સ્કંદ પુરાણ · અધ્યાય 7.76

॥ ઈશ્વર ઉવાચ ॥ ॥
તસ્યૈવ દેવદેવસ્ય સમીપસ્થં વિરાજતે ॥
લિંગદ્વયં મહાપુણ્યં લકુલીશપ્રતિષ્ઠિતમ્

લકુલે શ્વરનામાસ્તિ તસ્ય લિંગદ્વયસ્ય વૈ ॥
તદ્દૃષ્ટ્વા દેવદેવસ્ય લિંગદ્વયમનુત્તમમ્

મુચ્યતે સકલાત્પાપાદાજન્મમરણાંતિકાત્ ॥
તત્ર શુક્લચતુર્દ્દશ્યાં માસિ ભાદ્રપદે પ્રિયે

ઉપવાસપરો ભૂત્વા યઃ કરોતિ પ્રજાગરમ્ ॥
મૂર્ત્તિમંતં તુ સંપૂજ્ય લકુલીશં મહાપ્રભમ્

તતઃ સંપૂજ્ય વિધિના તત્ર લિંગદ્વયં પૃથક્ ॥
સમ્યક્પૂજાવિધાનેન સ્તુતિમંત્રૈરનુક્રમાત્ ॥
સ યાતિ પરમં સ્થાનં યત્ર દેવો મહેશ્વરઃ

ઇતિ શ્રીસ્કાન્દે મહાપુરાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે સોમેશ્વરમાહાત્મ્યે કલકલેશ્વરસમીપવર્તિ લકુલીશલિંગદ્વયમાહાત્મ્યવર્ણનંનામ ષટ્સપ્તતિતમોઽધ્યાયઃ