Skanda Purana · Chapter 7.80

// īśvara uvāca // //
tasyaiva pūrvadigbhāge liṃgaṃ pātakanāśanam //
gautameśvaranāmāḍhyaṃ daityasūdanapaścime

dhanuṣāṃ paṃcake devi saṃsthitaṃ sarvakāmadam //
śalyenārādhitaṃ yadvai madrarājena bhāmini

tataḥ kṛtaṃ tapaścograṃ samārādhya maheśvaram //
anyo'pyevaṃ naro yastu taṃ samārādhayiṣyati

sa prāpsyati parāṃ siddhiṃ yathā śalyo mahāmanāḥ //
caitra śuklacaturddaśyāṃ snāpayetpayasā tu yaḥ

gaṃdhodakena ca tataḥ pūjayetkusumottamaiḥ //
tathaiva vidhivadbhaktyā so'śvamedhaphalaṃ labhet

vācā kṛtaṃ ca yatpāpaṃ manasā karmaṇā'tha vā //
tatsarvaṃ naśyate devi tasya liṃgasya darśanāt

iti śrīskāṃde mahāpurāṇa ekā śītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye gautameśvaramāhātmyavarṇanaṃnāmāśītitamo'dhyāyaḥ