અહોરાત્રવ્રતચૈત્યસેવાનુશંસાવદાન · શ્લોક 342-356

સ્વામિન્ન્ ઇચ્છામ્ય્ અહં કર્તું ચૈત્યબિમ્બાર્ચનં સદા ।
અહોરાત્રવ્રતં ચાપિ તદ્ અનુજ્ઞાં પ્રદેહિ મે

ઇતિ તયા સુભાવિન્યા ભાર્યયા પ્રાર્થિતં મુદા ।
શ્રુત્વા સ નૃપતિર્ દૃષ્ટ્વા તાં ભાર્યામ્ એવમ્ અબ્રવીત્

ભદ્રે સાધુઃ સમિચ્છા તે યત્ ત્વયાહં પ્રબોધિતઃ ।
અહં ચાપિ ચરિષ્યામિ તથાહોરાત્રસદ્વ્રતમ્

ઇત્ય્ ઉક્ત્વા સ મહીપાલો ધર્મદક્ષઃ પ્રમોદિતઃ ।
ભાર્યયા સહસૈચ્છત્ તદ્ અહોરાત્રવ્રતં વરમ્

તતઃ સ નૃપતિશ્ ચૈત્યં પ્રતિષ્ઠાપ્ય યથાવિધિ ।
અહોરાત્રવ્રતં કૃત્વા સભાર્યસ્ તં સમાર્ચયત્

એવં તયા સુભાવિન્યા ભાર્યયા સહ સર્વદા ।
ધર્મદક્ષો નરેન્દ્રો ઽસૌ ચૈત્યસેવારતો ઽભવત્

તતસ્ તૌ દમ્પતી ચાપિ યાવજ્જીવં જિનાર્ચનમ્ ।
કૃત્વા સૌખ્યં પ્રભુક્ત્વાન્તે સંજગ્માતે જિનાલયમ્

એવં મત્વાત્ર યૂયં ચ શ્રદ્ધયા સદ્વ્રતં મુદા ।
અહોરાત્રવ્રતં ધૃત્વા ભજત ચૈત્યમ્ આદરાત્

એવં કૃતે હિ વો ભદ્રમ્ ઇહામુત્ર સદા ભવેત્ ।
ક્રમાદ્ બોધિપદં પ્રાપ્ય ગમિષ્યથ જિનાલયમ્

ઇતિ શાસ્ત્રા મુનીન્દ્રેણ સમાદિષ્ટં નિશમ્ય તે ।
ભિક્ષવો ઽપિ તથા ચૈત્યં વ્રતં ધૃત્વા પ્રભેજિરે

એવં મે ગુરુણાખ્યાતં શ્રુતં મયા નરાધિપ ।
સર્વલોકહિતાર્થાય તવાપિ ચ પ્રચક્ષ્યતે

તથા ત્વં ચ મહારાજ સંબોધિપદલબ્ધયે ।
અહોરાત્રવ્રતં ધૃત્વા ચૈત્યસેવારતો ભવ

એતત્પુણ્યાનુભાવૈસ્ તે સર્વત્ર મન્ગલં ભવેત્ ।
સર્વદા સત્સુખં ભુક્ત્વા યાયાશ્ ચાન્તે જિનાલયમ્

{એ અદ્દ્સ્ થે fઓલ્લોwઇન્ગ્ બેત્wએએન્ વ્સ્સ્. 354 અન્દ્ 355.
પુનસ્ ચ મહરજ
ધર્મં વિના ન મોક્ષં ચ દાનં વિના ન ભુક્તવાન્ ।
શ્રોતું વિના ન સત્જ્ઞાનં તસ્માદ્ ધર્માદિકં ચર ॥
સપ્તજન્મકૃતં પાપં તેનૈવ નશ્યતે ખલુ ।
કુક્ષેત્રે ચ કુગોત્રે ચ જનનં ન ભવિષ્યતિ ॥ અવ્ચ્_354* ॥}
ઇતિ તેનોપગુપ્તેન શાસ્ત્રાખ્યાતં નિશમ્ય સઃ ।
અશોકઃ સપ્રજાલોકસ્ તથેતિ પ્રાભ્યનન્દત

યે ચેદં શુદ્ધચિત્તા જિનવરકથિતં ચૈત્યસેવાનુભાવમ્ ।
શૃણ્વન્તિ શ્રાવયન્તિ પ્રમુદિતહૃદયાઃ શ્રદ્ધયાભિપ્રસન્નાઃ ।
તે સર્વક્લેશમુક્તા જિનગુણનિરતાઃ પ્રાપ્તસંબોધિચિત્તાઃ ।
શુદ્ધાત્માનઃ સુધીરાઃ સકલશુભકરા બુદ્ધલોકે પ્રયાન્તિ