Vinayasūtra · Chapter 12

/ pārivāsikamānāsyacāribhyām abhivādanavandana-pratyutthānāṃjalisāmīcīkarmaṇāṃ prakṛtisthād bhikṣor asvīkaraṇaṃ /

/ yasyābhyāmakaraṇam itarair api tatra tadgatasya /

/ yad aparihāṇikāto nyathānena sārddham acaṃkra[57a3]maṇam /

/ nīcatarāsanakatvād aniṣādaḥ /

/ paścācchramaṇātmakatātaṣkulānupasaṃkramaṇaṃ /

/ akalpanamekachadane śayyāyāḥ /

/ pravrājanopasaṃpādananiḥśrayadānaśramaṇoddeśopasthāpanānām akaraṇaṃ /

/ prajñaptivācanayoś cāpratīṣṭaḥ /

/ karmakārakabhikṣuṇyavavādakasaṃghavaiśvāsikasammateḥ /

/ avyāparaṇa prāksammatenāpi /

/ anavava[57a4]danañ ca bhikṣuṇīnām* /

/ anuddeśaḥ poṣadhe prātimokṣasya saty anyatroddeṣṭari /

/ acodanaṃ vipattyā bhikṣoḥ /

/ anapasāritasya saṃghāt* /

/ akaraṇaṃ savacanīyatāsakīlatvayoḥ /

/ asthāpanam avavādapoṣadhapravāraṇājñaptivācanānāṃ /

/ asaṃprayogo nena /

/ varjanaṃ kṛtadaṇḍanimittasya /

/ anyasya cāparādhasya /

/ nāparādhyatā sabrahmacāriṣu /

/ [57a5] vratasya niḥsāraḥ pravartito bhavatīti manasikaraṇaṃ /

/ kālyam utthāya dvāramokṣo dīpasthālakoddharaṇavihārasekasaṃmārgasukumārigomayakārṣyānupradānāni /

/ dhāvanaṃ prasrāvoccārakuṭyāḥ /

/ poccana-mṛtakālānurūpapānīyopasthāpanam* /

/ praṇāḍikāmukhānāṃ dhāvanam* /

/ āsanaṃ prajñapanam* /

/ kālaṃ jñātvā dhūpatatkaṭacchukayor upasthapanama /

/ [57a6] pratibalatā vecchāsturguṇāsaṃkīrtaṇaṃ /

/ na ced bhāṣaṇakādhyeṣaṇaṃ /

/ upanvāhṛte gaṇḍīdānam* /

/ dharmaś ced bhikṣūṇāṃ vījanam* /

/ antyatvam asya sarvopasaṃpannānām /

/ kṛte bhaktakṛtye śayanāsanasya channe gopanam* /

/ pātrādhiṣṭhānachoraṇaṃ* /

/ kālaṃ jñātvā stūpānāṃ saṃmārjanam* /

/ sukumārigomayakārṣyanupradānaṃ /

/ sāmagrīvelāyāṃ pra[57b1]jñapanādyāguṇagatāt* /

/ pratibalatā ced divasārocanam* /

/ na ced anyasya bhikṣor adhyeṣaṇaṃ /

/ pādaśocanaṃ bhikṣūṇāṃ caikālikaṃ kālānurūpeṇāmbunā /

/ mrakṣaṇañ cānicchāyāṃ snehopasaṃhāraḥ /

/ vihāre 'sya pratyante rhatvaṃ /

/ arhatvaṃ sarvatra lābhe /

/ pratijāgriyāt kuśalapakṣe /

/ tadvad atra tatprabhāvaiṣīyaśikṣādattakau /

/ asaṃghe ca /

/ [57b3] paricchinneṣu ca tadāśramapadopagebhyaḥ /

/ na bahutāṃ pariharet* /

/ sa sthaviraprātimokṣatāyai prayateta /

/ na yatryānye triḥprabhṛtayaḥ sarvathā tadākhyacaraṇās tatra taccaret* /

/ nānyatra prathamāvaraṇeṇānudgamayenāṃ /

/ varttsyat vṛttam ārocayetāṃ /

/ saṃnipāte saṃghasya /

/ pratyahaṃ na cec ciraṃ caritavyatvaṃ /

/ atra tricaturaiḥ /

/ naivānenārthenāvaspaṇḍayet* /

/ [57b4] kalahakārakāgamanañ ca śrutvā bhayañ cedataḥ pratini[ḥ]sṛjetāṃ saṃghasannidhau pudgale vā /

/ apagatau bhīter ādānaṃ tatraivaṃ /

/ chedas tadahorātrasya prakṛtisthena sārdham ekachadane parivāsikamānāsyacāriṇoḥ śayyāyāṃ bahi[ḥ]sīmni ca /

/ anārocane ca /

/ nāsannidhau tatsīmni śrāvyāṇām asyotthānaṃ nirdoṣaṃ tadaharā[57b5]gatau sīmāntare gamanam* /

/ na parivāsikena sārdham ekachadane pārivāsikaḥ śayīt* /

/ na tīrthyupanivāsasthasya tena sārdham atra doṣaḥ //