શ્રીઅગસ્ત્યકૃત શ્રીશિવાષ્ટકમ્ · અધ્યાય 1

અદ્ય મે સફલં જન્મઃ ચાદ્ય મે સફલં તપ: ।
અદ્ય મે સફલં જ્ઞાનમ્ શંભો ત્વત્પાદદર્શનાત્

કૃતાર્થોઽહં કૃતાર્થોઽહં કૃતાર્થોઽહં મહેશ્વર ।
અદ્ય તે પાદપદ્મસ્ય દર્શનાત્ભક્તવત્સલ

શિવશ્શંભુ: શિવશ્શંભુ: શિવશ્શંભુ: શિવશ્શિવ: ।
ઇતિ વ્યાહરતો નિત્યમ્ દિનાન્યાયાન્તુ યાન્તુ મે

શિવે ભક્તિશ્શિવે ભક્તિશ્શિવે ભક્તિર્ભવેભવે ।
સદા ભૂયાત્ સદા ભૂયાત્સદા ભૂયાત્સુનિશ્ચલા

આજન્મ મરણં યસ્ય મહાદેવાન્યદૈવતમ્ ।
મા જનિષ્યત મદ્વંશે જાતો વા દ્રાગ્વિપદ્યતામ્

જાતસ્ય જાયમાનસ્ય ગર્ભસ્થસ્યાઽપિ દેહિન: ।
મા ભૂન્મમ કુલે જન્મઃ યસ્ય શંભુર્નદૈવતમ્

વયં ધન્યા વયં ધન્યા વયં ધન્યા જગત્ત્રયે ।
આદિદેવો મહાદેવો યદસ્મત્કુલદૈવતમ્

હરશ્શંભો મહાદેવ વિશ્વેશામરવલ્લભ ।
શિવશ્શઙ્કર સર્વાત્મન્નીલકણ્ઠ: નમોઽસ્તુ તે

અગસ્ત્યાષ્ટકમેતત્તુ ય: પઠેચ્છિવસન્નિધૌ ।
શિવલોકમવાપ્નોતિ શિવેનસ્સહ મોદતે

॥ ઇતિ શ્રીઅગસ્ત્યરચિતમ્ શ્રીશિવાષ્ટકમ્ સમ્પૂર્ણમ્ ॥
---