સ્કંદ પુરાણ · શ્લોક 7.46-2

॥ ઈશ્વર ઉવાચ ॥ ॥
તતો ગચ્છેન્મહાદેવિ તસ્યૈવોત્તરતઃ સ્થિતમ્ ॥
લિંગં મહાપ્રભાવં તુ બુધેશ્વરમિતિ શ્રુતમ્

ધનુષાં દ્વિતયે ચૈવ નાતિદૂરે વ્યવસ્થિતમ્ ॥
સર્વપાપ હરં લિંગં દર્શનાદેવ ભામિનિ

બુધેન ચૈવ દેવેશિ તત્ર તપ્તં મહાતપઃ ॥
સ્થાપિતં વિમલં લિંગં સમારાધ્ય સદાશિવમ્

વર્ષાયુતાનિ ચત્વારિ સંપૂજ્ય તુ વિધાનતઃ ॥
અનન્યચેતાઃ શાંતાત્મા પ્રત્યક્ષીકૃતવાન્ભવમ્

તતસ્તુષ્ટમના દેવો ગ્રહત્વં તસ્ય તદ્દદૌ ॥
તં સંપૂજ્ય વિધાનેન સોમપુત્રપ્રતિષ્ઠિતમ્॥
સૌમ્યાષ્ટમ્યાં વિશેષેણ રાજસૂયફલં લભેત્

ન દૌર્ભાગ્યં કુલે તસ્ય ન ચૈવેષ્ટવિયોજનમ્ ॥
શત્રુતો ન ભયં તસ્ય ભવેત્તસ્યપ્રસાદતઃ

ઇતિ સંક્ષેપતઃ પ્રોક્તં માહાત્મ્યં બુધદૈવતમ્॥
શ્રુત્વાઽભિનંદ્ય પ્રયતઃ પ્રાપ્નોતિ પરમં પદમ્

ઇતિ શ્રીસ્કાન્દે મહાપુ રાણ એકાશીતિસાહસ્ર્યાં સંહિતાયાં સપ્તમે પ્રભાસખણ્ડે પ્રથમે પ્રભાસક્ષેત્રમાહાત્મ્યે બુધેશ્વરમાહાત્મ્યવર્ણનંનામષટ્ચત્વારિંશોઽધ્યાયઃ