विष्णुस्मृति · अध्याय 58

क्रमागतं प्रीतिदायं प्राप्तं च सह भार्यया
अविशेषेण सर्वेषां धनं शुक्लम् उदाहृतम् ॥

उत्कोचशुल्कसंप्राप्तम् अविक्रेयस्य विक्रयैः
कृतोपकाराद् आप्तं च शबलं समुदाहृतम् ॥

पार्श्विकद्यूतचौर्याप्त प्रतिरूपकसाहसैः
व्याजेनोपार्जितं यच् च तत् कृष्णं समुदाहृतम् ॥

यथाविधेन द्रव्येण यत् किंचित् कुरुते नरः
तथाविधम् अवाप्नोति स फलं प्रेत्य चेह च ॥