108 Buddhist stotras · અધ્યાય 106

યા સમ્યગુક્તવિધિભિઃ પરિપથ્યમાના લક્ષ્મીં દદાતિ વિપુલાં સુગતોપભોગાન્ ।
તાં ધારણીં સકલસત્ત્વહિતૈકચિત્તાં ભક્ત્યા નમામિ સતતં વસુધારસંજ્ઞામ્ ॥

યા સંસ્મૃતા સુચિરસુસ્થતરં પ્રવૃદ્ધં દારિદ્રયદુઃખદુરિતં શમતે નરાણામ્ ।
તાં કલ્પવૃક્ષસદૃશીં વસુધારસંજ્ઞાં નિત્યં નમામિ શિરસા જગતાં હિતાય ॥

રત્નાકરીં રત્નનિધાનકોષાં વિચિત્રરત્નાં પ્રતિભાસવર્ષામ્ ।
રત્નાવલીં રત્નમયીં વિચિત્રાં નમામિ ચાર્યાં વસુધારધારામ્ ॥

તાં રત્નપાણિસફલામવભાસયા તે ત્યાગાવતંસદયશેખરમુદ્વહન્તીમ્ ।
હારાર્ધહારચલકુણ્ડલભૂષિતાઙ્ગીમાર્યાં નમામિ વસુવૃષ્ટિકરીં શરણ્યામ્ ॥