વિષ્ણુસ્મૃતિ · અધ્યાય 86

વૃષો હિ ભગવાન્ ધર્મશ્ ચતુષ્પાદઃ પ્રકીર્તિતઃ
વૃણોમિ તમ્ અહં ભક્ત્યા સ મે રક્ષતુ સર્વતઃ ॥

એતં યુવાનં પતિં વો દદામ્ય્ અનેન ક્રીડન્તીશ્ ચરત પ્રિયેણ
મા હાસ્મહિ પ્રજયા મા તનૂભિર્ મા રધામ દ્વિષતે સોમ રાજન્ ॥

વૃષં વત્સતરીયુક્તમ્ ઐશાન્યાં કારયેદ્ દિશિ
હોતુર્ વસ્ત્રયુગં દદ્યાત્ સુવર્ણં કાંસ્યમ્ એવ ચ ॥

અયસ્કારસ્ય દાતવ્યં વેતનં મનસેપ્સિતમ્
ભોજનં બહુસર્પિષ્કં બ્રાહ્મણાંશ્ ચાત્ર ભોજયેત્ ॥

ઉત્સૃષ્ટો વૃષભો યસ્મિન્ પિબત્ય્ અથ જલાશયે
જલાશયં તત્ સકલં પિતૄંસ્ તસ્યોપતિસ્ઠતિ ॥

શૃઙ્ગેણોલ્લિખતે ભૂમિં યત્ર ક્વચન દર્પિતઃ
પિતૄણામ્ અન્નપાનં તત્ પ્રભૂતમ્ ઉપતિષ્ઠતિ ॥