Vaikhānasamantrapraśna, 5-8 · Chapter 8.1.180

agnír dā dráviṇaṃ vīrá-peśā agnír ŕ̥ṣiṃ yás sahásrā sanóti
agnír diví havyám ā́ ta tanāgnér dhā́māni víbhr̥tā purutrā́

mā́ no márdhīr ā́ tū́ bhara

ghr̥táṃ ná pūtáṃ tanū́r arepā́ś śúci híraṇyam tát te rukmó ná rocata svadhāvaḥ

ubhé suścandra sarpíṣo dárvī śrīṇīṣa āsáni
utó na útpupūryā ukthéṣu śávásás páta íṣa(gg)ṃ stotŕ̥bhya ā́ bhara

vā́yo śatá(g)ṃ hárīṇāṃ yuvásva póṣyāṇām utá vā te sahasríṇo rátha ā́ yātu pā́jasā

prá yā́bhir yā́si dāśvā́(g)ṃsam ácchā niyúdbhir vāyav iṣṭáye duroṇé
ní no rayí(g)ṃ subhójasaṃ yuvehá ní vīrávad gávyam áśviyaṃ ca rā́dhaḥ

revátīr nas sadha-mā́da índre santu tuví-vājāḥ kṣumánto yā́bhir mádema

revā́(g)ṃ íd revátas stotā́ syā́t tvā́vato maghónaḥ préd u harivas śrutásya