Vinayasūtra · Chapter 10

/ nāpratikṛtājñapanajaṣkarma pratyanubhavet /

/ utsṛjya poṣadhaṃ pravāraṇāñ ca /

/ na sīmāntarasthasya kasmiṃś cid aṅgatvam /

/ dhvaṃsas tadgatau sāhya gatasya /

/ ubhayasthatvam ekasminn e[55a4]katra pāde parasmin paratra /

/ sarvasminn avaṣṭambhini sthitasyāvaṣṭabdhe /

/ rūḍhir evam anekatropagateḥ /

/ arhatvam anekaśayanāsanagrāhe /

/ yatheṣṭam asya vastavyatā /

/ na vyagrakāritvaṃ jinasya /

/ na pūrakatvam /

/ nākarmaṇā tatkaraṇīyasyotthānam /

/ kṛtatvaṃ yadbhūyas kṛtatve vākyasyānuttarasya /

/ nākīrttitve nimittānāṃ bandhe /

/ pārivāsike [55a5] nāntasyopasthānasaṃvṛteḥ /

/ unmattakena coddeśasya /

/ jñaptivad bhedānuṣṭhānam /

/ anaṅgam atra bhinnavyaṃjanatvam /

/ na hāsyabhāvena kasyacit sthūlam arūḍhibuddhyā bhedotkṣepayoḥ /

/ duṣkṛtam asaṃghabhūtatve /

/ nānyeṣāṃ nānāsaṃvāsikebhyo barhāṇāṃ pūraṇe gaṇena jñaptivācanayoḥ /

/ nāsaṃpannatve 'rha[ḥ] svasaṃghena pratyanubhavasya /

/ saṃpannatvaṃ [55a6] jñaptiśrutāv asya nāvidhir bhavyarūpe pratinidhinā dūtena pravrājanam /

/ uttarañ copasaṃpādanāt /

/ nāpratīṣṭo dattatvam /

/ dhvaṃso 'tra yācanasya /

/ vidhitvaṃ mevakajñapanapūrvakatve 'sya /

/ utkṣepe 'py etat /

/ avadhānaṃ pareṇāsamanvāhārād yukto tantraḥ /

/ nārthacchedānā, kramavyatyād arūḍhiḥ /

/ akaraṇīyatvaṃ bhreṣasya /

/ na vyañjanāntara[55b1]saṃśrayāt /

/ na bhikṣubhikṣuṇītvayor anyakarmavastupratijñapite codakena kalpayati sāṃmukhyaṃ praṇidhikaraṇam /

/ pratītimātreṇa sannipātādāne /

/ anaṅgam adarśane vyāghātitvāt sattvasya pratijñānam /

/ avakāśāṃ karaṇe cāyogāt /

/ saṃpatyāsvayam anutthāne codakasyotthāpanam /

/ [ā]kroṣaroṣakaparibhāṣakatāmalābhāvā[55b2]sābhyāṃ saṃghasya cetakatvam /

/ rājakulayuktakulajñātipudgalapratisaraṇatām apratisartṛtāṃ saṃghasyābibhrataḥ /

/ akurvāṇasyāsyāgārikatīrthikadhvajadhāraṇatīrthyasevānācāracaraṇānyaśikṣaṇañ ca bhikṣuśikṣāyām utkacaprakacasya saṃghe roma pātayato niḥsaraṇaṃ pravarttayataḥ samīcīm upadarśayato viramato nimittād avasāraṇaṃ yācite /

/ [55b3] karmadānabarhaṇopasaṃpādanapratiprasrambhannonmajjanañ ca /

/ kalahakārakatam jayeyuḥ karmaṇā /

/ nigarhaṇam abhīkṣṇasaṃghāvaśeṣāpattikasyāpratikṛtya /

/ kuladūṣakasya pravāsanam /

/ adānākaraṇayoś ca tadarthaṃ saṃnipātāvakāśayoḥ /

/ udbhāvane ca tadadṛṣṭeḥ /

/ pratisaṃharaṇamavam paṇḍitāgārikasya /

/ tatkṣama[55b4]ṇakam atra karmaṇaḥ sthāne 'vasāraṇaṃ prati pratītāyām[ā]pattāvapratikṛtāyām apratikāryāyāṃ saṃvareṇādṛṣṭim udbhāvayantam anicchantaṃ pratikṛtim anuṣṭhātum anutsṛjantaṃ ca pāpikāṃ dṛṣṭim utkṣipeyuḥ /

/ ihaivainām āpattiṃ pratikurvīthā ayam eva tv āsaṃghaḥ prasrambhayiṣyati ity evaṃ brūyyuḥ /

/ nāpattiṃ praticchādayet /

/ nāmnā 'ntataḥ [55b5] pravedyatvam /

/ yathākathaṃcit duṣkṛtasya /

/ prakṛtisthe /

/ ananyadṛṣṭau sopasaṃpadi /

/ tulyavyaṃjane /

/ ataivaitat sottaram /

/ kṛtatvam asyaidaṃdharmake /

/ sīmāntarasthe ca /

/ saṃghe sarvatrājñāpanajānām /

/ sannihite tatrāsrame pratideśanīyasya garhyam āyuṣmantaḥ sthānam āpanno sātmyaṃ pratideśanīyanta dharmaṃ pratide[śa]yāmi iti /

/ naitan mantravat /

/ [55b6] saṃvarakṛter ato vyutthānaṃ mānasītaḥ /

/ anya tasmai tado deśanāt /

/ ekatra /

/ ananyadṛṣṭo tatra /

/ asamāvanye nikāyataḥ /

/ abhāve āpattitaḥ /

/ niḥsargavīcanapūrvakānaiḥkātaḥ /

/ saṃghe sthūlāt sarvatra /

/ paṃcakādau saśeṣāgatād guruṇaḥ /

/ aśeṣāgatād anavacchinne bhūyasi /

/ liṅghorasmāc catuṣkādau /

/ kṛta[56a1] / /vadante 'trodyuktasyāsaṃpannaprayatve karma /

/ duṣkāravattvamūḍhakṛtasya pratyāpattau saṃjñāyamānasya tena /

/ nāmagotropasaṃhitam āpattitvāt kīrttanam /

/ iyatkālapraticchannatayā vā saṃghāvaśeṣāyām /

/ āvarhaṇam ato vyutthānakṛta /

/ caritamānāsyasya /

/ ṣaḍ aham ādāya saṃghāt /

/ arddhamāsaṃ bhikṣuṇyāḥ /

/ gurudharmā[56a2]tikrame 'py asya caritatvam /

/ asati praticchādadoṣe tad rūḍhiḥ /

/ parivāena tadapahatiḥ /

/ tāvantaṃ kālam ād[ā]ya saṃghāt /

/ kriyamāntāyām anayos tatsaṃghāvaśeṣāpadane dhvaṃsaḥ kṛtādānayoḥ /

/ tasmān mūlopakramatvaṃ dānam /

/ nirvāhya tatprastutam /

/ tasmād arūḍhasyāsya pṛthak tadānīm utthāpyatā prathamaṃ ca /

/ pratikāryaṃ tadāntaram /

/ tasmāt tādarthasyā[56a3]pi saṃśrayatvam /

/ avarodhyatā cātiriktasya tatpraticchādakālasya /

/ karmaṇā nyoddānam /

/ āvarhaṇāñ ca /

/ tarjanaṃ cātra jñaptiprathamavācanāntarāle /

/ nipatitasya tṛṇaprastārakeṇa /

/ samudrejanañ ca /

/ kṛtatotkīrttanāntaram /

/ niṣkāśanaṃ duḥśīlasya /

/ saṃghasyātra pragamaḥ /

/ nāsāvenadavyupekṣeta /

/ [56a4] avasāryatvaṃ nāśitasya /

/ nāsāṃ manye praṇidhātṝṇām avasāraṇasya praṇihitau rūḍhiḥ /

/ avastavyatā dūṣitasthāne pravāsitasya /

/ sarvatrotkṣiptake saṃbāsyatvāsaṃbhogyatve /

/ saṃjñayātra vyavasthānam /

/ adharmapakṣasyaitibhinnatāyām itareṇa /

/ nānyasya /

/ nānyatraita praṇihite /

/ apāśrayeṇāsya vastavyatā sapremakasya /

/ vikṛteḥ kriyamāṇapraṇidhinā dhvaste[56a5]na ca niṣkāsya mānena bhajane bhāṇḍasya choraṇam /

/ valāniṣkāśaḥ /

/ avalambanasya chodanam /

/ apatanadharmaṇā tatrotpāṭanam /

/ saṃghena tasya pratisaṃskaraṇam /

/ saṃpradāsya /

/ asaṃpattau vaihārāt /

/ na kalahakārakaṃ niṣkāsyamānan vārayet /

/ anivṛttau kaler upaśāntyai prayatnād utkṣepaḥ /

/ viniścayagate vyupaśamanena /

/ niḥśrite niḥśrayaḥ praya[56a6]tet /

/ nimittasyāpi kalerupasaṃhāriṇotkṣepyatā /

/ saṃsṛṣṭavihāriṇam api bhikṣuṇībhir utkṣipeyuḥ /

/ avandanārhasaṃvṛtim atrotkṣiptasya bhikṣuṇyāṣ kuryuḥ /

/ udbhavo 'nyasya praṇidhiḥ nimitte tadarthābhisandhināny aprakṛtau /

/ arūḍhir anyathātvaṃ paratra /

/ anutthānam utkṣepe /

/ sthūlaṃ jñātamahāpuṇyasūtravinayamātṛkādharabahuśrutapakṣam anivārāṇāṃ [56b1] nirdoṣanāgārikabhikṣvādipañcakāvaspaṇḍane 'pi pratisaṃharaṇam /

/ nākrośyenāvaspaṇḍanam /

/ anāśaṃkyaṃ svasādhāraṇyam /

/ anupasaṃpatkasyaiṣāṃ pravrajite kartavyatā /

/ na gṛhiṇi /

/ pātrasasvākhyātāraṃ prati bhikṣor abhūtena pārājaikena /

/ krośakaṃ paribhāṣakaṃ ca nikubjayeran /

/ vyavasthākaraṇataḥ /

/ prajñaptyā /

/ na nikubjitayā tasya [56b2] gṛhān gacchet /

/ nāsanaṃ paribhuñjīta /

/ na prajñaptān deyadharmaṃ /

/ na piṇḍapātaṃ pratigṛhṇītāt /

/ na dharmaṃ deśayet /

/ yat karma karaṇaṃ tadgatānāṃ nikubjitatvam /

/ anuttānam asyāsvapakṣakulaṃ pratyotkṣiptakāt /

/ tetanamasya kenacit /

/ kṣamitataty unmajjanaṃ jñapanena /

/ bhavaty utthānam anutpannapraticchādacittasyāntimātaḥ /

/ śikṣācaraṇena /

/ [56b3] tallabhāyāḥ saṃghataḥ /

/ karmaṇā dānam /

/ yāvaj jīva[m] /

/ śuddhir ekasya purato deśanena saṃghāvaśeṣato hrīmataḥ /

/ sūtradharasya vinayasya mātṛkāyāḥ /

/ jñātasya ca /

/ aśayatāpattivyutthānena daṇḍakarmataḥ /

/ nikāyato nāmātrāpatter nāma /

/ samutthānaṃ gotram /