વૈશેષિકસૂત્ર (અન્ય આવૃત્તિ) · અધ્યાય 7.1

ઉક્તા ગુણાઃ

પૃથિવ્યાદિ રૂપરસગન્ધસ્પર્શા દ્રવ્યાનિત્યત્વાદનિત્યાશ્ચ

એતેન નિત્યેષુ નિત્યત્વમુક્તમ્

અપ્સુ તેજસિ વાયૌ ચ નિત્યા દ્રવ્યનિત્યવાત્

અનિત્યેષ્વનિત્યા દ્રવ્યાનિત્યત્વાત્

કારણગુણપૂર્વકાઃ પૃથિવ્યાં પાકજાઃ

એકદ્રવ્યત્વાત્

અણોર્મહતશ્ચોપલબ્ધ્યનુપલબ્ધી નિત્યે વ્યાખ્યાતે

કારણ બહુત્વાચ્ચ

અતો વિપરિતમણુ

અણુ મહદિતિ તસ્મિન્ વિશેષભાવાત્ વિશેષાભાવાચ્ચ

એકકાલત્વાત્

દૃષ્ટાન્તાચ્ચ

અણુત્વમહત્ત્વયોરણુત્વમહત્ત્વાભાવઃ કર્મગુણૈર્વ્યાખ્યાતઃ

કર્મભિઃ કર્માણિ ગુણૈશ્ચ ગુણા વ્યાખ્યાતાઃ

અણુત્વમહત્ત્વાભ્યાં કર્મગુણાશ્ચ વ્યાખ્યાતાઃ

એતેન દીર્ઘત્વ હ્રસ્વત્વે વ્યાખ્યાતે

અનિત્યે ઽનિત્યમ્

નિત્યે નિત્યમ્

નિત્યં પરિમણ્ડલમ્

અવિદ્યા ચ વિદ્યાલિઙ્ગમ્

વિભવાન્મહાનાકાશઃ તથા ચાત્મા

તદભાવાદણુ મનઃ

ગુણૈર્દિગ્વ્યાખ્યાતા

કારણેન કાલઃ