અભિધર્મદીપ · શ્લોક 441-460

ક્ષયજ્ઞાનં મતા બોધિસ્તથાનુત્પાદધીરપિ ।
દશ ચૈકશ્ચ તત્પક્ષ્યાઃ સપ્તત્રિંશત્તુ નામતઃ

સોપેક્ષાપ્રીતિસંકલ્પં શ્રદ્ધાદીન્દ્રિયપઞ્ચકમ્ ।
સપ્રસ્રબ્ધિર્દ્વિરૂપોત્થં નામભેદસ્ત્વપેક્ષયા

બલાન્યત્રેન્દ્રિયાણ્યેવ પ્રજ્ઞૈવ સ્મૃત્યુપસ્થિતિઃ ।
વીર્યં સમ્યક્પ્રધાનાખ્યં ઋદ્ધિપાદા મનસ્થિતિઃ

દોષહાણમનુત્પાદં ગુણોત્પાદં વિવર્ધનમ્ ।
સકૃત્કરોતિ યત્તદ્ધિ સ પ્રહાણચતુષ્ટયમ્

છન્દવ્યાયામમીમાંસા ચિત્તાકૃષ્ટાઃ સમાધયઃ ।
ઋદ્ધિપાદાસ્તુ ચત્વારો ગુણસમ્પત્તિયોનયઃ

પ્રોક્તં બોધિત્રયેશિત્વાચ્છ્રદ્ધાદીન્દ્રિયપઞ્ચકમ્ ।
કથિતં બલશબ્દેન તદેવાનભિભૂતિતઃ

બોધનાર્થેન નિર્દિષ્ટં શાસ્ત્રા બોધ્યઙ્ગસપ્તકમ્ ।
પ્રતીત્યા પરમાર્થેન પ્રજ્ઞેત્યન્તમનુગ્રહાત્

પ્રીતિપ્રસ્રબ્ધ્યુપેક્ષાણામુક્તાદ્ધેતોસ્તદઙ્ગતા ।
સંકલ્પાદેશ્ચતુષ્કસ્ય પથો જ્ઞેયાનુકૂલ્યતઃ

વિદ્યાપ્રભઃ શ્લક્ષ્ણવિકલ્પભૂમિઃ શીલાનુયાત્રઃ સ્મૃતિવીર્યમિત્રઃ ।
સમાધિસર્વાધિસુખોપભોગો માર્ગો વિમુક્તિદ્વયધિષ્ણ્યગો ઽયમ્

પ્રાધાન્યં સપ્તવર્ગસ્ય પ્રારમ્ભોષ્મગતાદિષુ ।
યથાક્રમં વિબોદ્ધવ્યં ભાવનાદૃષ્ટિમાર્ગયોઃ

ન ચિત્તં રાજકલ્પત્વાદ્ ગુણદોષાનુવર્તનાત્ ।
વ્યવહારાનુકૂલ્યત્વાત્ સંજ્ઞા હ્યેતેષુ નેષ્યતે

વિપાકફલનિમ્નત્વાન્માર્ગોક્તેશ્ચ ન ચેતના ।
નાપ્રાધાન્યાન્મનસ્કારો વિદ્યાવિદ્યાપ્રવર્તનાત્

ક્રિયારમ્ભપ્રધાનત્વાન્ન ચ્છન્દો વીર્યબૃંહણાત્ ।
નાધિમોક્ષઃ સમારોપાન્ન સ્પર્શો દૌર્વિભાવ્યતઃ

નાર્યવંશ હ્ર્યપત્રાપ્યા અવિશારદવૃત્તિતઃ ।
નાપ્રમાદઃ પરાઙ્ગત્વાન્નાવિહિંસાવિહેઠનાત્

સત્ત્વાધિષ્ઠાનવૃત્તિત્વાન્ન મૈત્રીકરુણાદયઃ ।
માર્ગાઙ્ગાક્ષૈકદેશત્વાન્નાપ્યવેત્યપ્રસત્તયઃ

નાદ્વેષઃ શુભમૂલેભ્યઃ સત્ત્વગોચરભાવતઃ ।
ઔદાસીન્યાન્ન નિર્વાણં દવિષ્ઠ્યાન્ન પરધ્વનિઃ

બોધ્યઙ્ગાન્યરજસ્કાનિ બોધેર્નેદિષ્ટભાવતઃ ।
તદન્યાન્યવબોધ્યાનિ સમલાન્યમલાન્યપિ

આદ્યે ધ્યાને ઽખિલા મૌલે ઽનાગમ્યે પ્રીત્યપાકૃતાઃ ।
દ્વિતીયે ઽપ્યપસંકલ્પા દ્વયોશ્ચાસ્માત્ દ્વયાદૃતે

શીલાઙ્ગેભ્યશ્ચ તાભ્યાં ચ દ્રષ્ટવ્યા ત્રિષ્વરૂપિષુ ।
બોધ્યઙ્ગેભ્યશ્ચ સર્વેભ્યો કામે બોધ્યઙ્ગવર્જિતાઃ

યસ્તત્પ્રથમતાઃ પ્રોક્તાશ્ચતસ્રસ્તત્ર કોવિદૈઃ ।
ન્યામાવક્રાન્તિવૈરાગ્યફલાપ્ત્યક્ષવિવૃદ્ધિષુ