શ્રીઘનાચારસંગ્રહ · અધ્યાય 3.6

6 ઉચ્ચશયનમહાશયનવિરતિશિક્ષાપદં
શયને યતિરાસીત જિનાષ્ટાંગુલપાદકે ।
[વિના] શલ્યેન[મંચે વા] હેમરૂપ્યકૃતે ન તુ

સાંઘિકે શયને દદ્યાત્ તત્ પ્રત્યાસ્તરણં યતિઃ ।
વસ્ત્રકમ્બલયોરિષ્ટં યત્ ત્રિદ્વયેકપુટં ક્રમાત્

ન્યસ્ય ગર્ત્તેષુ તત્પાદાનતિરેકપ્રમાણકાન્ ।
પ્રક્ષિપ્ય પ્રતિપાદેષુ ટંકિત્વા કીલકેષુ વા

એવં વેક્ષુયવાદીનાં રક્ષાર્થં મંચકે સ્વપેત્ ।
યતિર્ન લંબયેત્પાદાવધ્વગો દીર્ઘપાદકે

અલ્પં ચેદ્ દ્વાદશેભ્યો હિ દેયમેકં વિહારકં ।
નિર્મુષ્ટહસ્તં સ્વલ્પત્વે બહુત્વે તુ વિપર્યયાત્

સ્તોકં ચેદ્ નવકઃ પીઠે વૃદ્ધો મંચે[તદા] સ્વપેત્ ।
સ્વપ્તવ્યં વૃક્ષમૂલે [ઽપિ] નવેનાભ્યવકાશકે

અન્તર્વર્ષાસુ નોપસ્થાપ્યો ઽન્યઃ સબ્રહ્મચારિકઃ ।
યતિના [સ્વ] વિહારે[તુ] યથાવૃદ્ધિકયા યતિઃ

સંસ્કારપરિભોગાર્થં પરિપાલનાર્થમેવ ચ ।
ઉદ્દિશ્યતે [યતિભ્યો વૈ] સાંઘિકં શયનાસનં

હીનમધ્યોત્તમં [સ્થાપ્યં ભિક્ષુભ્યો] લયનત્રયં ।
વૃદ્ધાદ્યાગન્તુકેભ્યસ્તદુદ્દિશેદ્દહરક્રમાત્

શયનાસનમત્યુચ્ચં પ્રતિષિદ્ધં યતેર્હિ તત્ ।
મદૌદ્ધત્યકરં યસ્માદ્ લોકાવધ્યાનકારણં