Scripture Library
Viṣṇusmṛti · Chapter 58
58.9
kramāgataṃ prītidāyaṃ prāptaṃ ca saha bhāryayā
aviśeṣeṇa sarveṣāṃ dhanaṃ śuklam udāhṛtam //
58.10
utkocaśulkasaṃprāptam avikreyasya vikrayaiḥ
kṛtopakārād āptaṃ ca śabalaṃ samudāhṛtam //
58.11
pārśvikadyūtacauryāpta pratirūpakasāhasaiḥ
vyājenopārjitaṃ yac ca tat kṛṣṇaṃ samudāhṛtam //
58.12
yathāvidhena dravyeṇa yat kiṃcit kurute naraḥ
tathāvidham avāpnoti sa phalaṃ pretya ceha ca //
Original text: Viṣṇusmṛti · Edition: V. Krishnamacharya Viṣṇusmṛti with the commentary of Keśavavaijayantī of Nandapaṇḍita Madras The Adyar Library and Research Centre 2 The Adyar Library Series 93,1-2 · Data entry I. Shima · GRETIL (Göttingen) · CC BY-NC-SA 4.0