Varaha Purana · Chapter 218

atha purāṇapaṭhanādiviṣayānukramaṇikādhyāyaḥ //
triḥsaptaṣaṭkṣitimite nṛpavikramasya kāle gate bhagavato haribodhanasya //
vīreśvareṇa saha mādhavabhadranāmnā kāśyāṃ varāhakathitaṃ likhitaṃ purāṇam

varāhasya purāṇasya vṛttāntānprabravīmyaham //
ādau sambandhakathanaṃ vṛttāntaścādikalpakaḥ

ādisṛṣṭistataḥ proktā caritaṃ durjanasya ca //
vṛttāntoddeśabhāgaśca śrāddhakalpastataḥ param

ādivṛttāntakathane saramākhyānameva ca //
mahātapopākhyānaṃ ca agnyutpattistataḥ param

aśvinorapi cotpatti gauryutpattistathaiva ca //
vināyakasya cotpattirnāgotpattistathaiva ca

skandotpattiśca bhānośca utpattiḥ samudāhṛtā //
kāmādīnāṃ tathotpattiḥ devyutpattistathaiva ca

dhanadasya tathotpattiḥ parāparavinirṇayaḥ //
dharmotpattistathotpattī rudrasya ca tataḥ smṛtā

somotpattirahasyaṃ ca kṣiteścāpi samāsataḥ //
uktaḥ prāgitihāsaśca vyādhopākhyānameva ca

tataḥ satyatapopākhyā matsyadvādaśikā tathā //
kūrmadvādaśikā cāpi varāhadvādaśī tathā

nṛsiṃhadvādaśī cāpi vāmanadvādaśī tathā //
bhārgavadvādaśī cāpi śrīrāmadvādaśī tathā

kṛṣṇadvādaśikā cāpi buddhadvādaśikā tathā //
kalki dvādaśikā cāpi padmanābhasya dvādaśī

tato vrataṃ dharaṇyāśca gītāgastyasya cottamā //
paśupālasya cākhyānaṃ bhartṛprāptivrataṃ tathā

śubhavrataṃ dhanyavrataṃ kāntivratamataḥ smṛtam //
saubhāgyavratamākhyātamavighnavratameva ca

śāntivrataṃ kāmavratamārogyavratameva ca //
putraprāptivrataṃ śauryavrataṃ vai sārvabhaumikam

purāṇastavanaṃ caiva nārāyaṇeśvareṇa ca //
rudragītā tataḥ puṃsāṃ prakṛteścāpi nirṇayaḥ

tato bhuvanakośasya varṇanaṃ samudāhṛtam //
jambūdvīpasya maryādāvarṇanaṃ parikārtitam

bhāratādisamuddeśaḥ sṛṣṭisambhāga eva ca //
nāradasya ca saṃvādo mahiṣeṇa prakīrttitaḥ

śaktimāhātmyakathanaṃ mahiṣāsuraghātanam //
rudramāhātmyakathanaṃ parvādhyāyastataḥ param

śvetopākhyānamatroktaṃ tiladhenuvidhistataḥ //
jaladhenorasadhenorguḍadhenorvidhiḥ param

tataśca śarkkarādhenormadhudhenostataḥ param //
dadhidhenośca lavaṇadhenoḥ kārpāsadhenukā

dhānyadhenuśca bhagavacchāstralakṣaṇameva ca //
viṣṇostotraṃ tato nānā praśnāḥ proktā hariṃ prati

tato bhāgavatānāṃ ca lakṣaṇaṃ parikīrttitam //
lakṣaṇaṃ sukhaduḥkhānāṃ dvātriṃśadaparādhakāḥ

nānāmantrāstataḥ proktā devopakaraṇe vidhiḥ //
bhojyābhojyasya kathanaṃ saṃdhyopasthānakāraṇam

viyonigarbhamokṣaśca kokāmukhapraśaṃsanam //
bhagavacchāstrakathane māhātmyaṃ puṣpagandhayoḥ

rūpakāraṇamatroktaṃ māyācakraṃ tataḥ param //
kubjāmrakasya māhātmyaṃ varṇadīkṣā tataḥ param

kaṃkṛtāñjanadarpāṇāṃ mantrāḥ proktāstataḥ param //
rājānnabhakṣaṇe prāyaścittaṃ proktaṃ tataḥ param

dantakāṣṭhādyakaraṇe prāyaścittaṃ tataḥ param //
śavādisparśane mantra tyāge coktaṃ tataḥ param

nīlavastraparidhāne krodhayuktasya cārcane //
raktavastraparidhāne andhakāre prapūjane

kṛṣṇavastraparidhāne dhautavastrasya dhāraṇe //
kroḍādimāṃsabhakṣe ca prāyaścittaṃ prakīrttitam

dīpocchiṣṭasya tailasya karalepena pūjane//
śmaśānagamane spṛṣṭapūjane caiva śodhane

piṇyākabhakṣaṇe caiva upānadgūḍhapādake //
bhagavacchāstravihitākaraṇe śodhane tataḥ

sūkarakṣetramahimā tato jambūkagṛdhrayoḥ //
khañjarīṭasya cākhyānaṃ punaḥ kokāmukhasya ca

badarīṣaṇḍamāhātmyaṃ guhyadharmaprakīrtanam //
mandāraguhyamahimā śālagrāmaprasaṃśanam

someśvarasya mahimā muktikṣetrasya cāpi hi//
triveṇyāścaiva māhātmyaṃ māhātmyaṃ gaṇḍakībhavam /३४//
cakratīrthasya mahimā harikṣetrasamudbhavaḥ //
devahradasya cākhyānaṃ rurukṣetrasya cāpi hi

goniṣkramasya mahimā dvāravatyāstataḥ param //
tatratya tīrthamahimā lauhārgalamataḥ param

mathurātīrthamāhātmyaṃ prādurbhāvastathaiva ca //
yamunātīrthamāhātmyamakrūrasya ca tīrthakam

devāraṇyasya māhātmyaṃ cakratīrthasya cottamam //
kapilasyāpi mahimā tathā govardhanasya ca

tathā ākhyāyikāyuktaṃ viśrānteśca tataḥ param //
gokarṇasya ca māhātmyaṃ sarasvatyāstathaiva ca

yamunodbhedamahimā kāliñjarasamudbhavāḥ//
gaṃgodbhedasya mahimā śāpaḥ syambasya vai tathā

madhukapratimāyāśca sthāpanaṃ saṃprakīrtitam //
śailārccā sthāpanaṃ cāpi mṛnmayārccāsthitistathā

tāmrārcāsthāpanaṃ cāpi kāṃsyārcāsthāpanaṃ tathā //
raupyarcāsthāpanaṃ cātha sauvarṇapratimāsthitiḥ

śrāddhotpatti stataḥ proktaṃ piṇḍaṃ saṃkalpa eva ca //
piṇḍotpattistataḥ proktā pitṛyajñavinirṇayaḥ

madhuparkkaphalaṃ dāne saṃsāracakravarṇanam //
duṣkṛtyakaraṇaṃ caiva sukhavarṇanameva ca

kṛtāntadūtakathanaṃ yātanārūpameva ca //
varṇanaṃ narakāṇāṃ ca kiṃkarāṇāṃ ca varṇanam

tathā karmavipākaṃ ca yādṛśaṃ karma tādṛśam //
pāpakṛtyasya kathanaṃ dūtapreṣaṇakarma ca

śubhāśubhasya kathanaṃ śubhakarmaphalodayam //
lobhanaṃ puruṣasyāpi nimerākhyānamadbhutam

pāpanāśakathāṃ divyāṃ gokarṇeśasamudbhavam//
nandinā varadānaṃ ca jalaśaileśayostathā

śṛṃgeśvarasya mahimā caivaṃ vṛttāntasaṃgrahaḥ //
etacchrutvāpnuyānmarttyo vārāhaśrutijaṃ phalam

ityanukramaṇikā nāma aṣṭādaśādhikadviśatatamo'dhyāyaḥ

samāptaṃ vārāhaṃ mahāpurāṇaṃ śubham //
yādṛśaṃ pustake dṛṣṭaṃ tādṛśaṃ likhitaṃ mayā //
yadi śuddhamaśuddhaṃ vā mama doṣo na vidyate