અહોરાત્રવ્રતચૈત્યસેવાનુશંસાવદાન · શ્લોક 61-80

સ્વયંભૂચૈત્યભૂક્ષેત્રે વિહારે સુગતાશ્રમે ।
પુણ્યક્ષેત્રે નદીતીરે સંગમે સરિતાં તથા

તીર્થે સમુદ્રતીરે ચ હ્રદતીરે સરસ્તટે ।
ઉદ્યાને પર્વતે ઽરણ્યે વિવિક્તે વન-આશ્રમે

ચૈત્યાલયે શુભે સ્થાને પ્રાસાદે મન્દિરે ગૃહે ।
એવમ્ અન્યત્ર ભૂદેશે શુદ્ધસ્થાને મનોરમે

એતેષુ પરિશુદ્ધેષુ યત્રેપ્સિતે વિશોધિતે ।
ધર્મશાલાં વિધાયાદૌ મૃદ્ગોમયૈર્ વિલેપયેત્

ચતુર્ધ્વજાન્ પ્રતિષ્ઠાપ્ય વિતનુયાદ્ વિતાનકમ્ ।
પુષ્પમાલાદિભિશ્ ચિત્રૈર્ દુષ્યૈઃ પટ્ટૈશ્ ચ મણ્ડયેત્

{એ અદ્દ્સ્ અ વેર્સે ઇન્ થે મર્ગિન્ અસ્ fઓલ્લોwસ્:
ગોક્શીરૈઃ પંચરત્નૈશ્ ચ શિલાચૂર્ણૈર્ વિલેપયેત્ ।
દિગ્માલા દિગ્પ્રતાપૈશ્ (સિચ્) ચ લમ્બયેચ્ ચ જિનાલયં ॥ અવ્ચ્_65* ॥}
તત્ર વજ્રી શુભાચારઃ પરિશુદ્ધત્રિમણ્ડલઃ ।
મણ્ડલં વર્તયેદ્ રમ્યં ધર્મધાતોર્ યથાવિધિ

તતસ્ તન્ મણ્ડલં વજ્રી પ્રતિષ્ઠાપ્ય યથાવિધિ ।
વ્રતિનાં સંગ્રહં કૃત્વા વ્રતારમ્ભં પ્રકારયેત્

શુક્લપક્ષે ત્રયોદશ્યાં ભોજનાન્તે દિનાત્યયે ।
દન્તાદિધાવનં કૃત્વા મુખાદિં પરિશોધયેત્

ચતુર્દશ્યાં પ્રભાતે ચ તીર્થે સ્નાત્વા વ્રતી સુધીઃ ।
શુચિવસ્ત્રાવૃતો ભદ્રશીલઃ શ્રદ્ધાસમન્વિતઃ

મધ્યાહ્ને મણ્ડલં ચૈત્યં પઞ્ચભિર્ ઉપહારકૈઃ ।
યથાવિધિ સમભ્યર્ચ્ય પ્રણામં સંપ્રકારયેત્

તતો યામે તૃઈયે ઽહ્નઃ કારયેદ્ વ્રતપાલણમ્ ।
નિરામિષૈર્ વિશુદ્ધાન્નૈઃ સ્નાનં ચ કારયેત્ તતઃ

।
તતો રાત્રિમુખે ચૈત્યં મણ્ડલં ચ સમર્ચયેત્ ।
દીપમાલાઃ સમુજ્જ્વાલ્ય ધર્મં ચ શ્રાવયેદ્ વ્રતીન્

પૂર્ણમાસ્યાં પ્રભાતે તુ સ્નાત્વા શુદ્ધામ્બરાવૃતાઃ ।
શોધિતપઞ્ચગવ્યેન કુર્યુશ્ ચાઙ્ગવિશોધનમ્

તતો દત્ત્વાર્ઘમ્ આદૌ તે સૂર્યાય વ્રતિનસ્ તથા ।
ગુરવે ચ પ્રદાયાર્ઘં સ્થિત્વા સ્વસ્વાસને ક્રમાત્

પૂજાઙ્ગાનિ ચ સર્વાણિ શોધયેયુર્ યથાવિધિ ।
તત્રાદૌ વ્રતિસંઘઃ સ વજ્રસત્ત્વં સમર્ચયેત્

તતો રત્નત્રયં ચૈવ સંપૂજયેદ્ યથાવિધિ ।
તેષાં ચ શરણં ગત્વા પ્રણમેદ્ રચિતાઞ્જલિઃ

ત્રિસમાધિં તતઃ કૃત્વા ધ્યાત્વાત્મનિ જિનેશ્વરમ્ ।
આવાહયેત્ પુરઃ શ્રીમદ્ધર્મધાતું મહેશ્વરમ્

તત્પાદાર્ઘં તતો દદ્યાત્ તતશ્ ચાચમનાર્ઘકમ્ ।
પ્રોક્ષણાર્ઘં તતો દત્ત્વા મણ્ડલે સંનિવેશયેત્

તતઃ પૂજોપહારૈસ્ તં મણ્ડલં સગણં મુદા ।
યથાવિધિ સમભ્યર્ચ્ય તદ્ધૃન્મન્ત્રં સુધીર્ જપેત્

{એ અદ્દ્સ્ હેરે:
તતઃ સ્તોત્રં પઠેત્ ।
ધર્મધાતુમયં ચૈત્યં સર્વાકારસ્વરૂપિણમ્ ।
આલયં સર્વબુદ્ધાનાં વાગીશ્વરં નમામ્ય્ અહમ્ ॥
જિનજસકલધાતું પુણ્યક્ષેત્રે કૃતાર્થમ્ ।
પ્રવિણજનસુખાર્થં સેવિતાર્થં પ્રદત્તમ્ ॥
પ્રણમતં મુનિરાજં અંજલિષ્ઠં પ્રધાનમ્ ।
જિતસકલભયાર્થં લોકનાથં મહેશમ્ ॥}
તતઃ સ્તોત્રં પઠિત્વા તુ તોષયેદ્ રચિતાઞ્જલિઃ ।
પાપાનાં દેશનાં કુર્યાત્ થતા પુણ્યાનુમોદનામ્