Vaikhānasamantrapraśna, 5-8 · Chapter 6.19

yamó dādhāra pr̥thivī́ṃ yamó dyā́m utá sū́ryaḥ[*394]
yamás sárva-mr̥tyus stenáḥ[*395] prāṇā́nāṃ vāyūnā́(g)ṃ svā́hā

námas te nírr̥taye ghána-tejāya tásmai vísr̥ja bándhanāt

yáma naya tvá(g)ṃ sávitā́ devá uttamā́n ánīke abhírócaya yāyinā́(g)ṃ svā́hā

vásavaḥ prathamó devátānā(g)ṃ so 'sya prajā́ṃ paśū́n pāhi

áto devébhyaḥ paśúbhir yó vaí vásavas svasty ástu svā́hā

sahasrākṣó vā́ ayám agníḥ pitaro devátānām

vásūn yátra vásavo bhūtā́nāṃ pā́layanti tásmā ánya-vasubhya svā́hā

yé te śatáṃ váruṇa yé sahásraṃ yajñíyāḥ pā́śā vítatāḥ púrutrā́
tébhyo na índras savitótá víṣṇur víśvedevā́ muñcantu marútas svastyā́ svā́hā
[*394] KS: sūryam
[*395] cf. VMP 8.1.151.6: te náḥ instead of stenáḥ