Tarkatāṇḍava with Rāghavendratīrtha's Nyāyadīpa (with commentary) · Chapter 3

athādo 1 viśiṣṭeṣṭadevatānatirūpaṃ maṅgalamācarati - ananteti / satvādiṣu guṇatvaprasiddherduḥkhādīnāṃ guṇatvena paraiḥ
parigaṇanācca tadvyudāsāyānandajñānabaladyutiprabhutiśubhadharmalābhāya kalyaṇaguṇetyuktiḥ / tārkikarītyā guṇaguṇinorbhedabhramanirāsāya guṇaikarāśimityuktaḥ /"aṣṭāveveśvare guṇā"iti dhīnirāsāyānanteti /"doṣaikadṛkpurobhāgī"ityamare"hlādaikamayīṃ"
ityādikāvyaprakāśādau prayogadarśanātsaṃkhyārthakasyaivaikaśabdasya"pūrvakālaika"iti
pūrvanipāto na kevalārthasyeti tatvanarṇayaṭīkādyuktyā guṇaikarāśimityasya sādhutvaṃ
dhyeyam / uktarūpaguṇānāṃ mukhyarāśimiti vā bhedaśūnyarāśimiti vārthaḥ / guṇavaddoṣo nāśaṅkya ityāha - //aśeṣeti // cintāsantāpādidoṣahīnamityarthaḥ / nanu guṇaviśiṣṭasya māyāśabalatvātkathaṃ 1 doṣojjhitatvamityato nedaṃ māyāśabalamiti bhāvenoktaṃ aprameyaṃ - deśato 'paricchinnamiti / śabalaṃ tu paricchinnamityabhyupetatvāditi bhāvaḥ / tatra heturnityamiti - anivartyaṃ / śabalantu mithyātvānnivartyamityarthaḥ / evaṃ deśa ekālaguṇānantyarūpabrahmaśabdārthasyātroktyā rameśa eva brahmaśabdārtha iti sūcitam / ata eva mumukṣubhiḥ sevyaṃ; na tu mandopāsyamityarthaḥ / kiṃphalaṃ? anantasaukhyapradaṃ- avināśisukhapradamityarthaḥ / svārthe ṣyañ /atra nyāyacintāpare granthe brahmatantrādhyāyacatuṣṭayoktaguṇavaiśiṣṭyoktiḥ -
"pramāṇanyāyasacchikṣā kriyate tarkaśāstrataḥ /
mānanyāyaistu tatsiddhairmīmāṃsā meyaśodhanam"//
ityuktyā brahmattroktaprameyanirṇayopayuktapramāṇanyāyacintāparatvāttadviṣayādinaivāsya
viṣayādimatteti sūyanārthā / evaṃ ca nyāyapañcādhyāyānurodhena kusumāñjalau pañcaparicchedakṛtivadbrahmattrānurodhena paricchedacatuṣṭaye kāryepi pramāṇatritvadyotanāya paricchedatrayakṛtiriti

devatānatisamanantaraṃ bhāṣyakartṛnarthayate -- śrīśeti /
1 kathamaśeṣa.- a.
svamate jñaptau svatastvaniruktiḥ prāmāṇyavādaḥ pu-3
---- ---- --
śrīmadānandatīrthāryasvāminaḥ kamalāpateḥ /
prītaye kriyate vyāsayaditā tarkatāṇḍavam

svataḥpramāṇairāmnāyairādareṇādivarjitaiḥ /
ākhyātānantakalyāṇaguṇaṃ śrīramaṇaṃ bhaje