Skanda Purana · Chapter 7.78

// īśvara uvāca // //
tato gacchenmahādevi devaṃ vaiśvānareśvaram //
tasyaivāgneyakoṇasthaṃ dhanuṣāṃ paṃcake sthitam

pāpaghnaṃ sarvajaṃtūnāṃ darśanātsparśanādapi //
tatra kaścicchukaḥ pūrvaṃ nīḍaṃ devi cakāra ha

prāsāde bhāryayā sārddhaṃ nivasa nsuciraṃ sthitaḥ //
tatastau daṃpatī nityaṃ pradakṣiṇaṃ pracakratuḥ

kulāyasya vaśāddevi na tu bhaktyā kathaṃcana //
kālena mahatā tau ca paṃcatvaṃ samupasthitau

jātau tena prabhāvena uktau jātismarau bhuvi //
lopāmudrāgastyanāmaprasiddhiṃ paramāṃ gatau

atha gāthā purī gītā agastyena mahātmanā //
smaratā pūrvadehaṃ tu vismayenānubhūtijā

kṛtvā pradakṣiṇaṃ samyagvahnīśaṃ yaḥ prapaśyati //
nūnaṃ prasiddhimāpnoti itaścāhaṃ yathā purā

evaṃ devi tavākhyātaṃ māhātmyaṃ vahnidaivatam //
śrutaṃ pāpaharaṃ nṛṇāṃ sarvakāmaphalapradam

ghṛtena taṃ tu saṃsnāpya vidhinā vai samarcayet //
hema dadyācca vipreṃdra samyakchraddhāsamanvitaḥ

evaṃ kṛtvā vidhānena samyagyātrāphalaṃ labhet //
vahnilokaṃ tu saṃprāpya modate kālamakṣayam

iti śrīskāṃde mahāpurāṇa ekāśīti sāharuyā saṃhitāyāṃ saptame prabhāsakhaṇḍe prathame prabhāsakṣetramāhātmye vaiśvānareśvaramāhātmyavarṇanaṃnāmāṣṭasaptati tamo'dhyāyaḥ