભેત્

તતસ્ ત વઞ્ચિતાઃ સર્વાઃ શમ્બુકા ધર્મમાનસાઃ ।
ધાન્યાં પ્રદક્ષિણાં ચક્રુર્ ભાવયન્ત્યો જિનાલયમ્

તતઃ પુણ્યાનુભાવેન દેવ્યઃ સપ્તકુમારિકાઃ ।
ભૂતા રાજસુતા ધન્યાઃ પ્રાલભન્ પરમં પદમ્

તાસામ્ એકા વ્રતી નામ્ના ધર્મદક્ષપતિવ્રતા ।
તસ્યાઃ પુણ્યપ્રભાવેન ધર્મદક્ષો ઽલભદ્ વ્રતમ્

ધર્મદક્ષો મહારાજા યથાવિધિ વ્રતં ચરન્ ।
ભાર્યયા સહ ધર્માત્મા સુખાવત્યાં મહીપતિઃ

ઇત્ય્ એવં ભિક્ષવો જ્ઞાત્વા વ્રતાનાં વ્રતમ્ ઉત્તમમ્ ।
ચૈત્યસેવા સદા કાર્યા વ્રતપુણ્યપ્રચારણૈઃ

ચૈત્યવ્રતસમં પુણ્યં નાસ્તિ સત્યં ત્રિભૂવને ।
તસ્માચ્ ચૈત્યઃ સદા વન્દ્યઃ પૂજનીયઃ પ્રયત્નતઃ