Vaikhānasamantrapraśna, 5-8 · Chapter 8.1.179

váṣaṭ te viṣṇav āsá ā́ kr̥ṇomi tán me juṣasva śipi-viṣṭa havyám
várdhantu tvā suṣṭutáyo gíro me yūyáṃ pāta svastíbhis sádā naḥ

prá tát te adyá śipi-viṣṭa nā́māryáś śa(g)ṃsāmi vayúnāni vidvā́n
táṃ tvā gr̥ṇāmi tavásam átavīyān kṣáyantam asyá rájasaḥ parāké

kím ít te viṣṇo paricákṣyaṃ bhūt prá yád vavakṣé śipi-viṣṭó asmi
mā́ várpo asmád ápa gūha etád yád anyá-rūpas samithé babhū́tha

ágne dā́ daśúṣe rayíṃ vīrávantaṃ párīṇasaṃ śiśīhí nas sūnumátaḥ

dā́ no agne śatíno dā́s sahasríṇo duró ná vā́ja(gg)ṃ śrútyā ápā vr̥dhi
prā́cī dyā́vā-pr̥thivī́ bráhmaṇā kr̥dhi súvarṇá śukrám uṣáso ví didyutuḥ