Vaikhānasamantrapraśna, 5-8 · Chapter 6.20

úd uttamáṃ varuṇa pā́śam asmád ávādhámáṃ ví madhyamá(gg)ṃ śrathāya
áthā vayám āditya vraté távā́nāgaso áditaye syāma svā́hā

ayā́ś cāgné 'sy anabhíśastī́ś cāyā́taḥ
yajñáṃ vahatu sadā́ dhehi bheṣajá(gg)ṃ svā́hā

ā́pas sr̥jántu[*396] snigdhāni ciklītá vasa me gŕ̥hé
ní ca devī́ṃ mātáraṃ śríyaṃ vāsáya me kulé svā́hā

marútaḥ paramātmā́ páramā gatíḥ páraṃ bráhma páraṃ yógam
paramātmā́naṃ manye ajáraṃ yo 'gnir ahám ánnaṃ vāyáve svā́hā

marúto gaṇā́nāṃ prathamás saptádhānāṃ mūrdhā́ vāyo ányam ajárá(gg)ṃ śriyám
hótāraṃ vaí ráyan tvā́hur ágne havyáṃ marúdbhyas svā́hā

miśrá-vāsasaḥ kauberakā́ rakṣo-rājéna préṣitāḥ
grā́ma(g)ṃ sá-jānayo gacchántīcchánto paridā́kr̥tā́nt[*397] svā́hā

etā́n ghnataitā́n gr̥hṇītéty ayáṃ bráhmaṇas putráḥ
tā́n agníḥ páryasarat tā́n índras tā́n bŕ̥haspátiḥ
tā́n aháṃ veda brāhmaṇáḥ pramr̥śatáḥ kūṭa-dantā́n vikeśā́ṇ lambana-stanā́nth[*398] svā́hā

ī́śānas sárva-lokānā́ṃ try-ambakas sárva-vidyānā́m
ná dvitīyo bhavodbhavāya svā́hā

ī́śa ī́śitre bhū́r bhúvas súvar ī́śāya lokā́nām
bhīmā́ya vāmadevā́ya svā́hā
[*396] RVKh: sravantu
[*397] Text: 'paridā́kr̥tā́nth
[*398] ApMB: -stanā́nt