108 Buddhist stotras · અધ્યાય 107

ઓમ્કારોત્પન્નશુક્લાભં મધ્યસિંહાસનસ્થિતમ્ ।
બોધ્યં ત્રિમુદ્રયા યુક્તં વૈરોચનમુનિં નુમઃ ॥

હૂંકારોત્પન્નનીલાભં પૂર્વે ગજાસનસ્થિતમ્ ।
ભૂસ્પર્શમુદ્રયા યુક્તમ્ અક્ષોભ્યં શ્રીઘન નુમઃ ॥

ત્રાંકારોત્પન્નહેમાભં દક્ષિણે ઽશ્વમારૂઢમ્ ।
વરદમુદ્રયા યુક્તં નમામિ રત્નસંભવમ્ ॥

ઝિઙ્કારોત્પન્નરક્તાભં પશ્ચિમે મયૂરાસનમ્ ।
ધ્યાનમૂર્તિધરં નાથમ્ અમિતાભમુનિં નુમઃ ॥

ખઙ્કારોત્પન્નશ્યામાભમ્ ઉત્તરે ગરુડાસનમ્ ।
અભયમુદ્રસંબદ્ધમમોઘસિદ્ધિં નમામ્યહમ્ ॥

રોચના મામકી ચૈવ પાણ્ડરા તારણી તથા ।
બ્રહ્માદિકોણસંસ્થાશ્ચ ચતુર્દેવ્યો નમો નમઃ ॥

નિરંજનં નિરાકારં પ્રત્યેકજ્યોતિરૂપિણમ્ ।
ચૈત્યમધ્યસ્થિતં દેવં વજ્રસત્ત્વં નુમો વયમ્ ॥