Skanda Purana · Verses 7.56-2

// īśvara uvāca // //
atha te paṃcamaṃ vacmi siddhaligaṃ mahāprabham //
brahmaṇo nairṛte bhāge dhanuṣāṃ ṣoḍaśe sthitam

rāhuliṃgasya cābhyāśe liṃgaṃ dhanadanirmitam //
dhanadatvaṃ ca saṃprāpto yatra taptvā mahattapaḥ

saṃsthāpya vidhivatpūjya liṃgaṃ varṣasahasrakam //
alakādhipatirjātastatra śaṃbhoḥ prasādataḥ

jātiṃ smṛtvā pūrvikāṃ tu jñātvā dīpadaśāphalam //
śivarātre prabhāvaṃ tu prabhāsaṃ punarāgataḥ

prabhāvātiśayaṃ jñātvā sthāpayāmāsa śaṃkaram //
tatra pratyakṣatāṃ nītastapasā yena śaṃkaraḥ

mahābhaktyā mahādevi tasmim̐lliṃge'vatāritaḥ //
taṃ dṛṣṭvā mānavo bhaktyā pūjayitvā yathāvidhi

pañcopacāraiḥ sadbhaktyā gandhadhūpānulepanaiḥ //
tasyānvaye daridraśca kadāpi na bhaviṣyati

ye caitatpūjayiṣyaṃti liṃgaṃ bhaktiyutā narāḥ //
ajeyāste bhaviṣyaṃti śatrūṇāṃ darpanāśanāḥ

iti te kathitaṃ sarvaṃ dhanadeśamahodayam //
śrutvānumodya yatnena daridro naiva jāyate

iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye dhanadeśvaramāhātmyavarṇanaṃnāma ṣaṭpañcāśo'dhyāyaḥ