Śrīghanācārasaṃgraha · Chapter 3.6
6 uccaśayanamahāśayanaviratiśikṣāpadaṃ
śayane yatirāsīta jināṣṭāṃgulapādake |
[vinā] śalyena[maṃce vā] hemarūpyakṛte na tu
sāṃghike śayane dadyāt tat pratyāstaraṇaṃ yatiḥ |
vastrakambalayoriṣṭaṃ yat tridvayekapuṭaṃ kramāt
nyasya gartteṣu tatpādānatirekapramāṇakān |
prakṣipya pratipādeṣu ṭaṃkitvā kīlakeṣu vā
evaṃ vekṣuyavādīnāṃ rakṣārthaṃ maṃcake svapet |
yatirna laṃbayetpādāvadhvago dīrghapādake
alpaṃ ced dvādaśebhyo hi deyamekaṃ vihārakaṃ |
nirmuṣṭahastaṃ svalpatve bahutve tu viparyayāt
stokaṃ ced navakaḥ pīṭhe vṛddho maṃce[tadā] svapet |
svaptavyaṃ vṛkṣamūle ['pi] navenābhyavakāśake
antarvarṣāsu nopasthāpyo 'nyaḥ sabrahmacārikaḥ |
yatinā [sva] vihāre[tu] yathāvṛddhikayā yatiḥ
saṃskāraparibhogārthaṃ paripālanārthameva ca |
uddiśyate [yatibhyo vai] sāṃghikaṃ śayanāsanaṃ
hīnamadhyottamaṃ [sthāpyaṃ bhikṣubhyo] layanatrayaṃ |
vṛddhādyāgantukebhyastaduddiśeddaharakramāt
śayanāsanamatyuccaṃ pratiṣiddhaṃ yaterhi tat |
madauddhatyakaraṃ yasmād lokāvadhyānakāraṇaṃ
Original text: Śrīghanācārasaṃgraha · Edition: the reconstruction by Sanghasena Singh from Jayaraksita's Srighanacarasamgrahatika (see separate file) [cf. Sanghasena Singh: "On the restauration of the Śrighanācārasaṃgraha", in: Philosophy, Grammar and Indology, Essays in Honour of Professor Gustav Roth, ed. H.S. Prasad, Delhi 1992, pp. 283-301] · Data entry members of the Digital Sanskrit Buddhist Canon Input Project · GRETIL (Göttingen) · CC BY-NC-SA 4.0