Vaikhānasamantrapraśna, 5-8 · Chapter 6.21

úd u tyáṃ jātá-vedasaṃ deváṃ vahanti ketávaḥ
dr̥śé víśvāya sū́rya(gg)ṃ svā́hā

citrán devā́nām úd agād ánīkaṃ cákṣur mitrásya váruṇasyāgnéḥ
ā́prā dyā́vā-pr̥thivī́ antárikṣa(g)ṃ sū́rya ātmā́ jágatas tasthúṣapaś[*399] ca svā́hā

mámāgne várco vihavéṣv astu vayán tvéndhānās tanúvaṃ puṣema
máhyaṃ namantām pradíśaś cátasras tváyā́dhyakṣeṇa pŕ̥tanā jayema svā́hā[*400]

ahám agner agníṃ gr̥hṇāmi mámāgne 'gnír mámāntárikṣam
mā́rgo 'hám asmín prámadān kāmáye túbhyaṃ mánasā prajā́-pátaye svā́hā

ágna ā́ yāhi vītáye gr̥ṇānó havyádātaye
ní hótā sathsi[*401] barhíṣi svā́hā
[*399] RV: tasthúṣaś
[*400] This text is an example of how the 1946 edition is more reliable for accents. In this instance it more accurately reflects the RV than the 1984 edition.
[*401] RV: satsi