Skanda Purana · Verses 7.46-2

// īśvara uvāca // //
tato gacchenmahādevi tasyaivottarataḥ sthitam //
liṃgaṃ mahāprabhāvaṃ tu budheśvaramiti śrutam

dhanuṣāṃ dvitaye caiva nātidūre vyavasthitam //
sarvapāpa haraṃ liṃgaṃ darśanādeva bhāmini

budhena caiva deveśi tatra taptaṃ mahātapaḥ //
sthāpitaṃ vimalaṃ liṃgaṃ samārādhya sadāśivam

varṣāyutāni catvāri saṃpūjya tu vidhānataḥ //
ananyacetāḥ śāṃtātmā pratyakṣīkṛtavānbhavam

tatastuṣṭamanā devo grahatvaṃ tasya taddadau //
taṃ saṃpūjya vidhānena somaputrapratiṣṭhitam//
saumyāṣṭamyāṃ viśeṣeṇa rājasūyaphalaṃ labhet

na daurbhāgyaṃ kule tasya na caiveṣṭaviyojanam //
śatruto na bhayaṃ tasya bhavettasyaprasādataḥ

iti saṃkṣepataḥ proktaṃ māhātmyaṃ budhadaivatam//
śrutvā'bhinaṃdya prayataḥ prāpnoti paramaṃ padam

iti śrīskānde mahāpu rāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye budheśvaramāhātmyavarṇanaṃnāmaṣaṭcatvāriṃśo'dhyāyaḥ