Vinayasūtra · Chapter 13

// nāprāsiddhikasya mūlatvaṃ /

/ arūḍhir avasitapravāraṇoktau pravāraṇāsthāpanasya /

/ tathā glānakartṛkatāyāṃ /

/ dūtenāpi /

/ glānagatāyāñ ca /

/ [57b6] naitat pratīccheyuḥ /

/ āgamaya tvam āyuṣmaṃ glānas tvam aprayojyama ity āyusmaṃ bhūteti glāno sāv ananuyojyā iti prativadeyuḥ /

/ anavagatasvarūpatāyāṃ kṛtasya kartur vā codanasya /

/ śiṣṭe pi nākāle pravarteta /

/ nānupasthāsya smṛtisaṃprajanye /

/ nānekānte /

/ nākāritāvakāśe /

/ tatvaṃ pravāraṇasya /

/ asmṛtau smāraṇaṃ [58a1] /

// akaraṇebhyaḥ vacanīyatām asya kuryāt* /

/ savacanīyaṃ tv āyuṣman karomi na tvaṃ yo smādāvāsādanavalokya prakramitavyam asti me āyuṣmati praṇihitaṃ vacanāyeti /

/ āgacchaty eva damanāthamana codyatāṃ /

/ ālapanāder asy anuvinivartanam* /

/ tathāpi poṣadhasthāpanaṃ /

/ tato pi pravāraṇāyāḥ /

/ karaṇam asyatra sthāpakaiḥ sthāpitasya tena [58a2] sārdham upasāraṇaṃ /

/ kṛtatve vakāśasyāmṛdutvaṃ cet sakīlakaraṇaṃ /

/ vakṣyāmy atrāmutra vā vase mutra vā vāstuni yatra ceṣṭam ity āropya cāmattiṃ* darśayitvāparādham utsṛjanena /

/ śīladṛṣṭyā cārājīva vipatyā sarvasyāsya codanādeḥ kriyāyāṃ ruḍhiḥ samūlakaṃ /

/ na durdūlena kuryāt* /

/ akaraṇam atra vastunaḥ satyatvaṃ /

/ kriyānimittānāṃ parasaṃlāpa[58a3]sya sānuśrāvaṇasyeti trividhaṃ śrutaṃ /

/ amūlatvam asraddhitasya /

/ kāmo nekatve jñātuś codanādau /

/ nāpravāraṇe tatsthāvanam* /

/ nāpoṣadhe tasya na kṛtau kṛtatve vā strītve sthāpakasyai[ka]tarasya puṃstve sthāpitatvaṃ sthāpitatā /

/ na naṣṭaprakṛtinā /

/ nāśīlaikyena /

/ nānayoḥ /