108 Buddhist stotras · અધ્યાય 105

ભગવત્યૈ આર્યશ્રીવસુધારાયૈ દિવ્યરૂપી સુરૂપી ચ સૌમ્યરૂપી બલપ્રદા ।
વસુધરી વસુધારણી વસુશ્રી શ્રીકરી વરા ॥

ધરણી ધારણી ધાતા શરણ્યા ભક્તવત્સલા ।
પ્રજ્ઞાપારમિતા દેવી પ્રજ્ઞા શ્રીબુદ્ધિવર્ધિની ॥

વિદ્યાધરી શિવા સૂક્ષ્મા શાસ્તા સર્વત્ર માતૃકા ।
તરુણી તારુ(ર)ણી દેવી વિદ્યાદાનેશ્વરેશ્વરી ॥

ભૂષિતા ભૂતમાતા ચ સર્વાભરણભૂષિતા ।
દુર્દાન્તત્રાસની ભીતા ઉગ્રા ઉગ્રપરાક્રમા ॥

દાનપારમિતા દેવી વર્ષણી દિવ્યરૂપિણી ।
નિધાનં સર્વમાઙ્ગલ્યા કીર્તિર્લક્ષ્મીર્યશઃશુભા ॥

દહની માલિની ચણ્ડી શબરી સર્વમાત્રિકા ।
કૃતાન્તશાસની રૌદ્રી કૌમારી વિશ્વરૂપિણી ॥

વીર્યપારમિતા દેવી જગદાનન્દરોચની ।
તાપસી ઉગ્રરૂપી ચ ઋદ્ધિસિદ્ધિબલપ્રદા ॥

ધન્યા પુણ્યા મહાભાગા અજિતા જિતવિક્રમા ।
જગદેકહિતા વિદ્યા સંગ્રામે તારણી શુભા ॥

ક્ષાન્તિપારમિતા દેવી શીલિની ધ્યાનધ્યાયિનો ।
પદ્મિની પદ્મધારી ચ પદ્મપ્રિયા પદ્માસની ॥

શુદ્ધરૂપી મહાતેજા હેમવર્ણા પ્રભાકરી ।
ચિન્તામણિમહાદેવી પ્રજ્ઞાપુસ્તકધારિણી ॥

નિધાનં કૂટિમારુઢિધન્યાગારધનપ્રિયા ।
ત્રૈધાતુકં મહા આદિ દિવ્યાભરણભૂષિણી ॥

માતરી સર્વબુદ્ધાનાં રત્નધાતે(ત્વી)શ્વરેશ્વરી ।
શૂન્યતા ભાવની દેવી ભાવાભાવવિવર્જિતા ॥

વૈન્યે(ને)ય કિં ન વિન્યસ્તા દિવ્યક્લેશનિછેદની ।
ભી(ભે) દિની સર્વમારાણાં સપ્તપાતાલક્ષોભિની (ણી) ॥

બ્રહ્માણી વેદમાતા ચ ગુહ્યા ચ ગુહ્યવાસિની ।
સરસ્વતી વિશાલાક્ષી ચતુર્બ્રહ્મવિહારિણી ॥

તાથાગતી મહારમ્યા વજ્રિણી ધર્મધારિણી ।
કર્મધાતેશ્વરી વિદ્યા વિશ્વજ્વાલાભમણ્ડલી ॥

બોધ(ધિ)ની સર્વસત્ત્વાનાં બોધ્યઙ્ગકૃતશેખરી ।
ધ્યાના ધીર્મુક્તિસંપન્ના અદ્વયદ્વયભાવિની ॥

સર્વાર્થસાધની ભદ્રા સ્ત્રીરૂપામિતવિક્રમા ।
દર્શિની બુદ્ધમાર્ગાણાં નષ્ટમાર્ગપ્રદર્શિની ॥

વાગીશ્વરી મહાશાન્તિર્ગોપ્ત્રી ધાત્રી ધનપ્રદા ।
સ્ત્રીરૂપધારિણી સિદ્ધા યોગિની યોગજેશ્વરી ॥

મનોહરી મહાક્રાન્તિઃ સૌભાગ્યપ્રિયદર્શિની ।
સાર્થવાહકૃપાદૃષ્ટિઃ સર્વતાથાગતાત્મકી ॥

નમસ્તે ઽસ્તુ મહાદેવી સર્વસત્ત્વાર્થદાયિની ।
નમસ્તે દિવ્યરૂપી ચ વસુધારા નમો ઽસ્તુ તે ॥

અષ્ટોત્તરશતં નામ ત્રિકાલં યં પઠેત્ પુમાન્ ।
પ્રાપ્નોતિ નિયતં સિદ્ધિમીપ્સિતાર્થમનોરથાન્ ॥

યદજ્ઞાનકૃતં પાપમ્ આનન્તર્યસુદારુણમ્ ।
તત્સર્વં ક્ષપયત્યાશુ સ્મરણાત્ સ(ર્વ)ભદ્રકમ્ ॥

અથવા શીલસંપન્નઃ સપ્તજાતિસ્મરો ભવેત્ ।
પ્રિયશ્ચાદેયવાક્યેન રૂપવાન્ પ્રિયદર્શનઃ ॥

વિપ્રક્ષત્રિયકુલેષુ આદેયમુપજાયતે ।
અન્તે ભૂમીશ્વરં પ્રાપ્તઃ પશ્ચાત્ પ્રાપ્ત(ઃ) સુખાવતીમ્ ॥