અહિર્બુધ્નસંહિતા · અધ્યાય 42

કાશીરાજશ્રુતકીર્ત્યુપાખ્યાનવર્ણનં નામ
દ્વિચત્વારિંશોઽધ્યાયઃ
ધ્યાતં સકૃદ્ભવાનેકકોટ્યઘૌઘં હરત્યરમ્ ।
સુદર્શનસ્ય તદ્ દિવ્યં ભર્ગો દેવસ્ય ધીમહિ ॥
અઙ્ગમન્ત્રાણામુત્પત્તિદેવતાપ્રયોજનશક્તિધ્યેયપ્રશ્નાઃ
નારદઃ -
ભગવન્ સર્વધર્મજ્ઞ સર્વભૂતનમસ્કૃત ।
શ્રોતવ્યં યદ્યદસ્માભિઃ શ્રુતં તત્ તદશેષતઃ ॥ ૪૨-

ઇદં ત્વિદાનીં પૃચ્છામિ શંસ મે મનસિ સ્થિતમ્ ।
કુતોઽમુષ્યાઙ્ગમન્ત્રાણામુત્પત્તિઃ કા ચ દેવતા ॥ ૪૨-

કિમર્થં કીદૃશી શક્તિઃ કિં ધ્યેયં બ્રૂહિ તત્ત્વતઃ ।
પૃષ્ટસ્યાર્થસ્ય ગુહ્યત્વખ્યાપનમુખેનોત્તરકથનારમ્ભઃ
અહિર્બુધ્ન્યઃ -
શ્રૂયતામવધાનેન તદેતદ્ ગુહ્યમુત્તમમ્ ॥ ૪૨-

ઉત્પત્તિપ્રશ્નસ્યોત્તરમ્
આથર્વણાન્મયા વેદાન્મહામન્ત્રપરિષ્કૃતાત્ ।
સમુદ્ધૃતઃ ષડર્ણોઽયં કૌસ્તુભઃ સાગરાદિવ ॥ ૪૨-

પ્. ૪૦૧) તથા તસ્માદિમે મન્ત્રાઃ પ્રોદ્ધૃતાઃ સકલા મુને ।
દેવતાપ્રશ્નસ્યોત્તરમ્
સ્વયમેવાઙ્ગમન્ત્રાણામપિ દેવઃ સુદર્શનઃ ॥ ૪૨-

પ્રયોજનશક્તિપ્રશ્નયોરુત્તરમ્
સુદર્શનમહામન્ત્રનિષ્ઠસ્યાઙ્ગાવનં પરમ્ ।
કાર્યમેષાં ષડર્ણેન તથામી સમશક્તયઃ ॥ ૪૨-

ધ્યેયપ્રશ્નસ્યોત્તરમ્
એષામષ્ટભુજો દેવઃ પૂર્વોક્તેનૈવ વર્ત્મના ।
ધ્યેયઃ સર્વં સમાખ્યાતં કિમન્યચ્છ્રોતુમિચ્છસિ ॥ ૪૨-

નિવર્તકાસ્ત્રપ્રયોગાવસરપ્રશ્નઃ
નારદઃ -
ભગવન્ પરમોદાર નિત્યતૃપ્ત દયાનિધે ।
નિત્યજ્ઞાનક્રિયૈશ્વર્યવિશ્વવિજ્ઞાનવારિધે ॥ ૪૨-

સુદર્શનમહાયન્ત્રમન્ત્રશક્તિક્રિયાદિષુ ।
યદ્ વક્તવ્યં વિશેષેણ તદુક્તં ભવતા વિભો ॥ ૪૨-

પ્રવર્તકાનામસ્ત્રાણામુત્પત્તિઃ કથિતા પુરા ।
સ્વરૂપશક્તી ચ તથા પ્રયોગશ્ચ મહાદ્યુતે ॥ ૪૨-

નિવર્તકાનાં તુ પુનઃ કદા ક્વ વિષયે ગુરો ।
પ્રયોગઃ પરમં મેઽત્ર સંશયં છેત્તુમર્હસિ ॥ ૪૨-

પ્. ૪૦૨) તદુત્તરકથનપ્રતિજ્ઞા
અહિર્બુધ્ન્યઃ -
શ્રૂયતામવધાનેન પ્રયોગાવસરં મુ ।
નિવર્તકાનામસ્ત્રાણાં સમ્યક્ કથયતો મમ ॥ ૪૨-

તત્પ્રયોગાવસરકથનમ્
પરપ્રયુક્તૈર્દિવ્યાસ્ત્રૈરભિચારૈશ્ચ તત્કૃતૈઃ ।
મહત્યભિભવે પ્રાપ્તે તં વિદ્યાત્ તપસાં નિધે ॥ ૪૨-

પરાભિચારાભિભવજ્ઞાનોપાયપ્રશ્નઃ
નારદઃ -
પરાભિચારાભિભવઃ કૈર્લિઙ્ગૈરવગભ્યતે ।
રાજ્ઞાં ચ મન્ત્રિણાં ચૈવ તથાન્યેષાં નૃણામપિ ॥ ૪૨-

તજ્જ્ઞાનોપાયલિઙ્ગનિરૂપણમ્
અહિર્બુધ્ન્યઃ -
લક્ષ્યતે લક્ષણૈરેતૈર્નૃપાણામાભિચારિકી ।
વિકૃતિઃ પ્રસ્તુતાકાલે દારુણા સર્વગોચરા ॥ ૪૨-

અકાણ્ડ એવ નશ્યન્તિ વાજિવારણમન્ત્રિણઃ ।
તીવ્રામયપરીતાઙ્ગઃ પીડ્યતે નૃપતિઃ સ્વયમ્ ॥ ૪૨-

પતન્ત્યશનયસ્તસ્ય વિષયે ઘોરદર્શનાઃ ।
અલ્પસસ્યા વસુમતી વિનશ્યન્તિ ગવાં ગણાઃ ॥ ૪૨-

પ્. ૪૦૩) ભવન્તિ તસ્ય વિષયે પુનઃ પુનરવગ્રહાઃ ।
તીવ્રામયગૃહીતાશ્ચ મહિષ્યસ્તસ્ય ભૂપતેઃ ॥ ૪૨-

પ્રભવન્ત્યહિવલ્મીકાઃ પ્રાસાદે દ્વારિ મણ્ડપે ।
નિપતન્તિ મહોલ્કાશ્ચ ભૃશં ભીમસ્વનાન્વિતાઃ ॥ ૪૨-

મન્ત્રિણશ્ચ વિરુધ્યન્તે મત્સરેણ પરસ્પરમ્ ।
રજન્યાં રાજતે ભીમમૈન્દ્રં ધનુરનભ્રજમ્ ॥ ૪૨-

ઇતસ્તતો વહ્નિભયં નગરે જાયતે ભૃશમ્ ।
પ્રવિશ્ય ગર્ભભવનં ક્રોષ્ટારશ્ચાનિવારિતાઃ ॥ ૪૨-

ક્રોશન્તિ સંધ્યયોર્ભીમા દીપ્તાયાં દિશિ વિસ્વરમ્ ।
રુન્ધન્તિ નગરં રાજ્ઞઃ શત્રવો બલદર્પિતાઃ ॥ ૪૨-

કૃત્યાકૃત્યં ન જાનાતિ સ્વયં સ્તૈમિત્યમાસ્થિતઃ ।
સ્વપ્નેઽપિ પશ્યત્યાત્માનં મુણ્ડિતં નીલવાસસમ્ ॥ ૪૨-

તથેન ગર્દભયુજા વ્રજન્તં દક્ષિણાં દિશમ્ ।
ઇત્યાદિલિઙ્ગૈર્જાનીયાદભિચારં સપત્નજમ્ ॥ ૪૨-

પરાભિચારજા કૃત્યા રાજાનં પ્રવિશેદ્યદિ ।
તાં દૃષ્ટ્વા ક્ષિપ્રમેવાસૌ વિનશ્યતિ ન સંશયઃ ॥ ૪૨-

પુત્રાંશ્ચ મન્ત્રિણશ્ચાપિ મહિષીં નગરં તથા ।
જ્વાલામાલાવિલા કૃત્યા સર્વં નાશયતિ ક્ષણાત્ ॥ ૪૨-

પરાભિચારનિવર્તનાય નિવર્તકાસ્ત્રધારિસુદર્શનપ્રીણનમ્
એવં પરાભિચારેણ પીડિતે નૃપતૌ સ્વયમ્ ।
પ્. ૪૦૪) નિવર્તકાસ્ત્રસહિતં ભગવન્તં મહાદ્યુતિમ્ ॥ ૪૨-

ચક્રસ્વરૂપિણં દેવં ભક્ત્યા સંતોષયેત્ તતઃ ।
રજતેન સુવર્ણેન શિલયા તામ્રકેણ વા ॥ ૪૨-

સુદર્શનાર્ચાં નિર્માય પૂજયેત્ સનિવર્તકમ્ ।
સમાલિખ્ય પટે વાપિ ધ્યાયેત્ ત્રૈલોક્યપૂજિતમ્ ॥ ૪૨-

એવં નિર્માણતો ધ્યાનાત્ પૂજયા વન્દનેન વા ।
પ્રતિષ્ઠયા વા સ્તોત્રેણ દેવં સંપ્રીણયેન્નૃપઃ ॥ ૪૨-

એવમન્યે તથા કુર્યુરમાત્યા વા નરા મુને ।
પ્રીતેન સુદર્શનેન પરાભિચારનિર્દહનમ્
તતઃ પ્રીતઃ સ ભગવાનનાદિનિધનો વિભુઃ ॥ ૪૨-

અભિચારાન્ પરકૃતાનાશ્રિતાનુગ્રહેણ તુ ।
ભસ્મીકરોતિ સ્મૃત્યૈવ તત્પ્રયુક્તાન્યપિ ક્ષણાત્ ॥ ૪૨-

દિવ્યાસ્ત્રાણ્યુપસંહારૈરસ્ત્રૈર્વારયતીશ્વરઃ ।
પરપ્રયુક્તકૃત્યાયાસ્તત્પ્રયોક્તુશ્ચ વિનાશનમ્
પરપ્રયુક્તાં કૃત્યાં તુ સંપ્રાપ્તામતિભીષણામ્ ॥ ૪૨-

સ્વયં નિર્ગત્ય દેવોઽસૌ ચક્રરૂપી જગત્પતિઃ ।
ભસ્મસાત્ કુરુતે તં ચ પ્રયોક્તારં તતઃ પરમ્ ॥ ૪૨-

કાશીરાજેતિહાસોદાહરણમ્
તથૈવ કાશીરાજાખ્યો વારાણસ્યાં વસન્નૃપઃ ।
વિશ્વેશ્વરં મહાદેવમર્ચયિત્વા સમાહિતઃ ॥ ૪૨-

પ્. ૪૦૫) કૃષ્ણોદ્દેશેન કૃત્યાં વૈ જનયામાસ મોહિતઃ ।
સા સમુત્પાદિતા કૃત્યા વિકટા ભીમદર્શના ॥ ૪૨-

દ્વારકાં સમનુપ્રાપ્ય કૃષ્ણાભ્યાસં યયૌ તદા ।
તામાપતન્તીં સંપ્રેક્ષ્ય જ્વાલામાલાવિલાનનામ્ ॥ ૪૨-

પ્રેષયામાસ ભગવાન્ સુદર્શનમનુત્તમમ્ ।
સા તમાપતિતં દૃષ્ટ્વા સહસ્રાદિત્યસંનિભમ્ ॥ ૪૨-

યથાગતં પ્રદુદ્રાવ પ્રયોક્તારં ભયાતુરા ।
સ તાં નિહત્ય તં ચાપિ કાશીરાજં પુરીં તથા ॥ ૪૨-

આજગામ પુનશ્ચક્રં વિષ્ણુપાર્શ્વં મહાદ્યુતિ ।
શ્રુતકીર્ત્યુપાખ્યાનોદાહરણમ્
એવમન્યત્ પુરાવૃત્તમિતિહાસં શૃણુષ્વ મે ॥ ૪૨-

રાજ્ઞા શ્રુતકીર્તિના ધર્મેણ સપ્તદ્વીપમહીપરિપાલનમ્
સૌરાષ્ટ્રાધિપતી રાજા શ્રુતકીર્તિરિતિ શ્રુતઃ ।
નિવસન્ ભદ્રશાલાયાં નગર્યામરિમર્દનઃ ॥ ૪૨-

ગજાશ્વરથસંપન્નો બલવાન્ વાસવોપમઃ ।
સુદર્શનમહામન્ત્રનિષ્ઠઃ પરમધાર્મિકઃ ॥ ૪૨-

સુદર્શને પરાં ભક્તિમુદ્વહન્નર્ચનાપરઃ ।
બુભુજે તત્પ્રસાદેન સપ્તદ્વીપવતીં મહીમ્ ॥ ૪૨-

પ્. ૪૦૬) લોકાન્તરં જિગીષોસ્તસ્ય સુદર્શનાર્ચનપૂર્વકં
સ્વસ્તિકાખ્યગન્ધર્વનગરગમનમ્
જેતું લોકાન્તરં ચક્રે શ્રુતકીર્તિર્મનસ્તદા ।
ચતુરઙ્ગબલૈર્યુક્તઃ સમભ્યર્ચ્ય સુદર્શનમ્ ॥ ૪૨-

કામગં સ્યન્દનં ચિત્રમારુરોહ મહાબલઃ ।
તતઃ પ્રતસ્થે પ્રથમમન્તરિક્ષં બલાન્વિતઃ ॥ ૪૨-

સ્વસ્તિકનગરવર્ણનમ્
તત્ર ગન્ધર્વનગરં વિશાલં સ્વસ્તિકાહ્વયમ્ ।
વીણાવિનોદનેનેત્થં પાલિતં પરમદ્યુતિ ॥ ૪૨-

સ્વયંપ્રવૃત્તૈઃ શસ્ત્રૈશ્ચ વાર્યમાણારિસૈનિકમ્ ।
બહિર્નિરિન્ધનેનૈવ વહ્નિના પરિવેષ્ટિતમ્ ॥ ૪૨-

સુવર્ણસાલં પરમં રત્નગોપુરમણ્ડિતમ્ ।
મણિહર્મ્યપરિક્ષિપ્તં ગાનસ્વનસમાકુલમ્ ॥ ૪૨-

વિમાનૈસ્તૈજસૈર્જુષ્ટં દિવ્યોપવનશોભિતમ્ ।
સુવર્ણપદ્મસરસીસરિદ્વાપીનિષેવિતમ્ ॥ ૪૨-

સેવિતં સુરનારીભિરપ્સરોભિશ્ચ સેવિતમ્ ।
ગન્ધર્વૈઃ કિંનરૈઃ સિદ્ધૈશ્ચારણૈશ્ચ સદા યુતમ્ ॥ ૪૨-

યુયુત્સુના શ્રુતકીર્તિના તન્નગરોપરોધઃ
એવંવિધં પુરં રાજા રુરોધ બલદર્પિતઃ ।
વીણાવિનોદનં યોદ્ધું મહત્યા સેનયા તદા ॥ ૪૨-

પ્. ૪૦૭) ગન્ધર્વરાજેન વાહિનીપ્રેષણમ્
શ્રુત્વા ગન્ધર્વરાજોઽપિ માનુષૈરુપરોધનમ્ ।
પ્રહસ્ય પ્રેષયામાસ સિદ્ધગન્ધર્વવાહિનીમ્ ॥ ૪૨-

તત્ર તુમુલસંગ્રામઃ
સા તેન બલિના રાજ્ઞા યુયુધે નિશિતૈઃ શરૈઃ ।
પ્રવૃત્તં તન્મહદ્યુદ્ધં તુમુલં રોમહર્ષણમ્ ॥ ૪૨-

શ્રુતકીર્તિના ગન્ધર્વસૈન્યવિદ્રાવણમ્
તતો વિદ્રાવયામાસ ભૂપતિર્લીલયા બલમ્ ।
ગાન્ધર્વં તત્ પુનઃ પ્રાપ સ્વપુરીં ભયવિહ્વલમ્ ॥ ૪૨-

ક્રુદ્ધસ્ય ગન્ધર્વરાજસ્ય સ્વયં યુદ્ધાય નિર્ગમનમ્
તચ્છ્રુત્વા પરમક્રુદ્ધઃ સ્વયં વીણાવિનોદનઃ ।
રથં મહાન્તમાસ્થાય નિર્યયૌ સહ સૈનિકૈઃ ॥ ૪૨-

ગન્ધર્વરાજશ્રુતકીર્ત્યોરષ્ટદિનપર્યન્તં યુદ્ધપ્રવૃત્તિઃ
તતસ્તયોરભૂદ્યુદ્ધં વૃત્રવાસવયોરિવ ।
પરસ્પરં નિજઘ્નુસ્તે સૈનિકાઃ વિવિધૈઃ શરૈઃ ॥ ૪૨-

તત્ર સંછન્નમાકાશં શરૌઘૈરુભયોરપિ ।
જયઃ પરાજયો વા સ્યાન્ન તત્ર સમિતૌ તયોઃ ॥ ૪૨-

એવમષ્ટદિનાન્યાસીદેકરૂપં ભયંકરમ્ ।
પ્. ૪૦૮) ભૂપતિના ગન્ધર્વરાજસ્ય ધનુરાદિચ્છેદો બલવિદ્રાવણં ચ
તતો ગન્ધર્વરાજસ્ય ઘનુશ્ચિચ્છેદ ભૂપતિઃ ॥ ૪૨-

ધ્વજચ્છત્રહયાંશ્ચાપિ સાયકૈર્નતપર્વભિઃ ।
દિશઃ પ્રસ્થાપયામાસ તદીયં સકલં બલમ્ ॥ ૪૨-

ગન્ધર્વરાજસ્ય વિષાદઃ
શસ્ત્રૈરજયયમાલોચ્ય નૃપં ગન્ધર્વરાડપિ ।
પરાજિતં તુ સ્વબલં મનુજૈર્વિષસાદ હ ॥ ૪૨-

ગન્ધર્વરાજેન માનુષબલે ગાન્ધર્વાસ્ત્રપ્રયોગઃ
દિવ્યાસ્ત્રૈઃ સૂદયામ્યેનમિતિ મત્વા મહાદ્યુતિઃ ।
ગાન્ધર્વમસ્ત્રં ચિક્ષેપ સ તસ્મિન્ માનુષે બલે ॥ ૪૨-

તેન માનુષસૈન્યવિમોહનમ્
તેનૈવ મોહિતા સર્વા શ્રુતકીર્તિવરૂથિની ।
ગાન્ધર્વાસ્ત્રપ્રભાવેણ તિષ્ઠત્યેવ ચ સંયુગે ॥ ૪૨-

સુદર્શનપ્રભાવેણ દિવ્યાસ્ત્રં નાપ તં નૃપમ્ ।
તત્પ્રતીકારાશક્તસ્ય શ્રુતકીર્તેઃ પુરોધસિ સ્વવૃત્તનિવેદનમ્
શ્રુતકીર્તિસ્તદાસ્ત્રેષુ દિવ્યેષ્વનભિયોગતઃ ॥ ૪૨-

ન શશાક પ્રતીકર્તું સ્વપુરોધસમભ્યયાત્ ।
વૃત્તં વિજ્ઞાપયામાસ નૃપસ્તસ્મૈ પુરોધસે ॥ ૪૨-

પુરોધસા સુદર્શનશરણવરણોપદેશપૂર્વકં
નિખિલાસ્ત્રમન્ત્રોપદેશનમ્
સોઽભ્યભાષત ધર્મજ્ઞઃ પરમાસ્ત્રવિશારદઃ ।
પ્. ૪૦૯) શ્રુતકીર્તેઽત્ર મા ભૈષીસ્તમેવ શરણં વ્રજ ॥ ૪૨-

પ્રણતાર્તિહરં દેવં સુદર્શનવપુર્ધરમ્ ।
દિવ્યાસ્ત્રાણામશેષાણાં પ્રસૂતિં પરમેશ્વરમ્ ॥ ૪૨-

એવં ભૂતે મહાચક્રે ચતુઃષષ્ટ્યરસંયુતે ।
નેમિદ્વયાન્વિતે દેવં મધ્યે ધ્યાયસ્વ ભૂપતે ॥ ૪૨-

દ્વિષષ્ટિભુજમત્યુગ્રં સંહારાસ્ત્રધરં પરમ્ ।
એવં ધ્યાત્વા ચ જપ્ત્વૈતં મન્ત્રં સેનાં વિલોકય ॥ ૪૨-

ઇત્યસ્ત્રમન્ત્રાનખિલાંસ્તસ્મા ઉપદિદેશ સઃ ।
તેન જાતબલસ્ય શ્રુતકીર્તેઃ પુનર્યુદ્ધાયાગમનમ્
પ્રતિગૃહ્યાખિલાન્ મન્ત્રાન્ પ્રવર્તકનિવર્તકાન્ ॥ ૪૨-

પુનરેત્ય ચ સંગ્રામં સ રાજા સમિતિંજયઃ ।
તેન સ્વસૈનિકમોહવિમોચનમ્
ધ્યાત્વા દેવં જપન્ મન્ત્રં સ્વસેનાં સમલોકયત્ ॥ ૪૨-

તતઃ સંજ્ઞામવાપ્યાસૌ પ્રાવર્તત મહાહવે ।
પુનર્યુદ્ધે શ્રુતકીર્તેર્વિજયો ગન્ધર્વલોકવશીકરણં ચ
પુનઃ પ્રવવૃતે યુદ્ધં સેનયોરુભયોરપિ ॥ ૪૨-

દિવ્યાસ્ત્રૈઃ સમરે રાજા જિત્વા વીણાવિનોદનમ્ ।
તલ્લોકં સ્વવશં ચક્રે ચક્રવર્તી બલાન્વિતઃ ॥ ૪૨-

પ્. ૪૧૦) તતઃ સ્વપુરપ્રત્યાગમનમ્
સત્કૃતઃ સિદ્ધગન્ધર્વૈઃ કિંનરૈશ્ચારણૈરપિ ।
ભદ્રશાલાં પુનઃ પ્રાપ સ્વપુરીં વિજયશ્રિયા ॥ ૪૨-

સમેયિવાઞ્શશાસોર્વીં દિવં સુરપતિર્યથા ।
સુદર્શનપ્રભાવાદ્વિસ્મિતસ્ય પુનઃ પુરોધસા સહ મન્ત્રણપ્રકારઃ
સુદર્શનપ્રભાવસ્ય સ્મૃત્વા વિસ્મિતમાનસઃ ॥ ૪૨-

પુરોધસમુપાગમ્ય જ્વલન્તમિવ પાવકમ્ ।
મન્ત્રયામાસ તેનૈવં રાજા રાજીવલોચનઃ ॥ ૪૨-

સ્વસંપદો ભગવત્પ્રસાદહેતુકત્વકથનમ્
દેવપ્રસાદાજ્જગતી મમેયં
સમુદ્રનેમિર્વશમાગતાદ્ય ।
લોકાન્તરં ચાપિ તથૈવ મન્યે
મયિ પ્રસાદોન્મુખ એવ દેવઃ ॥ ૪૨-

ભગવત્પ્રસાદાત્ સ્વસ્ય મોક્ષલાભે સંશયાભાવકથનમ્
સંસારભીતસ્ય મમાપવર્ગં
પ્રદાસ્યતે ચક્રવપુર્ધરોઽયમ્ ।
ઇત્યત્ર શઙ્કા મમ નાસ્તિ કાચિ-
દતઃ પરં દેવમુપાસ્મહે તુ ॥ ૪૨-

પ્. ૪૧૧) રાજાનં પ્રતિ પુરોધસા સુદર્શનપ્રતિષ્ઠાપનાદ્યુપદેશઃ
ઇત્યુક્તવન્તં નૃપતિં પુરોધાઃ
કૃતાઞ્જલિં પ્રાહ મહાનુભાવઃ ।
વિમાનમગ્ર્યં બહુવર્ણકૂટં
વિધાય ચક્રોપપદં સસાધ્યમ્ ॥ ૪૨-

ઇહ પ્રતિષ્ઠાપ્ય સુચક્રમધ્યે
દ્વિષષ્ટિબાહું સનિવર્તકાસ્ત્રમ્ ।
યથોક્તરૂપં બહુભૂષણાઢ્યં
સુદર્શનં પૂજય સર્વસિદ્ધ્યૈ ॥ ૪૨-

રાજ્ઞા તથૈવાનુષ્ઠાનમ્
ઇત્યેવમુક્તઃ પ્રતિગૃહ્ય મૂર્ધ્ના
સ તસ્ય વાક્યં પરમાર્થયુક્તમ્ ।
અકારયત્ કારયિતવ્યદક્ષ-
સ્તથૈવ તસ્મિન્નગરે સ રાજા ॥ ૪૨-

તદર્થં રાજ્ઞા દ્વિજાનાં વૃત્તિપ્રકલ્પનમ્
શતં સ વિંશત્યધિકં દ્વિજાંસ્તુ
સમન્તતો દેવનિકેતનાત્ સઃ ।
તતઃ પ્રતિષ્ઠાપ્ય ધનાનિ દત્ત્વા
બહૂનિ બહ્વીશ્ચ ભુવઃ સ તેભ્યઃ ॥ ૪૨-

પ્. ૪૧૨) વિભૂતિમન્તં ચ વિધાય દેવં
મુમોદ રાજા સમવાપ્તકામઃ ।
તતો ભગવત્પ્રસાદાદ્રાજ્ઞઃ પરમપુરુષાર્થલાભઃ
મહાલયે તત્ર સમર્ચ્ય દેવં
દિને દિને પ્રાપ્તસમસ્તકામઃ ।
તતોઽચિરેણૈવ વિમુક્તસઙ્ગઃ
પરં પદં પ્રાપ ચ તત્પ્રસાદાત્ ॥ ૪૨-

ઇતિ શ્રીપાઞ્ચરાત્રે તન્ત્રરહસ્યે અહિર્બુધ્ન્યસંહિતાયાં
કાશીરાજશ્રુતકીર્ત્યુપાખ્યાનવર્ણનં નામ
દ્વિચત્વારિંશોઽધ્યાયઃ

આદિતઃ શ્લોકાઃ