Skanda Purana · Chapter 7.76

// īśvara uvāca // //
tasyaiva devadevasya samīpasthaṃ virājate //
liṃgadvayaṃ mahāpuṇyaṃ lakulīśapratiṣṭhitam

lakule śvaranāmāsti tasya liṃgadvayasya vai //
taddṛṣṭvā devadevasya liṃgadvayamanuttamam

mucyate sakalātpāpādājanmamaraṇāṃtikāt //
tatra śuklacaturddaśyāṃ māsi bhādrapade priye

upavāsaparo bhūtvā yaḥ karoti prajāgaram //
mūrttimaṃtaṃ tu saṃpūjya lakulīśaṃ mahāprabham

tataḥ saṃpūjya vidhinā tatra liṃgadvayaṃ pṛthak //
samyakpūjāvidhānena stutimaṃtrairanukramāt //
sa yāti paramaṃ sthānaṃ yatra devo maheśvaraḥ

iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye someśvaramāhātmye kalakaleśvarasamīpavarti lakulīśaliṃgadvayamāhātmyavarṇanaṃnāma ṣaṭsaptatitamo'dhyāyaḥ