Scripture Library

Viṣṇusmṛti · Chapter 59

59.25

devatātithibhṛtyānāṃ pitṝṇām ātmanaś ca yaḥ
na nirvapati pañcānām ucchvasan na sa jīvati //

59.26

brahmacārī yatir bhikṣur jīvanty ete gṛhāśramāt
tasmād abhyāgatān etān gṛhastho nāvamānayet //

59.27

gṛhastha eva yajate gṛhasthas tapyate tapaḥ
pradadāti gṛhasthaś ca tasmāc chreṣṭho gṛhāśramī //

59.28

ṛṣayaḥ pitaro devā bhūtāny atithayas tathā
āśāsate kuḍumbibhyas tasmāc chreṣṭho gṛhāśramī //

59.29

trivargasevāṃ satatānnadānaṃ surārcanaṃ brāhmaṇapūjanaṃ ca
svādhyāyasevāṃ pitṛtarpaṇaṃ ca kṛtvā gṛhī śakrapadaṃ prayāti //

Original text: Viṣṇusmṛti · Edition: V. Krishnamacharya Viṣṇusmṛti with the commentary of Keśavavaijayantī of Nandapaṇḍita Madras The Adyar Library and Research Centre 2 The Adyar Library Series 93,1-2 · Data entry I. Shima · GRETIL (Göttingen) · CC BY-NC-SA 4.0