Vaikhānasamantrapraśna, 5-8 · Chapter 8.1.148

ágne yáṃ yajñám adhvaráṃ viśvátaḥ paribhū́r ási
sá íd devéṣu gacchati

agnír hótā kaví-kratus satyáś citrá-śravastamaḥ
devó devébhir ā́g amat

agnír ŕ̥ṣiḥ pávamānaḥ pā́ñcajanyaḥ puróhitaḥ
tám īmahe mahā-gayám

ágne pávasva svápā asmé várcas suvī́ryam
dádhad rayíṃ máyi póṣam

agnír mūrdhā́ diváḥ kakút pátiḥ pr̥thivyā́ ayám
apā́(g)ṃ rétā́(g)ṃsi jinvati

úd buddhyasvāgne práti jāgr̥hy enam iṣṭā-pūrté sá(g)ṃsr̥jethā mayáṃ ca
púnaḥ kr̥ṇvá(gg)ṃs tvā pitáraṃ yúvānam anvā́tā́(g)ṃsīt tváyi tántum etám