Vaikhānasamantrapraśna, 5-8 · Chapter 8.1.178

stómāsas tvā vicāriṇi práti ṣṭobhanty aktúbhiḥ
prá yā́ vā́jaṃ ná héṣantaṃ perúm ásyasy arjuni

r̥dūdáreṇa sákhyā saceya yó mā ná ríṣyed dhary-aśva pītáḥ
ayáṃ yás sómo nyádhāyy asmé tásmā índraṃ pratíram emy áccha

ā́pānta-manyus tr̥pála-prabharmā dhúniś śímīvāñ chárumā(g)ṃ r̥jīṣī́
sómo víśvāny atasā́ vánāni nā́rvā́g índraṃ pratimā́nāni debhuḥ

prá suvānás sóma r̥ta-yúś ciketéndrāya bráhma jamádagnir árcann
vŕ̥ṣāyantā́si śávasas turásyā́ntár yaccha gr̥ṇaté dhartráṃ dŕ̥(g)ṃha

sa-bā́dhas te mádaṃ ca śuṣmayáṃ ca bráhma náro brahma-kŕ̥tas saparyan
arkó vā yát turáte sóma-cakṣās tátréd índro dadhate pr̥tsú[*926] turyā́m[*927]
[*926] Text: pr̥thsú
[*927] VMP divides this verse making the second line the first line of chapter 179. The numbering is adjusted so that the complete verse comes at the end of chapter 178.