śrīagastyakṛta śrīśivāṣṭakam · Chapter 1

adya me saphalaṃ janmaḥ cādya me saphalaṃ tapa: /
adya me saphalaṃ jñānam śaṃbho tvatpādadarśanāt

kṛtārtho'haṃ kṛtārtho'haṃ kṛtārtho'haṃ maheśvara /
adya te pādapadmasya darśanātbhaktavatsala

śivaśśaṃbhu: śivaśśaṃbhu: śivaśśaṃbhu: śivaśśiva: /
iti vyāharato nityam dinānyāyāntu yāntu me

śive bhaktiśśive bhaktiśśive bhaktirbhavebhave /
sadā bhūyāt sadā bhūyātsadā bhūyātsuniścalā

ājanma maraṇaṃ yasya mahādevānyadaivatam /
mā janiṣyata madvaṃśe jāto vā drāgvipadyatām

jātasya jāyamānasya garbhasthasyā'pi dehina: /
mā bhūnmama kule janmaḥ yasya śaṃbhurnadaivatam

vayaṃ dhanyā vayaṃ dhanyā vayaṃ dhanyā jagattraye /
ādidevo mahādevo yadasmatkuladaivatam

haraśśaṃbho mahādeva viśveśāmaravallabha /
śivaśśaṅkara sarvātmannīlakaṇṭha: namo'stu te

agastyāṣṭakametattu ya: paṭhecchivasannidhau /
śivalokamavāpnoti śivenassaha modate

// iti śrīagastyaracitam śrīśivāṣṭakam sampūrṇam //
---