Vaikhānasamantrapraśna, 5-8 · Chapter 8.1.150

yó 'sya kaúṣṭhya jágataḥ pā́rthivasyaíka idvaśī́
yamáṃ bhaṅgyaśravó gāya yó rā́jā anaparódhyaḥ

yamáṃ gā́ya bhaṅgyaśrávo yó rā́jā anaparódhyaḥ
yénāpó nadyó dhanvāni yéna dyaúḥ pr̥thivī́ dr̥ḍhā́

hiraṇya-kakṣyā́nth sudhúrān hiraṇyākṣā́n ayaś-śaphā́n
áśvān anáśyato dānaṃ yamó rājā abhitíṣṭhati

yamó dādhāra pr̥thivī́ṃ yamó víśvam idáṃ jágat
yamā́ya sárvam ít trasthe[*874] yát prāṇád vāyú-rakṣitám

yáthā páñca yáthā ṣáḍ yathā́ páñcadaśárṣayaḥ
yamáṃ yó vidyāth sá brūyād yathaíká ŕ̥ṣir vijā́nate
[*874] TA: trasthe; KS: tasthe; VMP: rasthe