Viṣṇusmṛti · Chapter 86
vṛṣo hi bhagavān dharmaś catuṣpādaḥ prakīrtitaḥ
vṛṇomi tam ahaṃ bhaktyā sa me rakṣatu sarvataḥ //
etaṃ yuvānaṃ patiṃ vo dadāmy anena krīḍantīś carata priyeṇa
mā hāsmahi prajayā mā tanūbhir mā radhāma dviṣate soma rājan //
vṛṣaṃ vatsatarīyuktam aiśānyāṃ kārayed diśi
hotur vastrayugaṃ dadyāt suvarṇaṃ kāṃsyam eva ca //
ayaskārasya dātavyaṃ vetanaṃ manasepsitam
bhojanaṃ bahusarpiṣkaṃ brāhmaṇāṃś cātra bhojayet //
utsṛṣṭo vṛṣabho yasmin pibaty atha jalāśaye
jalāśayaṃ tat sakalaṃ pitṝṃs tasyopatisṭhati //
śṛṅgeṇollikhate bhūmiṃ yatra kvacana darpitaḥ
pitṝṇām annapānaṃ tat prabhūtam upatiṣṭhati //
Original text: Viṣṇusmṛti · Edition: V. Krishnamacharya Viṣṇusmṛti with the commentary of Keśavavaijayantī of Nandapaṇḍita Madras The Adyar Library and Research Centre 2 The Adyar Library Series 93,1-2 · Data entry I. Shima · GRETIL (Göttingen) · CC BY-NC-SA 4.0