Vṛttaratnākara · Chapter 3

iti śrīmadbhaṭṭarāmeśvarasūnunārāyaṇabhaṭṭaviracitāyāṃ vṛttaratnākaravyākhyāyāṃ
mātrāvṛttādhikāro nāma dvitīyo 'dhyāyaḥ //
tṛtīyo 'dhyāyaḥ
guḥ śtrīḥ

gau strī

mo nārī

ro mṛgī

mgau cetkanyā

mgau giti paṅktiḥ

tyau stastanumadhyā

śaśivadanā nyau

vidyullekhā mo maḥ

tsā cedvasumatī

msau gaḥ syānmadalekhāḥ

bhau giti citrapadā gaḥ

mo mo go go vidyunmālā

māṇavakaṃ bhāttalagā

mnau gau haṃsarutametat

rjau samānikā galau ca

pramāṇikā jarau lagau

vitānamābhyāṃ yadanyat

rāmnasāviha halamukhī

bhujagaśiśubhṛtāṃ nau maḥ

msā jgau śuddhavirāḍidaṃ matam

mnau jgau ceti paṇavanāmakam

rjau ragau mayūrasāriṇī syāt

bhmau sagayuktau rukmavatīyam

mattā jñeyā mabhasagayuktā

narajagaurbhavenmanoramā

tjau jo guruṇeyamupasthitā

syādindravajrā yadi tau jagau gaḥ

upendravajrā jatajāstato gau

pādau yadīyāvupajātayastāḥ

smaranti jātiṣvidameva nāma me

najajalagairgaditā sumukhī

dodhakavṛttamidaṃ bhabhabhādgau

śālinyuktā mtau tagau go 'bdhilokaiḥ

vātormīyaṃ kathitā mbhau tagau gaḥ

vāṇarasaiḥ syādbhatanagagaiḥ śrīḥ

mbhau nlau gaḥ syād bhramaravilasitam

rānnarāviha rathoddhatā lagau

svāgateti ranabhādguruyugmam

nanaralagururacitā vṛntā

nanaramagurubhiśca bhadrikā

śyenikā rajau ralau gururpadā

mauktikamālā yadi bhatanādgau

upasthitamidaṃ jsau tādgakārau

candravartma nigadanti ranabhasaiḥ

jatau tu vaṃśasthamudīritaṃ jarau

syādindravaṃśā tatajai rasaṃyutaiḥ

iha toṭakamambudhisaiḥ prathitam

drutavilambitamāha nabhau bharau

minuśaraviratirnau myau puṭo 'yam

pramuditavadanā bhavennau ca rau

nayasahitau nyau kusumavacitrā

rasairjasajasā jaloddhatagatiḥ

caturjagaṇaṃ vada mauktikadāma

bhujaṅgaprayātaṃ bhavedyaiścatubhiḥ

raiścaturbhiryutā sragviṇī sammatā

bhuvi bhavennabhajaraiḥ priyaṃvadā

tyau tyau maṇimālā cchinnā guhavaktraiḥ

dhīrairabhāṇi lalitā tabhaujarau

pramitākṣarā sajasasairuditā

nanabharasahitā mahitojjvalā

pañcāśvaiśchinnā vaiśyadevī mamau yau

abdhyaṣṭābhirjaladharamālā mbhau smau

iha navamālikā najabhayaiḥ syāt

svaraśaraviratirnanau rau prabhā

bhavati najāvatha mālatī jarau

jabhau jarau vadati pañcāmaram

abhinavatāmarasaṃ najajādyaḥ

turagarasayatirnau tatau gaḥ kṣamā

mnau jrau gastridaśayatiḥ praharṣiṇīam

caturgrahairatirucirā jabhasjagāḥ

vedai randhrairmtau yasagā mattamayūram

( upasthitamidaṃ jsau tsau sagurukaṃ cet )

sajasā jagau bhavati mañjubhāṣiṇī

nanatatagurubhiścandrikāśvartubhiḥ

mtau nsau gāvakṣagrahaviratisambādhā

nanarasalaghugaiḥ svarairaparājitā

nanabhanalaghugaiḥ praharaṇakalitā

uktā vasantatilakā tabhajā jagau gaḥ

siṃhonnateyamuditā munikāśyapena

uddharṣiṇīyamuditā munisaitavena

induvadanā bhajasanaiḥ saguruyugmaiḥ

dviḥsaptacchidalolā msau mbhau gau caraṇe cet

dvihatahayalaghuratha giti śaśikalā

sragiti bhavati rasanavakayatiriyam

vasuhayayatiriha maṇiguṇanikaraḥ

nanamayayayuteyaṃ mālinī bhogilokaiḥ

bhavati najau bhajau rasahitau prabhadrakam

sajanā nayau śaradaśayatiriyamelā

mrau myau yāntau bhavetāṃ saptāṣṭabhiścandralekhā

bhratrinagaiḥ svarātkhamṛṣabhagajavilasitam

najabhajaraiḥ sadā bhavati vāṇinī gayuktaiḥ

rasai rudraiśchinnā yamanasabhalā gaḥ śikhariṇī

jasau jasayalā vasugrahayatiśca pṛthvī guruḥ

diṅmuni vaṃśapatrapatitaṃ bharanabhanalagaiḥ

rasayugahayairnsau mrau slau gau yadā hariṇī tadā

mandākrāntā jaladhiṣaḍagairmbhaunatau tād guru cet

hayadaśabhirnajau bhajajalā guru narkuṭakam

muniguhakārṃavaiḥ kṛtayati vada kokilakam

syād bhūtartvaśvaiḥ kusumitalatāvellitā mtau nayau yau

sūryāśvairmasajastatāḥ saguravaḥ śārdūlavikrīḍitam

jñeyā saptāśvaṣaḍbhrmarabhanayayutā bhlo gaḥ suvadanā

trī rajau galau bhavedihedṛśena lakṣaṇena vṛttanāma

mrabhnairyānāṃ trayeṇa trimuniyatiyutā sragdharā kīrtiteyam

bhrau naranā ranāvatha gururdigarkaviramaṃ hi bhadrakamiti

yadiha najau bhajau bhjabhalagāstadaśvalalitaṃ harārkayatimam

matākrīḍā mau tnau nau nalgiti bhavati vasuśaradaśayatiyutā

bhūtamuninairyatiriha bhatanāḥ sbhau bhanayāśca yadi bhavati tanvī

krauñjapadā bhamau smau nananā ngāviṣaśaravasumuniviratiriha bhavet

vasvīśāśvacchedopetaṃ mamatanayuganarasalagairbhujaṅgavijṛmbhitam

mo nāḥ ṣaṭ sagagiti yadi navarasarasaśarayatiyutamapavāhākhyam

yadi ha nayugalaṃ tataḥ saptarephā stadā caṇḍavṛṣṭiprapāto bhaveddaṇḍakaḥ

praticaraṇavivṛddharephāḥ syurṇārṇavavyālajīmūtalīlākaroddāmaśaṅkhādayaḥ

pracitakasamabhidho dhīradhībhiḥ smṛtodaṇḍako nadvayāduttaraiḥ saptabhiryaiḥ