Vaikhānasamantrapraśna, 5-8 · Chapter 8.1.149

ā́yātu devás sumánābhir ūtíbhir yamó havehá práyatābhir aktā́
ā́ sīdatā(g)ṃ suprayáte ha barhíṣy ū́rjāya jātyaí máma śatru-hátyai

yamé iva yátamāne yád aítaṃ prá vām bharan mā́nuṣā devayántaḥ
ā́ sīdata(gg)ṃ svám u lokáṃ vídāne svāsasthé bhavatam índave naḥ

yamā́ya sóma(g)ṃ sunuta yamā́ya juhutā havíḥ
yamá(g)ṃ ha yajñó gacchaty agní-dūto áraṃ-kr̥taḥ

yamā́ya ghr̥távad dhavír juhóta prá ca tiṣṭhata
só no devéṣv ā́ yamad dīrghám ā́yuḥ prá jīváse

yamā́ya mádhumattama(g)ṃ rā́jñe havyáṃ juhotana
idáṃ náma ŕ̥ṣibhyaḥ pūrvajébhyaḥ pū́rvebhyaḥ pathikŕ̥dbhyaḥ