સ્કંદ પુરાણ · અધ્યાય 7.78

॥ ઈશ્વર ઉવાચ ॥ ॥
તતો ગચ્છેન્મહાદેવિ દેવં વૈશ્વાનરેશ્વરમ્ ॥
તસ્યૈવાગ્નેયકોણસ્થં ધનુષાં પંચકે સ્થિતમ્

પાપઘ્નં સર્વજંતૂનાં દર્શનાત્સ્પર્શનાદપિ ॥
તત્ર કશ્ચિચ્છુકઃ પૂર્વં નીડં દેવિ ચકાર હ

પ્રાસાદે ભાર્યયા સાર્દ્ધં નિવસ ન્સુચિરં સ્થિતઃ ॥
તતસ્તૌ દંપતી નિત્યં પ્રદક્ષિણં પ્રચક્રતુઃ

કુલાયસ્ય વશાદ્દેવિ ન તુ ભક્ત્યા કથંચન ॥
કાલેન મહતા તૌ ચ પંચત્વં સમુપસ્થિતૌ

જાતૌ તેન પ્રભાવેન ઉક્તૌ જાતિસ્મરૌ ભુવિ ॥
લોપામુદ્રાગસ્ત્યનામપ્રસિદ્ધિં પરમાં ગતૌ

અથ ગાથા પુરી ગીતા અગસ્ત્યેન મહાત્મના ॥
સ્મરતા પૂર્વદેહં તુ વિસ્મયેનાનુભૂતિજા

કૃત્વા પ્રદક્ષિણં સમ્યગ્વહ્નીશં યઃ પ્રપશ્યતિ ॥
નૂનં પ્રસિદ્ધિમાપ્નોતિ ઇતશ્ચાહં યથા પુરા

એવં દેવિ તવાખ્યાતં માહાત્મ્યં વહ્નિદૈવતમ્ ॥
શ્રુતં પાપહરં નૃણાં સર્વકામફલપ્રદમ્

ઘૃતેન તં તુ સંસ્નાપ્ય વિધિના વૈ સમર્ચયેત્ ॥
હેમ દદ્યાચ્ચ વિપ્રેંદ્ર સમ્યક્છ્રદ્ધાસમન્વિતઃ

એવં કૃત્વા વિધાનેન સમ્યગ્યાત્રાફલં લભેત્ ॥
વહ્નિલોકં તુ સંપ્રાપ્ય મોદતે કાલમક્ષયમ્

ઇતિ શ્રીસ્કાંદે મહાપુરાણ એકાશીતિ સાહરુયા સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે વૈશ્વાનરેશ્વરમાહાત્મ્યવર્ણનંનામાષ્ટસપ્તતિ તમોઽધ્યાયઃ