અહોરાત્રવ્રતચૈત્યસેવાનુશંસાવદાન · શ્લોક 322-341

તસ્યૈતત્ પ્રાતિહાર્યં તાઃ સર્વા દૃષ્ટ્વા સવિસ્મયાઃ ।
સુપ્રસન્નમુખામ્ભોજાઃ સુલબ્ધબોધિમાનસાઃ

તત્ર પ્રદક્ષિણીકૃત્ય કૃતાઞ્જલિપુટા મુદા ।
અષ્ટાઙ્ગપ્રણતિં કૃત્વા બોધિપ્રણિધિમ્ આદધુઃ

યદ્ અસ્માભિર્ મુનેર્ અસ્ય સત્કૃતિઃ પ્રકૃતા મુદા ।
એતત્પુણ્યવિપાકેન લબ્ધ્વા ચ જન્મ સદ્ગતૌ

સ્વપરાત્મહિતં કૃત્વા સર્વત્રાપિ શુભાનિ ચ ।
ઈદૃક્પ્રત્યેકસંબોધિં લબ્ધ્વા વ્રજેમ નિર્વૃતિમ્

એવં તાઃ કન્યકાઃ સર્વાઃ પ્રણિધાય પ્રસાદિતાઃ ।
તમ્ એવ સુગતં નત્વા તસ્થુર્ ધ્યાનસમાહિતાઃ

એવં હૃદ્ભાવિતં તાસાં મત્વા સ સુગતસ્ તતઃ ।
આકાશાત્ સહસોપેત્ય તા એવં સમુપાદિશત્

ભગિન્યઃ સંપ્રસીદધ્વં યદ્ ઇતઃ સપ્તમે ઽહનિ ।
સર્વા યૂયં સુભાવિન્યઃ સમં કાલં ગમિષ્યથ

તતો રાજકુલે જન્મ વારાણસ્યાં શુભાંશિકાઃ ।
લબ્ધ્વા યૂયં સમાચારાઃ સર્વાઃ શુભે ચરિષ્યથ

તત્ર યૂયં સમાલોક્ય સંસારં ક્લેશસંકુલમ્ ।
સર્વાન્ પરિગ્રહાંસ્ ત્યક્ત્વા તપોવને રમિષ્યથ

તત્રાપિ ચ ત્રિરત્નાનિ સ્મૃત્વા સદા સમાહિતાઃ ।
પ્રત્યેકાં બોધિમ્ આસાદ્ય નિર્વૃતિપદમ્ આપ્સ્યથ

એતન્ મત્વા ભગિન્યો ઽત્ર સર્વા યૂયં સમાહિતાઃ ।
ત્રિરત્નભજનં કૃત્વા ચરત સર્વદા શુભે

એતદ્ એવમ્ ઉપાદિશ્ય સ પ્રત્યેકજિનસ્ તતઃ ।
ભાસયન્ ખં સમુત્પ્લુત્ય સ્વાશ્રમં સહસા યયૌ

તમ્ આકાશગતં દૃષ્ટ્વા સર્વાસ્ તાઃ કન્યકા મુદા ।
પ્રણત્વા સુપ્રસાદિન્યશ્ ચિરેણ સ્વાલયે ઽચરન્

તત્ર તાશ્ ચૈત્યમ્ અભ્યર્ચ્ય સ્થિતાઃ સપ્તદિને મૃતાઃ ।
વારાણસ્યાં કૃકે રજ્ઞઃ સુતા આસન્ સમાનિકાઃ

તાસં યા ભગિની જ્યેષ્ઠા વ્રતીતિ પ્રતિશ્રુતા ।
દ્વિતીયા ધર્મવતી ખ્યાતા તૃતીયા શુભમઞ્જરી

ચતુર્થી ધીમતી નામ્ના પઞ્ચમી નેત્રમઞ્જરી ।
ષષ્ઠી ચ શ્રિમતી ખ્યાતા સપ્તમી ચ મદંજહા

અષ્ટમી રત્નમાલાખ્યા ઇત્ય્ એતા અષ્ટકન્યકાઃ ।
સુજાતા નૃપતેઃ પુત્ર્યઃ સમાચારાઃ સમાશયાઃ

{એ અદ્દ્સ્ થે fઓલ્લોwઇન્ગ્ અfતેર્ વ્સ્. 338 અન્દ્ ચોન્તિનુએસ્ fરોમ્ 339
તત્ર તાઃ ધર્મવત્યાદિ સપ્તકન્યા શુભેચરાઃ ।
ક્લેશવ્યાકુલસંસારમ્ ઇત્ય્ આલોક્ય પરિગ્રહાન્ ।
સ્વાન્ સ્વાન્ સર્વાન્ પરિત્યક્ત્વા સર્વાઃ તપોવનં યયુઃ ॥ અવ્ચ્_338* ॥
તત્રાપિ ચ ત્રિરત્નાનિ સદા સ્મૃત્વા સમાહિતાઃ ।
પ્રત્યેકાં બોધિમ્ આસાદ્ય નિર્વૃતિં તાઃ સમાયયુઃ ॥ અવ્ચ્_338** ॥
તાસં જ્યેષ્ઠા સ્વસા યા તત્ વ્રતં પ્રતિજન્મ પ્રચારિકા ।
એતત્પુણ્યાનુભાવેન સા કન્યા રતિસંનિભા ॥ અવ્ચ્_338*** ॥
ધર્મશીલા વ્રતી નામ્ની ધર્મપત્તને પુરે વરે ।}
તાસાં જ્યેષ્ઠા પ્રધાના યા સા કન્યા રતિસંનિભા ।
ધર્મદક્ષસ્ય ભૂપસ્ય ભાર્યાભૂદ્ ધર્મચારિણી

તદાપિ સા વ્રતી કન્યા ચૈત્યસેવાનુરાગિણી ।
સંબોધિચરણારાગા સંબુદ્ધગુણભાવિની

તત્ર સા કન્યકા સાધ્વી કર્તું ચૈત્યાર્ચનં મુદા ।
ધર્મદક્ષં પતિં નત્વા પ્રાર્થયદ્ એવમ્ આદરાત્